تذكرت لكم سالفه يوم اني بلابتدائي
كان فيه بنت مأذيتنا بالحاره وما تخلي احد
تضرب البنات والعيال والكبار والصغار
وبعد معنا بالمدرسه يعني ورانا ورانا والزمن طويل
بوصفه لكم :
هي بنت تتكون من كتله من العظام وقليل من اللحم يعني نحيفه ومعصقله ورجلينه طوال
ووشعره طويل ومنفوش ودااااايم تفكه مادري وش السر
بس اعتقد هو سر قوته بالحياة
وخشمه طويل وعيونه مبققتهن وحواجبه واصلتن لاذانه
وكانت تضرب بيده اليسار وهي تخوف ودايم تسرق وبعد سريعه مايمديكم عليه
يعني كل عله بهالبنت الله لايبلانا وبعد اخوانه مثله
وما احد يمر من عند بيتهم الا يمسكونوه ويسوون بوه لهم سوات 
يعني لو تطلع لاحد كان ينفضخ قلبوه منه
وبعترف لكم بشي خطير بس لاتعلمون احد
بيني وبينكم والله اني اخاف منه
ويوقف شعر راسي وتجيني ام الركب لاشفته
ومره من المراريت كنت انا واختي راجعين من المدرسه ولا عندنا من الشيطان طاري نركض و نلعب <<ام البرائه
الا والله هالشبح طالعه لنا
ومايمدينا نهج مافيه الاهالمكان اللي يودي لبيتنا
ولو رجعنا تبي تلحقنا وتذبحنا يعني رضينا بامر الله وتشهدنا
المهم
مسكتنا <<جاك الموت ياتارك الصلاة
تقول وقفوا وبدت قطرات الندى تطلع مني <<من الخوف
قلت وش تبين قالت وش اسمتس قلت منى <<مادري من وين جبته
وهي بس التفت على اختي تبي تسأله
الا والله ماتشوف الا غبرتي وفحطت بكل ما اوتيت من قوه
واختي الذكيه ماعرفت ان هذي خطه من خططي الجهنميه
<<اسكتي لا احد يسمعنا وش هالخطط اللي كلن يعرف يسويه
واحسب اختي وراي قلت يابنت يبي لتس تعطينه من هالدروس علشان تعرف متى نهج
نرجع لمحور اختي
وجلست له صياح وجعير
وشكله رحمته وفكته
وبعده بكم سنه نقلوا من الحاره وافتكينا منهم
تراه تصلح تخوف الصغار اللي يبيه نبيعه لوه بلاش وبالمجان
وآآآآسفه على الاطاله
دمتم بود,,
رد مع اقتباس
المشاركة الأصلية كتبت بواسطة سناعيسو
المفضلات