بسم الله الرحمن الرحيم
اتمنى ان يكون الجميع في صحه و عافيه باذن الله
انا ما عفت درب الحب .. كره ٍ له
00 و لا هو من بلادة حس ّ يا نواف
و لكن ما عرفت لهالبشــر مـِـلــّـه
00 و شفت بدنيتي .. حاجات ما تنشاف
غرق حلم الهوى بقلوب .. معتلــّـه
00 قلوب ٍ فايضه .. حـِقد .. و غدر .. و اجحاف
و انا ما جيت اعدّل ناس .. مــِـنحلــّـه
00 و لا املك للهوى .. مركب و لا مجداف
ولكن دام .. مــِنــْـه ْ الناس منـذلــّـه
00 اجل في ذمتي يالحب ذا ينعــاااف
و خل ّ القوم تشرب .. ماااه .. و تـبـلــّـه
00 و كل ٍ له على درب العمر .. ميقاف
انا ادري حلمي ابعد .. لكن آدلــّـه
00 لو امشي طووووول عمري بس لجل اهداف
00
و اذا مرتاح يا نواف .. لا بالله
00 انا لا نمت .. هم ّ فراش .. و هم ّ لحاف
اعقد الصبر للضيقات .. و تفلـــّـه
00 سعيت بخير .. و اثر الخير ما قد طـاف
احد لا ضاق يشكي ضيقه .. لخـِـلــّـه
00 و احد ما عنده اليا ضاق .. غير القاف
تعبت آفــوّح الخافق .. كما الدلــّـه
00 و اكيــّـف روس ناس ٍ .. ما بهم من كـاف
تعبت ابقى وطــن .. و الهـم محتـلـــّـه
00 انا ابغى لي وطن .. لو همت به ماخاف
00
كذا و الا بــلااااش .. من العمر كلــّـه
00 مدام ان السنين الماضيات .. عجاف
ابرحل .. و انت لا مر ّ الهوى قـِـلــِّـه
00 ترى ما بالقـلوب الساهيات .. خلاف
لكن .. دام منــْك الناس منــذلـــّـه
00 أجل في ذمـــّـة محمّد .. ترى تنعااااااف
و دمتم سالمين ْ
رد مع اقتباس
المفضلات