ركنـي الهـآدي

**الحاصود** · 31-03-2009 21:54

هـايـس الشمـري يقـول //

مـا فيـه مثلـك حي يستـاهل الـورد ..

أصـلآ يمـوت الـورد لا ضـم غيـركـ ..

\\
//

وانا أقـول ..

ما فيه غيرك ورد يستاهل الورد

واخاف لا اهديتك تغار الهديّـه

**الحاصود** · 04-04-2009 12:04

تـدرون يا عالم وش اكبر مصيبه ؟؟

العربجي لا حب له عربجيه

..

وتدرون وش رايح تكون الضريبـه ؟؟

حياتهم والله بتصبـح شقيّـه

**الحاصود** · 07-04-2009 10:26

سـوّي من دموعـك فراش و وساده

ونامي عليها يالعيون الشقيّـه

..

نامي وليل العشق طوّل سواده

يمكن مع انسام الصباح النديه

..

تنسين خل متعبك في عنادهـ

لا قلت احبك قال هذي شويّـه

..

وان قلت مجنونك مدح لي الركاده

واذا طلبته قال جاك و هديّـه

.

**الحاصود** · 09-04-2009 22:42

..

,,

مـا تـلام العيـن تبغـى تشـوفـك مـا تـلام

تشتهـي شـوفـك ومن عقبهـا لـو تنعمـي

..

أسـألـك باللـه وش فـايـدة عيني مـدام

ما تشـوفـك دامـك انتـي منـاي و مغنمـي

..

طالبـك نظـره عشـاني عشـان اقـدر أنـام

ملنـي ليلـي وملـت معـاه الأنجمـي

..

بعـد هذا لـو ما لنتـي ؟؟ علـى قلبـي سـلام

ماتت احـلامـه ولا لـه وسيلـه يسلمـي

..

أثبتـي لـ الليـل حنيتـك وان الغـرام

يجبـر المغـرم علـى إتبـاع المغرمـي

..

واتبعينـي بالهـوى و لاعليـك من المـلام

وآمنـي بـ شـرع الهـوى واسلمي واستسلمـي

..

لا يغـرك عـاذلـي .. لا يغـرك هـرج نـام

دامنـي لـك انتمـي وانـت ليّـه تنتمـي

..

وش علينـا لـو حكـو حكيهـم يبقـى كـلام

لايهمـك حـاسـدي .. لا يهمـك لايمـي

..

همهـم بيـن المحبيـن يبنـون الخصـام

و فكـرهم منهـو عشـق لازم انـه يندمـي

..

مـا درو بـ ان الغـلا فـوق هامـات الغمـام

ولا درو بـ ان الحكـي مـا يفـوّر لـي دمـي

..

أعشقـك عشـق السعـودي لـ عكسـه لـ النظـام

واعشقـك عشـق العجـم لاتبـاع الانظمـي

..

كـل كلمـه فـي مقـامك مهـي قـد المقـام

المقـام اللي علـى القلـب حيـل معظمـي

..

اللـه اكبـر كيـف تقـوى علـى حملـي العظـام

واللـه اكبـر كيـف نـاركـ بـ صـدري تضرمـي

..

فـار دمي والسـبب نـارك اللـي ما تضـام

والمصيبـه بـ ان دمـي طبـخ كـل لحمـي

..

ألا قلبـي ظل ينبـض غـلا و عشـق و غـرام

وانت مستـانس وعـن حالتـي مـا تعلمـي

..

**الحاصود** · 17-04-2009 19:14

الحـب حـاجـه سـاميـه .. أسمـى من انـي إعلنـه

الحـب مـا يسكـن لسـان .. الحـب يسكـن فـ القلـوب

..

لان القلـوب اسمـى الأمـاكـن .. فـ المحبـه تسكنـه ..

قـولـو لمنهـو ذاع حبـه لـ المـلا .. سـرعـه يتـوب

**الحاصود** · 20-04-2009 16:12

حصريـآ لـ ][ ركنـي الهـآدي ][

][ مجـرد تسليـه ][

..

