المشاركة الأصلية كتبت بواسطة البهبهاني
[poem=font=",6,white,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
البارحه صدري سرت به طواريـه=قامت تدور بهونها ثـم عثـت بـه
على رفيقـن دايـم الـدوم تبليـه=طبوعن على قل السنع درهمت به
يزعل ويتعب صاحبـه بالمشاريـه=ولو هو على حقن لزومـن يسبـه
أثر الرجال عقول ومن تاه تعميـه=روابعـه ماعزهـا لاوطـت بـه
عزي لمنهو ينحرف عن مماشيـه=ثمن سواليف الرخامه غـدت بـه
والا الرجل دوم الشهامـه تباريـه=ماغرتـه دنيـاه ولاشوشـت بـه
الطيب طبعه والوفـا مـن معانيـه=ويفزع ليامن النشامـا هقـت بـه
والكلمه الي تختلف عـن مباديـه=يشوم لو كل الخلايـق حكـت بـه
يابوعويد خاطري اليوم جـا فيـه=همومن عريضه طولت ثم سطت به
الله يكافيـك الـزمـان وبـلاويـه=ويسعدك في عمرن ليالي بقت بـه
[/poem]
صح أبدانك يالبهبهاني ..: لاهنت ..!
قصيدة جميلة وننتظر الأجمل ..!
عندي وجهة نظر بسيطة ..: البيت ماقبل الأخير , أتى في غير مكانه ..!
لأن المعتاد أن يأتي أسم الشخص المسند إليه في أول القصيدة ومن ثم يأتي به الشاعر أين أراد ..!
أتمنى لك التوفيق أخوي ..!
رد مع اقتباس
المفضلات