السلام عليكم ورحمة الله :....
أهلا وسهلا بكـ المسافـر.
آخر زيارة لك كانت: 11-12-2008 الساعة 10:42
ثلاث شهور ماشفت شنقل
وماشفت أحد من أخواني أهل الفلة
آآسف على الغياب ماباليد حيلة
....
جبت لكم هالسالفة صارت توه باول هالفايت
جالسين انا وعمي بالمشب وهي تجيه هكالرسالة قالي يافلان اقره اكيد انهم الاتصالات جايين يشحذون
واقراه لقيته فضلا اتصل بي من الراعي قلت الراعي مرسل فضلا اتصل بي قال قلت لك كله شحاذه
هههههههههههههههههه
وهو يكلمه وانواع الخناق والتشتيم
المهم فهمت ان الوايت مابوه ماء ولازم يرويه اليوم
قلت خلاص عمي انا اروي بدالك مبطي ماشفت الحلال
قال رح للمكينه الجديده " الشيب " قلت خلاص
انا احسب المكينه الجديده اللي هي داخل الديره يقولون له الجديده
يامار فيه مكينه توهم فاتحينه قبل خمس شهور ولادريت به وانا صار لي حول السنه ماجيت الحلال ولاشفت الوايت
وانا اروح للحلال والقى الراعي السوداني واسلم عليه يامار يدينوه تقل ارطاة
ووجهه ماتغير صار لوه سبع سنين تقل رضمه متشطره وبس يشحذ
وانا اركب الوايت واشغله وشوي الا جاي
ياعزيزي جب لي معاك معجون اسنان
وانا اراعي للثوب واراعي للشكل واراعي للبراطم
.. معجون اسنان و الله ماتجي ؟؟!!
الشكوى لله ابشر يازول وبعد وش تبي ؟
جب لي معاك تايت
طماط
ويكا
بطاقة سواا
ااا
اا
ا
وانا امشي ولو مامشيت مكمل طلباته .. صحيح شحاذ ماينعطى وجه
وانا ادخل داخل الديره واعكس السيد شوي يمكن مية متر
وهو يجيني واحدن مقرود ومحفف على لوه دقسن ومقلع ابن الحلال
وهو يلف يعله هكااللفه اللي قام يشوف الدنيا بالمقلوب
طلع ابن الحلال من السياره مابوه شين ويدور المغابش وانا اهدي بوه
ويقول والله ما اتنازل
قلت بكيفك
والله ما اتنازل عن اي هلله أخليك تصلحه كله من الوكاله
قلت خلاص بس هد شوي لاتموت
شوي الا المرور جايين
وش فيه قلنا السالفه كذا وكذا
قالوا كل واحد يجيب الرخصة والاستماره
وشوي وقال العسكري
اسمعوا اول شي مافيه حادث
قال الولد وشلون مافيه حادث بغيت اموت انا
قال يا ابن الناس مافيه احتكاك مادام ان السياره الثانيه ما تحكحكت بسيارتك مافيه حادث << ناقه ماهي سياره
يعني الرجال راعي الوايت ماعليه خطأ ولا له شغل
<< عن نفسي أفشل نظام شفته في حياتي ولو قالوا العلماء أن القيمة في الاحتكاك
بس هذي ارواح ناس و ظلم بمعنى الكلمه تخيلت نفسي اني راعي الدقسن وقمت ادافع عنوه
ومنا كلمه ومنا كلمة وصرت فزاع لخصمي
وهو يصوت العسكري لخويه الثاني قال جب دفتر المخالفات
وهو يمحطن المخالفة الأولى
مخالفة تلويث بيئة
الوايت حبيب ئلبي انواع الدخانيات والغازات الضارة ... حسيت أني اللي خربت طبقة الأوزون
وهو يمحطن المخالفة الثانية
مخالفة ازعاج سلطات
لا تعليق ..
هو يمحطن بالمخالفة الثالثة
الاستمارة منتهية
مالي شغل الوايت ماهو باسمي بس العريف حط المخالفة باسمي
وهو يمحطن بالمخالفة الرابعة
الرخصة ماهي عمومي
لنا الله
يعله ماعادت يهكالرية لو مارويت اشوالي
بس ماجلطن الا مخالفة تلويث بيئة هذي لحالة حكاية
تسمع يا ابو احمد مشكليييييييييي كبيريييييييييييي
يبو احمد نظام اليوم غادي
.................. مرورن ضيعونا في بلادي
نظامن ما نعرفه لو يعرفه
.................... صغير السن شيب في المهادي
تصدق اغتيالك سهل جدا
....................... مهو في سيف او ضغطة زنادي
واطلع مايجيني ثقل ثوبي
..........................لك التفصيل اسمع ياحيادي
قبل يومين امشي في طريقي
.......................... على الوايت وانا انسان هادي
عكست السيد لحظة ثم جاني
............................. مقيريدن وابو شنان شادي
قلب قلبه وقلبه ثم قلبه
........................... ومع هذا نزل يبغى العنادي
يقول العسكري لازم تحكحك
............................ دقيسنهم بوايتك الرمادي
وكلام غير هذا مانقوله
...............................و إن ماتوا نظاما شي عادي
سكت شوي مدري ويش أسوي
............................... ودعيت الله يحميكي بلادي
ملايين حكوا قبلي ولكن
.............................. رقادن في رقادن في رقادي
لقد أسمعت لو ناديت حيا
................................. ولكن لا حياة لمن تنادي
مع هذا كله ما أعطاني مخالفة اني عاكس السيد وهي الأساس بهالسالفه كله
نلتقي فيكم اذا ماصار شي
.
رد مع اقتباس
المشاركة الأصلية كتبت بواسطة السنعوووسيه
المفضلات