الله يا أيام رفحاء

**مقلع الظروس** · 13-02-2009 19:49

السلام عليكم ورحمه الله وبركاته

وشلونكم يالربع عساكم بخير جميعا

يالربع هكاليوم قاعدن بالبيت الا بناخيي يذاكر وشادن روحوه بالمذاكره

وتذكرت أيام الدراسه برفحاء اه يا هذيك الايام

يالربع بوه مدرسن لنا ينقال عنبر العنابر

يدرسنا انقليزي

وتخبر هكالايام ما نعرف شين

وتوهقنا ما ندري وشلون نذاكر ( فظيخين قلب )

نقز واحدن من الربع ( يالربع أول مره يسوي شي زين بحياتوه )

قال وش رايكم نشري الاسئله من المدرس

والله قلنا فكره زينه بس منهو اللي يكلموه

<<< أنا ما يدانيني المدرس

قال واحد أنا أمون عليه وأبي أكلموه قلنا اوكيه

المهم وندبر لنا 1500 هو يبي 2000 ريال

المهم وحنا نتمشى برجاء رفحاء

مريت من عند باب البيت قالت لي أمي

ولك وين مولي

قلت هاه يمه شتبين

قالت هاك هالتيس روح اقلعوه برى بالبر لا يفطس ويعفن علينا بساع يملا الغاضور

والله وأنا أشيلوه وجتن فكره جهنميه ( بدت قراده العفاريت )

قلت يا خوي وش رايك نذبح التيس ونصلخوه ونوديه للمدرس مع 1500

قال عز الله أنه فكره

والله واسفط بملعب كوره مابوه الوالي

وجي وابحر بالتيس الا وهو فاطس

<<<< قلت والله الا تنصلخ هاليوم ميت ولا منت ميت

واعلقوه انا وخويي على العارضه حقت الملعب ونصلخ هالتيس

ونحطوه بهالكريتين اللي ما صار ولا استوى ( كرتون موز )

ويروح خويي ويدق الباب على المدرس

فتح الباب عنبر

قال اهلين يا فهيد

أزيك قال بخير يعلك بخير

قال يا أستاذ انا جبت لك 1500 ريال ومعها تيس توني ماخذوه من السوق بـ 700 ريال

وصلختوه لك ما عليك الا تطبخوه وتعشى أنا والعيال

قال الله يبارك فيك يبني

وعطاوه الفلوس والتيس

الا عنبر يبي يسكر الباب قال خويي : هيييييه يبو الشباب وين الاسئله

قال طيب راح أقول لك المهم بالمذاكره

قال لا تعطيني الاسئله يا أستاذ

<< خويي فضيخ بس ما ادري وشلون طلع ذكي

والله ويعطينا الاسئله

مر يوم الخميس

والجمعه

وجانا يوم السبت ( القراده )

دخلنا الاختبار

<< طبعن أنا مبرشم الاسئله

والله وختبرنا وطلعنا ونطالع يوم مدرسنا عنبر ماهو بالمدرسه

ونجي عن مدرسن ثاني قلنا يا استاد مدرس عنبر وينوه ما يبين

يوم قال لنا المطمه

( صارت البيتزاء )

قال أستاذ عنبر

وأم العيال

وعيالوه

بالمستشفى

هههههههههههههههههههههههههههههههههههههههه ههههههههههههههههه

أيا عله سودا

قمت أنقز بمكاني تسني مقروص

قلت ليه بالمستشفى عسى ماشر

قال الظاهر أنهم متسممين

قلت كملت يا فهيييييييييييييييد

رحنا تشريب

والمهم جاء بعدها بيومين الا وهو جاي

قال لخويي فهييييييييييييييد أنا تضحك علي تجيب لي لحم ميت

أنا يا فهيييييييييييييييييييد

قال وش أنت ( هايس القعيط )

قال يا استاد شارينوه بـ 700 ريال

بس أبشر يا أستاد بواحد غيروه

قال أيه غيروه

والله العظيم الا أوريكم

ويقعد لنا قعده العالم تغش وهو فوق روسنا

وتجي النتايج الا وحنا صاقطين بالانجليزي

لا بالحتسي شارين الاسئله

تقلدوا تحياتي

**الشبث** · 13-02-2009 20:40

ياهلا باخونا مقلع الضروووس

هههههههههههههههه

ياخوك حرام عليكم

جايبين لوه فطيس ههههههههههههه

الا ابسألك

وينك غايب كل هالفتره اللي طافت ؟

عزيز وغالي يابو ضروس

ولاهنت على هالسالفه الطيبه

وتقلد تحيتي

**مقلع الظروس** · 13-02-2009 20:55

زعلانن عليك يا شبيثان

بس هات ايميلك برساله خاص

**الشبث** · 13-02-2009 21:18

افااا

العزوه زعلان

ابشر باللي يرضيك

وايميلي جايك الحين

وتقلد تحيتي

**ريال الفسحه** · 13-02-2009 22:00

هههههههههههههههههههههههههههههه

تستاهل

تدري ليش

لان موضوعك كلوه مسافات قسم بالله لو رايح للدمام
وارجع ابرك من هالمسافات ياولد انعميت

**ماجد** · 13-02-2009 22:20

هههههههههههههههههه

قسم انكم منتهين
تسيف صلختو التيس وهو فاطس
لا ومعلقينوه بلعارضة هههههههههههههههه

خووووووووووووووش سالفه يابو ضروس

**فتى البيداء** · 13-02-2009 23:40

[align=center]
يانهار مش فايت .. << وجه واحد منصفر

أعوذ بالله أغشيت من الضحك ..

أجل أنا يافهيد

أنا يافهيد

حسيت أنه يراعي لي ..

ألا وليه تجيبون له تيس .. لو أنتم أمتصيدين له قوقس وقلتوا فراخ تسان طار م الفرحه ..
[/align]

**يـــوسف** · 14-02-2009 00:56

عز الله ماسبقتو على هالعملة
بس بيني وبينكم متسدين كل مدرس عنقليزي ماش الا يدبل التسبد ويغث

لاهنت يامشلع الضروس <_ انتبه تر بوه ناسن مركبين طقوم ذهب

لاهنت يالغالي

**روح حايل** · 14-02-2009 03:44

هههههههههههههههههههههههههه

يالمجرمين ياسفاحين هههههههههههههههههههههههه

تسلم على هالسالفه

**أحمد** · 14-02-2009 17:10

[align=center]
هههههههههههههههههههههههههه

والله انكم مطانيخ ودي لو هو الا هالحين يغسل معدتوه >>>>> مايداني المصاريه

تري مكاسي مقلع الضروس
[/align]