ياقشر بعض الأخويا بالخط <_ سالفة طويلة يالربع
السلام عليكم ورحمة الله وبركاته
بسرعة نبي نبدا بالسالفة
هكاليوم وانا جاين من الدمام رايح للملوية اللي يقاله الرياض ياعله للخفىا
والطريق عج ويالله الرجل يقطع على خشمه
والله يوم تعديت عريعره الا هكالسوبر القديم متعطل وراعية موقف ياشر للسيارات ومحد يوقف له
وأنا لحالي بالخط قلت ياولد وقف لهالمسلم ووصله معك بطريقك منت خسران شي والناس لبعضه <_ راعي هياط
واوقف وأسلم __> يالخير يارجل شلونك يالله ارتسب بسرعه لاتغبر السيارة من داخل عقب تخرب الخوه وأمشي وأخليك
قال اصبر ياولدي وهو يصك الباب
واراعي لوه وهو يروح ويفتح االخلفي وهم ينقزون هكالثنين الصلعان اللي روسهم مثلثه
وطاقين الرقبة وكاشخين
طول بعض بسم الله الرحمن الرحيم وزولهم واحد الله العالم انهم توم
وهو يروح ويفتح الباب اللي ورا السواق وهي تنزل حرمة قلت عوذا وخذت يايوسف مافيه دخان وفلة
وهي تنزل الحرمة الثانية وانا انزل النظارات اوجعتن تسبدي
وهي تنزل الثالثة
وهي تنزل الرابعه عاد الرابعه سالفة يالربع تسيف هي لحاله ماشاء الله عليه كبر سيارتي <_ بغيت انبطح وأفكر شلون نركبه
واضرب طبلون السيارة يوم شفته بدت تكن قلت يابعد روحي انتي باتسر ازوجتس همر بس لاتفشليني
الحين انا قلت لروحي خلاص طاح الشاكوش بالراس ماعاد به مجال للنحشه التوم راتسبين ورا وش اعمل بهم لو انحاش
وبيني وبينكم هم ساكتين مايحتسون بس سلمو اول ماركبو وسكتو وذليت لو أنحاش يطلعون
جن ولا مصاصين دماء وينهشون رقيبتي هههههههههههههههههه
<_ يتابع افلام كثير
المهم انهم رتسبو ورا كل الحرما ورا والرجل قدام ..
يالربع الرجال ابوصف لكم شكله __> قصير ولااعيره والله وأصلع وضعيف ووسيم
يوم مشينا شوين وهم ساكتين وانا ساكت ذال يطلع بهم بلا وامشي 60 احتياط وحاطن يدي على اللي يفتح الباب لاصار شي ماشيات اطبق من السيارة
المهم ماخذيت شوين وهو يطلع الشويب من مخباه 4 بكتات دخان قلت اممممممممممممممممممممممممش بدون شعور
وهو يراعي لي وانا اصد ذليت
يوم دبل تسبدي هو ساكت وانا ساكت مستحي وعقب خربته قلت ياخالي سالفة وقصيده
شين سولف تكفى لاالصقكم بأقرب كبري وانتحر
انت وهاللي تقل قرعه راس حديهم <_ حاقد
قال وش انت ..
قلت بشر وشو <_ للحيني خاش جو وحوش ومصاصين دماء هههههههههههههههههههههههه
قلت انا شمري
قال ونعم والله ماامداني اسدد له وحده ماعليك زود الا الكورس اللي وراي ييقولون ونعم
<_ طرآ علي الكورس اللي مع ناظم الغزالي
الله حق انا نزيت شوين ماهو حيل ذليت انهم تحولو وحوش
وهم يضحكون الصلعان اللهابو هالروس المثلثه هههههههههههههههههههههههههههههه
وسوالف انا والشويب وخشيت جو وهو يسولف ويضحك وانا اصفقه على رجله وهو يراعي لي وعم السكوت ارجاء السيارة
وهو يراعي لي ويميل شوين يسار ويثني ركبته ..
