الدرر البهية في مراجعة الدوائر الحكومية

**مصقال** · 05-03-2009 02:45

مسالخير أهل الفلة

هذي بعض النصائح الذهبية إذا حديكم بغا يراجع بعض الدواير الحكومية
مثل المستشفيات أو بنك التسليف أو البنوك الأهلية أو الوزارات :
النصحية الأولى
إذا بغيت تروح للمستشفى مر الحراج وخذ معاك سرير علشان إذا قالوا مافيه سرير مالهم حجة حطه بأقرب حديقة و لا السطح وأنسدح
النصيحة الثانية
عند مراجعة طوارئ أي مستشفى في المملكة أحسن شي رح لأي صيدلية وخذ بندول أو فيفادل و رح للبيت إختصارا للوقت
النصيحة الثالثة
في حالة مراجعة المستشفى خذ معاك 18 ريال علشان المواقف لأن الساعة بريالين حق 9 ساعات لأنك تبي تبطي
النصيحة الرابعة
إذا رحت للمستشفى روح صايم تدري ليش أولا علشان التحليل
ثانيا علشان تدعي الله إنك تخلص بسرعة لأن دعوة الصايم مستجابة
وإذا غثوك إدع عليهم وإمش
النصيحة الخامسة
إذا رحت للمستشفى حمل جوالك بأنواع الألعاب و مقاطع الفيديو و الصور وأشحن الجوال فل علشان تضيع وقتك
النصيحة السادسة
إذا بغيت تراجع بنك التسليف لازم تواصل لأنه لازم تجي الساعة 5 صباحا علشان تاخذ ورقة طلب
النصيحة السابعة
عند مراجعة البنوك الأهلية حاول تجي الصبح وتتقصد حدا الموظفين وهو يسوق سيارته و إنبطح قدام السيارة خله ياطا على صابرك بالكفر شوي وقم ونفض ثوبك وإذا قال أنا أسف ممكن أقدر أخدمك قل طوالي أبي أفتح حساب
النصيحة الثامنة
قبل لا تراجع الدواير الحكومية رح يم لبنان وسو عملية شد براطم
علشان ترسم البسمة على محياك أخاف تكشر ويوعدونك بعد شهر
النصيحة التاسعة
قبل يومين أو ثلاث مر الدائرة ألي تبي تراجعه وخذلك فرة به علشان تعرف وقت تواجد الموظفين بمكاتبهم و وشو أقرب فوال لهم علشان الصبح تطب عليهم به
النصيحة العاشرة
لا تستهين بالهنود والبنغالية ألي يشتغلون بالدايرة تراهم يقدرون يمشون طلبك لأنهم مسلفين أكثر الموظفين و واعدينهم على الراتب يعني كاسرين عيونهم
النصيحة الحادية عشر
جهز الواسطة قبل لا تجهز أوراقك و الملف الأخضر العلاقي لأنها ما تنفعك أوراقك بدون واسطة
النصيحة الثانية عشر
هذي خاصة بالمرور فبل لا تراجعهم أطلع درج البيت حدود 42 مرة
لأنك لازم تكسب لياقة علشان الله يعينك تبي ترقا الدرح كذا مرة لأن كل واحد يبي يشوتك على الثاني
النصيحة الثالثة عشر
لا تروح تراجع أي دائرة حكومية مهما كانت قبل أي مباراة جماهيرية
مثل أندية النصر و الهلال أو الإتحاد والأهلي لأنك ماتدري يمكن يكون فريق الموظف مهزوم و ماله نفس ويعقد عليك المعاملة
النصيحة الرابعة عشر
هذي النصائح من واقع خبرة والرجاء منكم التقييد بها

وشكــــــــــــــــــــرا

**جبرني الوقت18** · 05-03-2009 02:58

هههههههههههههههههههههههه
الله يعطيكـ العافيه على النصائح الممتازه
شكلكـ تعااااااااااااااني انت
توسد احترامي

**ماجد** · 05-03-2009 03:02

بعضها صحيح
والباقي عرق القراده داخل فيه

الله يعطيك العافيه

**مصقال** · 05-03-2009 03:10

مسالخير جبرني الوقت

أنا مهو ألحالي أعاني

أنا أنقل معاناة الشب كله

وهذا الملاحظ في المراجعات

وشكرا

**مصقال** · 05-03-2009 03:14

مسالخير ناصر

صح

النصيحة الخامسة عشر

إذا أنت مقرود لا تراجع إقعد بالبيت أحسن

وشكرا

**εïз خزامى εïз** · 05-03-2009 03:15

ههههههههههههههههههههههههههههههههههه
جب سريرك واجهزتك معآكـ بعد
نصآيح مريرهـ << وش عندهآآآ
ميرسي مصقآل .... موضوع قوي (ترفع ابهام)

**مصقال** · 05-03-2009 03:19

مسالخير خزامى

هذا بعض أعذار المستشفيات التي هي بدورها أقبح من ذنوبهم

ترا مراجعة المستشفيات بحد ذاتها مرض

شكرا على إهتمامك الدائم بالرد على مواضيعي

**فتى البيداء** · 05-03-2009 03:27

كلام والله درر وصحيح ومجرب .. وهو حتى الأن ساري المفعول ..

وأضف لذلك لا تدخل على مستوصف ولا حتى سألن عن سيارة هي لمن ؟؟

لأنهم مباشرة سيصرفون لك فيفادول .. شأت أم أبيت ..

تحياتي مصقال ..

**مصقال** · 05-03-2009 03:39

مسالخير فتى البيداء

والله أنك صادق تصدق أتمنى إني أصير وكيل بنادول بالسعودية

ياخي المستشفيات مشوا سوقه

مايعرفون ألا البنادول والفيفادول بس

وشكرا

**يـــوسف** · 05-03-2009 05:58

لا لا لا الوضع ماينسكت عنه

يامصقال انت وحيل حليل تبي تتسببون بشحن أعضاء الفلة بدينات ونقلهم للحاير

<_ طرآ عليه عوينات الشبث يراعي لماجد مغورقات عيونه

جبته على الجرح يامصقال

لو أنا موظف وزارة تسان منجلط عقب جلدك هذآ .

وياويطي يالمستشفيات تجيهم تبي تموت يقولك مافيه سرير <_ عآد تلقىا موظف الأستقبال ولا حق المواعيد يلحس برطماته وبس يفرفر بالأسياب ومخلي كاونتره

<_ حاقدن عليهم

لاهنت يامصقال