(((((((((((((((((((((مسا الخير للجميع)))))))))))))))))))))
يالله ثبتنا على الدين يمعيـــــــــــــن=== على طريق الحق نرجى إتباعـــه
وبك استعذنا من دروب المضليـــن=== ومن فتنةٍ بالأرض زاد اتساعــــه
يمسي به المسلم و يصبح بلا ديـــن=== ويصير مايعرف دروب المطاعه
قامة تنافسبه عوان الشياطيــــــــن=== كلٍ على ماقيل قدم متاعـــــــــــــه
فأسواقنا صارت كما أسواق برلين=== وبيوتنا صارت مقر الخلاعــــــــه
وناد المنادي للتحرر من الديــــــن=== عقيدة التوحيد يبي انتزاعــــــــــــه
يقول ماتصلح سياسة سلاطيـــــــن=== لنه تعيق المعرفة وابتداعـــــــــــه
وحريمنا لازم يسوقٍ من الحيـــــن=== من شان لحق الغرب قبل اندفاعــه
واليا نصحت وقلت ياناس غاديــن=== خافو عقاب الله في كل ساعــــــــه
قالو ترانا ياحبيّب مدليـــــــــــــــن=== ونصيحتك ماودنا باستماعــــــــــه
خلك ديمقراطي بظل القوانيـــــــن=== حنا بعصر العولمة وارتفاعــــــــه
قلت الذي ماتعرفونه مساكيــــــــن=== تبون هدم الساس ماهو رفاعـــــــه
ناس بحسن نيه وناسٍ خبيثيــــــــن=== يبون جر المجتمع للضياعــــــــــه
بتخطيط علماني لقلب الموازيــــن=== البيت الأسود صاغها في براعــــه
منشآن نخضع له ونصبح مواليــن=== ونقول له ياسيدي لك مطاعـــــــــه
هذه حقائق والدلائل براهيــــــــــن=== ماينفع المكار كثرت خداعــــــــــه
والليل طال وأكثر الخلق نيميـــــن=== متى يجيناالصبح نرقب شعاعــــــه
رد مع اقتباس
المشاركة الأصلية كتبت بواسطة حيل حليل
المفضلات