[align=center]
سنتن من السنوات
جاني ابوي وقال ترى نبي نروح انا وانت وعمك يم البدو الربع مسوين غداء ومجتميعن
قلت ابشر بس متى نروح
قال باتسر من الفجوووور
قلت تم يالذيب
ومن باتسر الصبح وحتا متولمين
ونرتسب ددسن الوالد وندعس
طبعا الددسن غماره وحده
وانا اسوق وعمي على الباب وابوي بيننا
وعمي شال معوه تنكت دبس ( الدبس تعرفونوه ما يحتاج تفسير )
طبعا قبل ارتسب دعيت قلت يااااااالله تفكن من القرااااده يارب
وحنا ننزل من الزفلت ونمشي بري يعني بالبر يعني مهو على الزفلت ( بلشت به )
قال عمي شبيثااان عطنا من القصيد اللي انت حافظ ولا الغاز
( عاد انا ديني ودينوه ما ادانيه تقل جالسن على تسبدي )
قلت ليه قالو لك شاعر ولا راعي الغاز
قال شكلك ما تبي تحسي
قلت تقدر تقول
وانا اسرع شوين ابي اغثوه
وهو يراعيلي ابوي
قال وشبلاك اسرعت
قال عمي خلووه هذا عاشق ومستعجل
ويتبعه بضحكه خنفشاريه
وه يااااتسبدي
قلت ابلع العافيه
وهو يطير ابوي عيونوه علي
وانا اقوم اروغ بالسياره علشان يبلشون برواحهم ( ذهين شبيثان )
ونمشي بهالبران
ونمشي
يوم خذيت شوين وانا اراعي لابوي ليمار غافي
وهو يراعيلي عمي قال ليه ماتسولف انت وخشمك
قلت معجبك زين خشمك هاللي تقل راس معسل ( استغليت الفرصه الوالد نيم )
قال انا خشمي تقل راس معسل
قلت ووجهك تقل طفاية دشير
قال افااااااااا يالهالعلم
طاااااااالت وشمخت ( يرفع صوتوه يبي ابوي يقوم ويسمع )
وهو يراف راسوه ابوي
قال وشبلاك يابو محمد
قال هالهتلي ولدك يتكلم علي
وهو يراعيلي ابوي مراعاتن قشرى
وانا اقوم اروووغ بالسياره ابيه ينسا السالفه
مادريت الا البقس صفقن تحت الاذن
وهي تقوم تدودل رقبتي
( تخبرون الراس مركز القياده بالانسان واذا تعرض لهجوم غاشم يعني الانسان راح فيها وانصفر)
وانا انصفر
وبما اني انا السواق وانصفرت
شي طبيعي ان الشباب خوياي يروحون كشنه ويدجون عقبي
الله يجيركم وهي توجه السياره يم شعيب
وقرقش قرقش
قرقش قرقش ( صوت صفق السياره )
وحنا نقلب
وانا بهالحاله منصفر للحين
ابوي وعمي طلعو من تحت السياره
وهم يراعون ولا رجليني طالعات من تحت
وهم يسحبوني
ولا خويهم من صيد امس
ولا مامعنا ماء ولا شي
وهو يفتح ابوي تنكت الدبس وهو يصب من الدبس على وجهي
ويالله ارد النفس
ولا الواجهيه كله دبس
قال ابوي تقدر تمشي
قلت اي مافيه مشكله
وحنا ندقه كعابي يم ربعنا ( قريبين مهم بعيد )
ويوم جيناهم ويريحوني واجلس
بس طحت بمشكله
هالحين وجهي كلوه دبس صح
الذبان الله يجيركم تسلطن علي
ماطلعنا من عندهم الا حول عشرين ذباب ناشبن بأذني وبفمي ثلاثه
وعلى خدي لاصقن اربع ذبان
الوكاد طلعتن ماتسر لا عدو ولا صديق
وجيتك مهم مدري عنهم
وتقلدوا تحيتي
[/align]
رد مع اقتباس
المفضلات