طقة الولد وموزع السهره
مرحبا اباكبر بونجوغ هلو اوقابوقا
يالربع والله ان الواحد من كثر ماتنزل مواضيع فلاويه انوه يستحي ينزل اي شي <<< اقول اخلص عطنا اللي عندك او انلدم..
طيب هذي سويلفه والله انه صدز ياروح حايل >>> كافشتوه روح حدا المرات انوه يتسذب
الوكاد ... تعرفون وش معنى طق الولد واللي مايعرفه يسال ابو غازي
في أواخر عام 1422هـ كنت باجازه من العمل وحوالي الساعه ثمان الصبح دق على واحد من الشباب عاد انا مانمت الا بعد الفجر وهو يعلق الاتصال الله يجيركم يما قعدت
الو الجثري وشلونك وش الاخبار .... الخ الاكيد ربع ساعه وهو ينشد لين طار النوم من عيوني
قلتلوه ياولد انا قبل امس معك يوم انت تولجتن الصبح اخبارك وما اخبارك وش تبي ؟
قال بالله طار النوم عنك !!!! قلت ايه طار يالماقس وش عندك قال بالله تعال للدوام كملنا نبي نلعب بلوت !!!!
انا وصل الضغط عندي مليون قلت الا غيره قال ماغيره شي قلت اجل اسمع علي الحرام حرم البنت على ابوه لو اجي للدوام بعد الاجازه والقى رقمي مخزن بجوالك لارتكبك جريمه يلله انقلع وانا اقفل جوالي (واحرم لعب البلوت على نفسي)
وهي تمر السنين مالعبته لين جاء يوم من الايام وكنت مرافق مع اخوي بالمستشفى ويوم جت الساعة حوالي عشر باليل وهم يتجمعون المرافقين بغرفتنا انا واخوي (جايبلهم عشى ابن مهيد)
حنا ثلاثه انا رابعهم ومعنا واحد كبير سن يوم حنا نتعشى كان ياكل بملعقه باليسار ولا سالت نفسي انا ليه لاني بطبيعتي مااركز على بعض الامور
الوكاد قالو يالربع وشرايكم بلوت وعلى طول قالوتم ونقز واحدد للسياره تحت وجاب البلوت انا بهالحزه بين نارين ياما اني العب واقطع ديني او اني اقول مااعرف وبينشبون لاخوي واخوي يبي يستحي ويلعب معهم وهذا اللي انا مابيه
قلت تدري ياولد العب وصم لك ثلاث ايام اجر وغنيمه
بدا اللي يميني يوزع والنضام ان اللي يوزع اللي بعده وانا اخر واحد وانا اتلقف لاني مااداني التوزيع قلت تبونا نلعب استعمار يالربع قالو تم الاستعمار ان المتاخر باللعبه يكمل توزيع الين تنتهي ......
اللعبه الاولى تقدمو علينا يعني التوزيع عند خويي راعي الملعقه وهم يعطوني الورق قالو وزع عاد هم الثلاث من قبيله وحده قلت انا ليه يبه هي حميا او وشي التوزيع عند الرجال وهو يضحك قال لاوالله ياولدي ماهي حميا بس انا يدي اليمين مشلوله !!!!! قسم بالله تقل صافقن على وجهي !!!!
اولاً الرجال كان ياكل باليسار ثانياً كان طول اللعبة الماضيه منزل الورق على الارض يسحب على وحده وحده وانا ال**** فاهي مادري وش الطبخه ........
الوكاد اني وزعت هاكالليله لين اذن الفجر ...............
ودمتم
رد مع اقتباس
المفضلات