عــزي لحـالي يابعد حـالـي ..!
.
مسّهم بالخير ،
شلونكم وشلون وغدانكم !
أمس كتبت موضوع هذا طوووووله ، وبالأخير فصل النت عاد ماطرى علي الا يوسف وجلست اتحسب عليه
جتنا حول الشهر موجة برد ، ياويلي ويلاااه ، جلستنا نتشهد حول خمسطعش مره باليوم
الوكاد وهي تمرض أختي الصغيره ، وتقولي اميمتي رووحي وديه لم المستوصف مع أخوتس ، وانا أطير به مع أخوي المراهق لم المستوصف أقرب مستوصف دخلناه ، والرسبشن كان بوووه زحمه ، وانا اقوله عن اختي .. قالت وش اسمه قلت فلانه ، قالت كم رقم بيتكم ، قلت تبطين !
قالت وشو !!
قلت دوتس وانا اعطيه رقم بقالة قريبه من بيتنامحنا ناقصين ازعاج
الوكاد وهي تقول أربعين وانا اطير مع اختي الصغيره وأدور غرفة اربعين ، ع فكره هالمستوصف كبر كفي .. كلوووه غرفتين ودورة مياة أكرمكم الله و3 نيرسات
وادور هالغرفه ولا لقيته ، وأطلع فوق ونفس الشي مابوه شي اسمووه اربعين ، وانا اسأل النيرس تقول مافي معلوم!
وانا اسأل سعوديه ماره ، قلت وين غرفة اربعين ، قالت انتي تشوفين غرفة 10 عشان يصير بووه اربعين ، ياوخيتي هذا مابوه الا 3 غرفه ، وش تبين اي عياده ، قلت ابي دختور الأطفال .. قالت بهاه وهي غرفة 5 واجلس انتظر انتظر ماحولي أحد اللي يجي بعدي يدخل وانا لسى جالسه ، ياجماعة الخير صارت ساعه ونص وحنا مادخلنا ، وشوي تجي وحده تسولف معي وش به بنتس ! قلت انثبري هذي اختي ، قالت اهاا تشبهتس ( شلون تشبهن وانا متكوفنه بالعبايه ) عاد مشيتها ، شوي ويدعونها ، وادخل ع الدختور ، قلت ليه انا بنت البطه السوداء خمس ساعات جالسه مادعيتن ، وتجي وحده بعدي وتدخلوونه !!
قال ماجاء ملفتس ، روحي تفاهمي مع الرسبشن
وانا اطير لم السعوديه اللي بالرسبشن ، قلت انتي من اوله تقولين لي غرفة اربعين واجلس احفر بهالمستوصف اللي كبر كفي ومابوه اربعين واخرتها تلطعونن ولاتدخلونن ع الدختور ليه !
قالت انتي فلانه ( بأسم أختي ) قلت ايه ، قالت وينتس انا اقولتس اربعين ريال وانتي طرتي !!
قلت تقلقت حنوكتس ماسمعت الريال صقهن البرد الله لايصقهنا
وهم يضحكون علي المراهقين اللي جنبي
وعزي لحالي بس
رد مع اقتباس
المشاركة الأصلية كتبت بواسطة شنقل
المفضلات