إنتـــقآم
السلام عليكم ورحمة الله وبركاته
الله لايصبحكم إلا بكل خير ولا يمسكم إلا بمثله
اول شي أدعو أنهم ينقلوني لو لجيزان بس يفكوني من شر الرياض <_
يالربع ماهي حاله قصمن بالله .. الواحد يطلع من عشته الساعه 6 ونص ودوامه الساعه 8
ويطلع الساعة 4 ولا ياصل الا الساعة 5
يعني شلون ياوزير المواصلات اسكن بالبطحاء علشان اقرب لدوامي ؟؟؟
إيه المهم ..
هذي سالفتن مبطي جرت علي وعلى وغد عمي <_ لبى تسبده ياحلو فزعاته
زي ماتعرفون أني من أفضل مطيرين الحمام بالمملكة
وحاصل على جائزة بكنباور لتطير الحمام
المهم اني مربي حمام وشاري نوعية منتازه وياويل اللي يقرب لهن حتى ماأطيرهن أخاف يضيعن وبيني وبينكم عاشق وحدهـ منهن
ومفتاح السطح معي شاري السطح من أبوي مقابل تغسيلي لسيارته لمدة شهرين
المهم ويوم من الأيام وأنـــآ موقف فوق الغرفه اللي بالسطح أطير الحمام واومي له [ أي أأشر له ]
وأشـــوف بنت جيرانا مجمتعن خوياته يراعن لي وأنـــآ انطنخ وأقوم اتشقلب من الحماس مدري وش جاني
وهو يجيني اللعين قال شنوح ماتطير حمامك الزين <_ يحسب البنات يعرفن النوعيات يبي ينذخ
وافك العشه لهن وأحب عشيقتي حديهن يازينه يالربع تسيف يوم ماتت سويت له نصب تذكاري بالسطح <_
وياليتن ماطيرتهن .. فيه منافس لي بالسوق خسيس يبي يسرق حمامي بس معصي مربيهن زين مايبعدن
والحمام اللي طيرته الجديد ماش خبيل ينسحب بسرعة
وهو يسحبن المروح والبنات دخلن وأنــآ ماتهنيت بالنذخه
وأروح لبيته يافلان حمامي عندك جبه شفه بالعشه .
وهو يعيي يقول تخبر يوم تسحب علي العام بالحمامة الفلانية <_ يالربع ماهو بشر هذا
وأروح واخذ عزبتي وأروح للسطح وطول ليلي وانا بوسط العشه افكر شلون أرجعهن
وانا اغفي ولا أقوم إلا على صياح امي الساعة 6 ونص الصبح <_ مقفلن باب السطح
المهم ان ولد عمي ذيبان ماتطلع افكاره ويصير سنع الا لاجت الساعه 2 الظهر
وهو يعطيني هكالفكرة اللي وهو يقوله لي احس اني ماسكن شوكه ولي قرون <_ شيطآن
الفكره طول الله أعمــاركم هي اننا نصيد بس بالحاره معروف يالربع ينطح السيارات نطح شجاع ملعون الابو
واسبوع وحنا نحاول وآخر شي صدناه غصب جمعنا وغدان الحاره 40 وغد وحشرناه ومسكناه وحطيناه بقفص ويالله نشيله
وحنا ننتظرالموعد المحدد اللي هو الساعة 2 ونص بالليل من أيام الدراسة علشان نضمن انهم نايمين الله ياخذهم <_ حاقد
ونطب بالبيت ونهجم على عشة حمامه الله يخلي المواصير اللي على الجدران
وهو يدخل ولد عمي بالعشه وانا موقف عند باب السطح آراقب يوم فك البس ولد عمي
وأنا اسمع صفق ومصافق بالعشه تحمست وانا اسكر على ولد عمي داخل بالعشه
وأنحاش يوم بغيت اطب وأنا اتذكر ولد عمي وارجع وافتح له طبعا داخل معارك داحس والغبراء ماتشوف الا ريش والبس ملعون الأبو ينهت بالربع رجل ماهو حيوان
وولد عمي جاه كم أصابه <_ شوشته كله ريش
وننحاش والحمدلله نجحت العملية بنسبة 0 %
قولو ليه<_ سوالف وغدان ههههههههههههههههه
حمامي اللي كل هالمعركه علشانه بوسط العشه
وياليتن ماسمعت نصيحة ولد عمي ولافزعته
وخرو شوين ابي أروح ابتسي بالشارع
توسدو إحترامي
رد مع اقتباس
المشاركة الأصلية كتبت بواسطة راعي البيرق
المفضلات