أتحراه بس يقمز علي سنع خفاش وانا اقوم انزل روحي شوي شوي واحط يدي
على الباب ابفتحه ابطبق
قلت ياعمي ترن مسوين بكم خير لاتسوي بي شي وتر وراي لي عزوتن مايخلون حقي والله لو تطبق السماء فوق هامتك
والوغدان لهم ضحك يالربع تسيف ضحكتهم زي بعض سبحان الله هالشيف
المهم ضبطت العلاقة وقالي وين تشتغل ياأبني ..
قلت لا لا لا كذا اتعب نفسيا وماديا حلوه ابني حسيت انك وزير ولا من شيبان آرامكو معه سادس ليلي ويكشخ قدام ربعه
قلت موظف بنك
وخلال جزء من الثانية الا يده لازقتن على طبلون السيارة ويقول استغفر الله اعوذ بالله
انا هنا قلت لا خلاص تاكدت ان بوه جنبية صدق ماهو مزح
تسيف يالربع مال رويسه يمين وشوي يزبد فمه
سنع جمل بغىا يهدر هههههههههههههههههه
قلت شنوحك ياعم وش العلم ..الا حرمتن ورا تدعي وماأدري وش تقول بس اللي فمهته انه تقول استغفر الله لاحول ولاقوة الا بالله لعن الله الكيفرآن .
حسيت اني كيفراني
قلت يالربع العلم وشو وش السالفة
قال خاف الله ياولدي تدري ان هالشغله حرأم وراتبك حرام <_ عاد البارح معشي الشباب وناسه
وهي تضيق بي هالدنيا وهو يحدث وشوين ويقرا علي تحمس ههههههههههههههههههههه
قلت اسمع يابشر ياآدمي يرحم امك وش تبي انت من حياتي اطلع منه ارحمن تكفى
وهو يقوم يسولف لي عن العذاب بجهنم <_هنا حسيت اني سابن الرسول ولا محرف بالدين ولا ملحد هههههههههههههههههه
قلت واحد من اخويانا سئل ياخي المفتي وقاله مابه شي وظيفتك دامك موظف زيك زي السماعه <_ وجه يبتسي
وطول هالطريق وانا وهالشويب مناقر والعجوز اللي ورا تدعي قلت لحظه لحظه وقف شوي ياملا المرض
الحين هاللي مرتسبهن ورا والوحده أكبر منك مرتين وش سالفتهن ..
قال حريمي
قلت اممممممممممممممممممممممممممش يابو رمش بالله صادز أنت .. علمن الصحيح لااعطيك كف حلاقة
قال وشو .
قلت هآه لا سلامتك ماشاء الله عليك بعدين مالومهن ياعمي زين وولد على أولك <__بقلبي اقول اللهابو ذوقكن شلون تبيعنه وتآخذن هاللي ماتوكل فضلته هههههههههههههههه
وهو يتنحنح ويتعدل ويلبس الشماغ والعقال صدق روحه هههههههههههههههههههههههه
المهم اني بمدخل الرياض نزلتهم عند بناخيهم وحنا عند البيت ابلشوني وغدانه التوم كلن يتلن مع جهه ويحلفون والله ان تقهوى علي ماعلي ويحلفون
وأراعي لهم واضحك يالربع ماشاء الله عليهم طقم وحتسيهم حتسي رجال تسيف طول هالخط ساكتين بس يضحكون شوين ويسكتون ماشاء الله
ماهو وغدانا الواحد ينتف شوشتك اونت تشوق
إيييييييييييه عآد حنا مشكلتنا أن العالم صارو كل واحد يفتي ويالله ياكريم ويافتاح ياعليم
توسدو إحترامي
رد مع اقتباس
المشاركة الأصلية كتبت بواسطة الماسه سلطان
المفضلات