لاحول ولاقوة إلا بالله العلي العظيم

**ابو عارف** · 22-03-2009 09:31

إلى عنده قوة ملاحظة؟؟

شالغريب إللي تلاحظون في هذه القصيده..!؟

دققوا جيداًً 100% يوجد بها شيء غريب..!!

للأذكياء فقط

اول كـلام الله عــلام الاســرار*** العالـم الاول علـى كـل معهـود

له السما مع الوطـا وكـل ماصـار*** و له الملا ركـاع والكـل مـردود
الواحـد المحـمـود لـلـدور دوار ***امره مطاع وكامل الصـح حاصـود
سلط عصى موسى على كـل سحـار*** وأوصى المسامع كلهـا لحـس داوود
درس المـدرس للمـلا در محـار*** والدارس السامع له العلـم ممهـود
حلو الكـلام لمسمـع الكـل هـدار ***حامـل دروس وحللوكـل مـورود
وطعم العسل على السحل هد الامرار*** كاس الحلى مع واله الطعم مـردود
ولم السطور وسطرهـا وحطهاعـار*** على معـد الطلـح لاصـار لاهـود
دار الدهر لاهل الوطا وللعلا سـار*** دام المسامـع مالهـا حـكـم رادود
المـدح وارد للهوى مهـو محـدار ***واحمل مـوده دوم لمسلهـم السـود
واهل المـوده والهـوى دوم سهـار*** الكل سارح ماعـس الهـم موعـود
لولا الهوى مارح حلو الكرى وطار ***ودمع المدامع والسهر مالـه حـدود
حوى وكاد سهوم سـوده لهـا كـار*** والاسر صار لكامـل الـدل ماكـود
ولد الملوح دمـره حسـم الاعمـار ***وللروح طالع سلـم الهـم صاعـود
عصر الاحد مر المولع على الـدار*** سلم وعدى والامـل صـار مـردود
دار الحوار ومـد للـروح مسمـار*** مسمار هم الـدور للـروح ممـدود
صار الوداع وهل دمعه كاالامطـار*** كما المطر لاهل مع حـس راعـود
معصوم وحدود الموده لهـا اسـوار*** وسور الموده والهوى ماهو مهـدود
وصلوا على المرسل عددكل ماسـار ***على الرسول اعـداد ماعـد عـادود

انزلوا تحت لمعرفة الأجابة

والله شكلكم ماحاولتوا

المهم انزلواتعرفون الحل

T

TT

TTT

ما فيها نقط ياحلوووووووين

**غالب** · 22-03-2009 14:44

تسيف مابه نقط
ماشاء الله والله إن اللي قاله مهو بسيط
وواللي نقله بعد ماهو بسيط أبدن

واستلم سلامي

**ابو عارف** · 22-03-2009 16:19

المشاركة الأصلية كتبت بواسطة سناعيسو

تسيف مابه نقط
ماشاء الله والله إن اللي قاله مهو بسيط
وواللي نقله بعد ماهو بسيط أبدن

واستلم سلامي

-------------------------------
وسناعيسو الي علق عليها قبلهم ماهو بسيط بعد.

تقبل تحياتي وتقديري

**بنت الجبل آخت القصيد** · 22-03-2009 16:34

انا بنت ابوي

عيوني تفقعن وانا انبش بهالقصيده اخرته تطلع مابه نقط

.
.
عليك حق ياعمي

**يـــوسف** · 22-03-2009 20:01

المـذح وارد للهوى مهـو محـدار ***واحمل مـوده دوم لمسلهـم السـود

وش رايك ياخالي

**شموخ شمالية** · 23-03-2009 03:08

ابو عارف
قسم من شفت العنوان قلت هذي فيها شرك !!
وبحلقت عيوني وعجزت اركز واعيد قرائتها من جديد!!
وفي الاخيــــــــــــر من غير نقط !!!!!
ضحكتني والله .. بس حلو اللعب بالاعصاب

تقبــــــل مـــروري

**ابو عارف** · 25-03-2009 14:46

المشاركة الأصلية كتبت بواسطة عطرالقصيد

انا بنت ابوي

عيوني تفقعن وانا انبش بهالقصيده اخرته تطلع مابه نقط

.
.

عليك حق ياعمي

------------------------
هذا وإنتي عطر القصيد ماعرفتي إنها بدون نقط.
حاضرين بالحق لكن الشايب هو أول من أكل المقلب.

شكراً لك لاهنتي

**ابو عارف** · 25-03-2009 14:48

المشاركة الأصلية كتبت بواسطة يـــوسف

وش رايك ياخالي

---------------------------------
ويش رأيي؟
مسلهم السود هذا هو بيت القصيد.
كلك ذوق يالبناخي

شكراً لمرورك.

**ابو عارف** · 25-03-2009 14:53

المشاركة الأصلية كتبت بواسطة شمـــــوخ شمــاليــــــه

ابو عارف
قسم من شفت العنوان قلت هذي فيها شرك !!
وبحلقت عيوني وعجزت اركز واعيد قرائتها من جديد!!
وفي الاخيــــــــــــر من غير نقط !!!!!
ضحكتني والله .. بس حلو اللعب بالاعصاب

تقبــــــل مـــروري

-----------------------------
هلا والله بشموخ الشماليه ومرحبا
أحسن شيء إنك ضحكتي

شكراً لك لاهنتي

**عجايب بنت الشايب** · 25-03-2009 15:04

اي والله لاحول ولا قوة الا بالله

من هالعالم اللي ماترجع الحقوق لاصحابها

الشاعر يااعالم

هو فاضل الغشم الشمري

فلابد من الشاده بقدرة الشاعر

ختلفت الرواه بيه وبين عدة شعراء ولكن الصحيح انها للشاعر فاضل الغشم الشمري

اجل بدون نقط ..

منننتلعايللمينلتياي >> دعاوي عجّيز