حبيبتي والشعر عكس الحقيقـه

............................ الشعر من صنع الخيال و صديقـه

لذا أبكتـب بـ الغـدر والخيـانـه

............................ أبكتبـه لـو كنـت ما اعـرف طريقـه

وابكتـب انـي مـاولهـت وعشقتـك

............................ واني نسيتـك والمفـارق أطيقـه

وابيـك لـو انـي بغيـرك تغـزلـت

............................ يرتـاح بـالـك لا يشـب الحريقـه

لانـي صراحـه شاعر و لازم اكتـب

............................ و معـك انتـي حـروف الهجـاء مستضيقـه

حـاولـت اعبـر عـن مشـاعر بـ قلبـي

............................ حـاولـت لكـن مـاعرفـت الطـريقـه

لقيتـك أكبـر من حـروف القصـايـد

............................ و لقيتنـي ضـايـع بـ غبـه عميقـه

كـل مـا كتبتـك بيـت شعـر مسحتـه

............................ وآقـول يا كـم شـاعـر جـف ريقـه

كنـت احسبنـك يـ الشعـر خيـر ملجـى

............................ للـي نـوى انـه يعتـرف بـ الحقيقـه

لكـن دريـت ان الشعـر كـذبـة اقـلامـ

............................ وانـه مجـرّد تسليـه لـ الخليقـه

واللي جهـر بـ الحـب ما يعـرف الحـب

............................ الحـب نـار و هـو يظنـه حـديقـه

الحـب بيـن الناس مـا ينحكـى بـه

............................ ولا يقـولـه الشقيـق لـ الشقيقـه

واللـي نـووا بـ الحـب تشويـه صـورهـ

............................ ذولا هـداياهـم مقـاطـع موسيقـه

النـاس هذي حبهـم بـ الهـدايـا

............................ و خلـي هـدايـاهـم هذي مـاتليقـه

أهـديـت لـه قلـب المعنـى وبسكـات

............................ وارجـي عسـى تكـون الهديـه أنيقـه

أهـديت قلبـي لـو جهـل بـ الهديـه

............................ و ياليتنـي آطـب قلـب العشيقـه

ودي أعـرف شعـورهـا إتجـاهـي

............................ و هـل حبتـن فـي يـوم لو هو دقيقـه

ودي أعرف اذا الشعـور متبـادل

............................واحلامنـا مـا فيـه شـيٍ يعيقـه

يالله صبرنـي على كبر بلـواي

............................ و ياللـه ءاجـرني على كل ضيقـه

النفـس لا ضـاقـت تعيـف المبـاتـي

............................ وانـا علـى الضيقـات نفسـي رشيقـه

كنـا خلقنـا مـع بعضنـا سويّـه

............................ لا نشـف دم الضيـق أرجـع واريقـه

أنا كـذا منحـوس ربـي خلقنـي

............................ الـورد اموت ولا حصـل لي رحيقـه

مابي رحيقـه زاهـدٍ فيـه واللـه

............................ لـو بـس اشـوفـه وآتـأمـل بريقـه

شوفـه يمثّـل دفعـةٍ معنـويـه

............................ لو كـان زفـراتـي فانـا لـه شهيقـه

علـى الوفـا فقلـوبنـا ألـف ميثـاق

............................ يـالله عسـاهـا مـا تخـون الوثيقـه

واللـي مشيّـب بي يـا كيـف آتـأكـد

............................ إذا الغـلا من بيننـا بـ السليقـه

لانـي قـدرت آصـارحـه بـ المحبّـه

............................ ولانـي قـدرت انسـاه واعبر مضيقـه

علقنـي الحـب و تعلقـت بـ الحـب

............................ و نفـس الأبي تصعـب عليهـا العليقـه

إلا الهـوى يـا اهـل الهـوى مختلـف حيـل

............................ النفـس ترضـى فيـه مـا لا تطيقـه

النفـس لاجـل الحـب تـرضـى بأي شي

............................ ترضـى ولـو مـر المـآسـي يذيقـه

الحـب لاصحـاب القلـوب القـواسـي

............................ واول أحسبـه لـ القلـوب الرقيقـه

**الحاصود** · 25-04-2009 04:52

ياهاجسي شب القصايد .. لا تهمـك نـارهـا

النفـس مـن خـلٍ عشقتـه صـابهـا بعـض اعتـلال

..

مثل الـورق ينسـى الغصـن لا طـاح من أشجـارهـا

وانا علـى المقفيـن فينـي من شمـوخ اهـل الشمـال

..

من صد عنـي مااحتريـت لرجعتـه واخبارهـا

إن عـاد قلبـي مسكنـه واسقيه من عذب الزلال

..

يلقـى بقلبـي طيـب فـال و من حلـو أثمـارهـا

وان ما رجـع عـادي ترى عنـدي علـى الصبـر احتمـال