عضو جديد حصريا على الفلة

[مصقال]

مساكم الله بالخير
يا أهل الفلة انا جديد عليكم وحاب اتعرف عليكم بس بالبدابة حبيت ان اعرف عن نفسي بهذه السطور
أخوكم مصقال المنصقل ( مصقول من الدنبا )
العمر ( معليش مضيع بطاقة الاحوال )
العمل ( اعمل على بناء مستقبلي بس للاسف الحديد غلا )
الحالة الاجتماعية ( احب بنت جيراننا وواعدني ابوها بالزواج بعد الوظيفة بعني على امل )
المستوى الدراسي ضاعت الشهادة مع بطاقة الاحوال
الهواية ( تصليح الدشوش بس الجو هاليومين برد مقدر امارس هوايتي قمت اصلح رسيفرات )
الطول ( اذا رقيت على المركا اقدر اغير اللمبة البيضاء على حنب الجدار )
الوزن ( دمي خفيف )
لون الوجه ( مدري ماعندي جواز )
الجنسية (بعد مدري مضيع بطاقة الاحوال بس ابوي سعودي )
مكان الاقامة ( اكثر شي بالمقاهي )
اشحع نادي النصر واحسن لاعب عندي ماجد عبدالله بس ماشوفه هالايام يلعب شكله مصاب برباط صليبي ابعده فترة عن الملاعب
طفولتي بريئة بس احب اغمت البساس بخيشة
وعلشان كذا ابوى واخواني الكبار وامي وشيبان جيراننا وعيالهم وحريمهم وهنود الدكان والعيال الي بكبري والبنات الي بكبري والمدرسين وعبال الفصل وعيال الحارة كلهم يطقوني
و وشو بعد ياربي ؟؟؟؟؟؟؟؟؟
ايييييييييييه صح حتى بنت جيراننا الي مواعدني جارنا اني اتزوجها تطقني صحيح ماتدانيني بس باخذها
بس طفولتي بريئة حتى لو في راسي 14 فلقة من ام 7 غرز بس وناسة
احسن شي عندي مشاهدة الافلام الامريكية واعرف الممثلين واحد واحد وهذا جاي من تعمقي بالدشوش
احب تكوين صداقات مع الكل يعني قطة وجه
مع ان ابوي قايلي ( لا تتحدث مع الغرباء )

احب استانس وأفرفش لان الدنبا معطيتني اشكل على طاري اشكل تراني فتيت بلوت
بس اكره البلايستيشن لاني كله مصقوع
احب البر والرحلات البرية لان فيها جمرية بالديرة مافيه الا خبز لبناني الا ليه سموه خبز لبناني سؤال اطرحه للنقاش ؟؟؟؟؟؟؟؟
حبيت اشارك معكم لانني مرة رحت مع ولد عمي الشبث وقال ابوديك نشوف افلام على النت يعرف نقطة ضعفي لكن الملعون حطه على الفلة وبدا يعجبني الجو
على فكرة انا ولد عم الشبث اكبر منه سنا وافوى منه
على العموم انا اتمنى منكم الترحيب فيني وقبولي بوظيفة كاشير؟؟؟؟؟؟؟؟؟؟؟؟؟؟
معليش صديق لكم
( اسف من كثر مااكتب معاريض على بندة والعثيم علشان اتوظف عندهم)
وشكــــــــــــــــــــــــرا
انتظر ردودكم

[حمـود]

مصقال

ما ادري وش تقول

اذا ولد عم الشبث قل كلمت السر

مما يستفاد من الموضوع


انك طويل ومعصقل وسمين وقصير

تحب تشاهد الافلام وتعشقها

ايه صح سير علي عندي 159 فلم اجنبي وعربي وافغاني

وعندي خمس مسلسلات باكستانيه والمانيه وقرينزيه ولا ننسى جنوب افريقيا

تمسي على خير

بالله كم الحساب

[صلفيق]

شكلك متسلل ..!

بس بجيب لك حرس الحدود يشوفون قصتك .


وتصيد البساس بالخيشة .. والله فيك من الشبث !!


سيّر على الناصر



هلا فيك

[εïз خزامى εïз]

هههههههههههههههههههههههههههههههههههههههه هههههههههههههه
ههههههههههههههههههههههههههههههه
يآعيشتن قشرآآآآآ
تكفى لا تقول مقرود ...!
حيآتكـ مأسآآهـ
يالله انكـ تلقى وظيفه
عشان تعرس علاهآآآآ يالله << لحد يشرهـ احب الحب
حيآكـ الله بين اخوآنكـ واخوآتكـ بالفله
كان ودكـ هندي
عندي
ياهلآآآ
...

[صعوة فسفورية]

هلا وغلا

باللي لفا

وهفا

ووقع عندنا

اكيد امك داعية عليك

الله يعينك بس

لا خلاص ولد عم الشبث

شرفتنا وانستنا

[أحمد]

[align=center]
هلا والله بمصقال الغالي ولد عم الغالي


بس ياخي وش مشكلتكم انتم والبساسه ؟؟



معك اخوك الجثري مهندس معماري تخصص جراحة قلب ولوز وزلوف





يوم انا كبير مبطي كنت وزير الماليه والاعمال الشاقه




والخبزه اللبنانية لانه مستديره شيباننا الاولين على دور عمي ابو عارف ياشافوه طرت عليهم خشة صباح الشحروره واتوقع من هالمبداء جت التسميه







حيلك الله مصقال اخ منسم ومستهبل ومقروود مافيها طقة عصا والسبب مثل عين الشمس خخخخخخخخخ
[/align]

[يـــوسف]

حياك الله يالغالي والساعة المباركة اللي شرفتنا به

إن شاء الله نشوفك عضو مميز معنا وتثبت وجودك بين الاخوان والاخوات .


نبي ماضوع عاد يالله شد حيلك يالغالي



توسد إحترامي

[الشبث]

لا يا عيشة مرمر


يالله حي مصقال



يالربع


والله معلومه صحيحه


هالمدغبج ولد عمي واخوي الكبير



حيوه







وتقلد تحيتي

[شنقل]

[align=center]
^
^
^
ماعرفكم
[/align]

[حيل حليل]

واعزززززززززززززززززي لنا
حنا بلشنا بشبيثان والحين جيتنا انت بعد ( فيس واحد يضرب براسه الطوفه)

لكن حلوه السيره الذاتيه
حسبي الله عليك شكلك تشتغل بالصادر والوارد
هاللي اودعك محترف بكتابة المعاريض

على العموم
حياك الله اخوي مصقال
وهذي الساعه المباركه اللي انضميت للزقرت بهذا
وبارك الله بشبيثان اللي جابك يمنا

كل التحية لك