من عنده سلف لمدة ساعتين فقط؟

[εïз خزامى εïз]

الله لايحوجنآ لا دنيا ولااخرهـ
ويهدي الجميع
عمو ابو عارف
انت طيب الطيبون قليلون

[روح حايل]

رايي من راي شنقل

وشمعنا ان احتاجوا شين جو يمك !!!


انت هالحين خبير بالشخصيات وتعرف الردي من الزين


لذلك البلا منك يابوعارف انت طيب بالحيل


والطيبه ماهو مع كل الناس




بالله شلون كحتك !!

[صعوة فسفورية]

قال رسول الله صلى الله عليه وسلم (إن لله عباداً اختصهم بقضاء حوائج الناس،حببهم إلى الخير،وحبب

الخير إليهم،هم الآمنون من عذاب الله يوم القيامة))(5). بشروا من يسعى في قضاء حوائج الناس بقضاء

حوائجه ففي الصحيحين عن عَبْدَ اللَّهِ بْنَ عُمَرَ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:

((الْمُسْلِمُ أَخُو الْمُسْلِمِ لَا يَظْلِمُهُ وَلَا يُسْلِمُهُ وَمَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ وَمَنْ فَرَّجَ عَنْ مُسْلِمٍ

كُرْبَةً فَرَّجَ اللَّهُ عَنْهُ كُرْبَةً مِنْ كُرُبَاتِ يَوْمِ الْقِيَامَةِ وَمَنْ سَتَرَ مُسْلِمًا سَتَرَهُ اللَّهُ يَوْمَ الْقِيَامَةِ)(6).

ابو عارف بارك الله فيك وكبرت في نظري الف مرة ولاتعلم ممكن يكون سبب لدخولك الجنه

وتقبل ودي واحترامي
فضل كما انت طاهر وطيب وتحب الخير للناس

اتمنى تكون ردي ريحك لاني عارفه هذا هو اللي بيريحك وانت صح

[يـــوسف]

خالي أبشر بالخير جايبن معي دراهم وخير وأراضي وكل شي وسع صدرك


أقول خالي













معك سلف

<_ طفر


لاهنت ياخالي

و

توسد إحترامي

[غيمــة]

.



يابوعارف ، والله بهالزمن محد يستاهل ان تضغط ع نفسك وتسلفوه ريال واحد ،

مهي قصة فلوس ، بس قصة اداوم ماعندها لا ذمة ولاضمير ..

الطيب بهالزمن مأكول حقووه ..

والناس ماترحم وانا أختك ،

عسى الله يعطيك ع قد نيتك ، ويرزقك بالرزق الحلال ..




.

[&^^مهــــا^^&]

الله يعينك

ياربي الا الدين والله حتى لو هو ريال مايتهنى الواحد بنومه لاصار بذمته

والله ابوي كذا ياما سلف ناس بس مايقولهم شي

يقول الحق عند الله مايضيع

واللي قاهرن واحد شاري من ابوي غرض ولا سدد للحين

وبعد بايعه ومتزوج زوجه ثانيه بفلوس ابوي والله ناس مادري وش اقول عنهم

ويعافيك ربي عمي ابوعارف

تقبل احترامي,,

[ابو ضاري]

( وَمَنْ فَرَّجَ عَنْ مُسْلِمٍ

كُرْبَةً فَرَّجَ اللَّهُ عَنْهُ كُرْبَةً مِنْ كُرُبَاتِ يَوْمِ الْقِيَامَةِ وَمَنْ سَتَرَ مُسْلِمًا سَتَرَهُ اللَّهُ يَوْمَ الْقِيَامَةِ) هذا ماجاء في حديث النبي صلى الله عليه وسلم
بس ابو عارف اللي ينقهر الواحد منه اذا سلفت وبعد مده تقول للرجال الفلوس اللي عليك ابو فلان قالك اي فلوس يعني المساله فيها جحود
الله يعين يابو عارف خلها في سبيل الله

[ابو عارف]

تسان تبي السلف السنه الجايه ادبر لك باذن الله

::


ابوعارف


لاتكن ليناً فتعصر ولاتكن قاسيا فتكسر

يعني الليونه مع بعض الناس يعتبرونها غباء
ومنفذ لهم لاخذ بعض المنفعه منك ومن ثم
التخلي عنك بكل بساطه ..


نصيحه


اللي تعرف انوه محتاج ولايقدر يوفيك ولكنه يوعد
بالوفاء وتدري انه صادق فهذا خوي وان قدرت تمهله
خير وان ماقدرة اطلب حقك


اما الحقير اللي تقول وين حلالي ويضحك بوجهك ويعطيك
مواعيد عرقوب ولايوفي لو انا محلك قسم بالله لا اجرجروه
عند الشرطه يما يقول بس حتى لو مابي الفلوس لانه مايخاف
الله خصوصا اللي يقدر يوفي وانت تدري بوه وتتركه


هذا اكبر خطأ





تحياتي

-------------------------
كلامك صحيح أخي سلمان ولكن المثل يقول ياوجه إستح وهذولا ناس يعصرون الخشب الله يدفع البلا مايستحون ولا يخافون الله.

شكراً لمرورك الرائع ياخالي الغالي.

[ابو عارف]

يقول الشاعر


لولا الردي ما صار للطيب سمعه =لا شك لهذا ضد ذاك يصير
والناس مثل الماء غدير ومالح =هذا ملاح وذا زلال غدير
والا جواد قربتهم تبيض وجودهم =تنفع ولا من قربهم تأثير
والاشرار نفعتهم مكافاة شرهم =ولا ترى قرب اللئيم خطير
من رابع الطيب كسب من مراجله =ومن رابع الخايب تراه عثير
ترى الرجال طيور يفرق فعلهم =فعل العقاب على الغراب عسير
الرجل عقل ومرجله وديانه =بلا شك راعي ها الثلاث طهير



طحياتي .........,,

-------------------------------
حيالله شيخة الفلة بنت الشايب
صح الله لسانك على إيراد هالكصيدة الرائعه حقاً كلك ذوق وحكمه.

مرورك أسعدني وشجعني بارك الله فيك وحفظك .

شكراً لك لاهنتي.

[ابو عارف]

ابوعارف .. كثير ما أقراء في ديوان الشاعر الجاهلي زهير بن أبي سلمى ..

لأني أجد الحكم فيه .. وهذه الحكم تختصر لي الشيء الكثير .. ومنها هذه

الحكمه :

ومن يصنع المعروف في غير أهله ــــــ يضرس بأنياباً ويوطىء بمنسمي

وقال كذلك :

ومن يصنع المعروف في غير أهله ـــــ يكن معروفه عاراً عليه ويندمي

فلذلك لا تأخذك الرحمه والعاطفه بأحد قد لا يكون يستاهلها ..

إذا كنت قد جربته من قبل فقل له ماجن الولات نتبعهن التاليات ..

وإذا لم تكن قد جربته في السابق وكان شكله يوحي بأنه رديء .. فقل له لا

يوجد لدي ماتريد ..

وتقبل مروري ..

-------------------------
هلا بفتى البيدا ومرحبا كلامك حلو وحكم ولكن الفلوس راحت تجارب.
أكيد إذا جربته مارايح تعطيه ثاني مره .

شكراً لمرورك وحضورك العذب لاهنت.