يقولون
بالزمان الفايت
فيه شخص يدعى "جريس"
وكان يتيم الاب والام من صغره وتربى على يد حدى الشيوخ, والشيخ هذا ماانجب الا..بنات. وتربى جريس معهن لدرجة انه تعلق بهن وكبر وهو يروي ويحطب معهن ولا عرف الرجال والمرجله..
يوم كبر وبلغ...قامت تتحرك عنده معالمها.. وبيوم راحن البنات للغدير وكانن يراعن للشباب..اللي ينظّف باروده واللي يعدّل محزمه .. وكل وحده تباهي خويتّه بعشيقه. بدت الغيره عند جريس...وش يعملون هذولا؟ قالت وحده يبون يغزون.
بالليل راح للشيخ..ابي اغزي معكم..حاول الشيخ يرده لكن مافيه فايده...مصمم. عطاه الشيخ باروده وفرس. ووصى العقيد عليه
يوم مشوا وهن يتعلقن بنتين بفرسه ياجريس خلك عندنا من يفكنا ليا رحت..من...من.
عيا..قالت وحده اصبر ابوصيك:
[poem=font=",6,skyblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياجريس حذرا عن حصانك تتله=تطلع على ذود سوات التشاريق
واحسرتك كان الجنب مردفلّه=بايمانهم مثل لميع الغرانيق
يجيك مصطور يلافت لظلّه=حبه بقلبه مثل نظم المخانيق
ويطعن لعيني باللقا عشقتلّه=لولا طبوعه مابغيناه عشيق
[/poem]
قال..اتركيني...وهي تمسكه الثانيه قالت ابوصيك:
[poem=font=",6,skyblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياجريس حذرا عن كثيرات الاطماع=وحذرا عن ام طويق لوهي وحدها
يجيك راعيها من الجو.. فزاع=عشيق بنت تو.. زمت نهدها
بالبطن شبريّه وبالكف لمّاع=ينتل شواك وهي بحامي جهدها
[/poem]
قال انقلعن عني..وهو ينتل حصانه معهم
المراد, خذوا لهم حلال ولحقوهم العرب وردوا حلالهم وذبحوا منهم وصوّبوا اللي صوبوا..حدى الشجعان هاز جريس وهو يضحك جريس .. وهو يلعن بليس الفارس وهو يرمي عقاله على جريس .. قال ارجع ترك منيع لفلان..
انتهت المعركه ورجعوا جماعة جريس لاهلهم...قال الشيخ وين جريس.؟ وهو ينقز اكالمهبد اللي مثل...محارش والشبث!! والله يالشيخ طعنوه ورجعتله ابردفه وقطع بين يديني.
اللي ردوا الحلال مستانسين وفرحانين برد الحلال...قال الشجاع..هاتوا المنيع..وهم يجيبون جريس مكتّف..
قال: وش اضحكك بيومن مابه ضحك..قال جريس ياعمي يوم لحقتونا وحنا هاربين..التفت يميني يمار هذي ام طويق جنبي..ولحقتن انت!! وطرت علي الوصايا..
قال الفارس وشن الوصايا؟ قال فلان هذي وصيّته وفلانه هذي وصيته.. وكل الوصيتين يوصفنّك
قال هاتوا الفلانه والفلانه...ازين بكرتين عنده وكل وحده لبسوها طوق حمر..
قال ياجريس فرسك وبارودك وحياتك..الله ردهن لك وهالبكرتين للبنات اللي وصنّك
رجع جريس لاهله ودخل بيت الشيخ رافعن راسه...وهو يقوم الشبث المهبداللي ذبحه بالكذب وينحاش...قالوا وش صار؟
قال جريس صوّتوا لفلانه وفلانه .. هن اللي فكني واهداهن الهدايا وسولف على الجماعه سالفته
وجيتك منهم مادري عنهم
رد مع اقتباس
المفضلات