يسير علي ثم يستلم الجوال ويقوم يعزم من هالبشرية الفاضية عليك هلو فلان تعال لنا عند فلان فنجال وعلم رجال وملحقاته عاد أنت تخبر فلان يخليها فلة حجاج لازم تجي ترن قلت لفلان وفلان وفلان وقالوا إذا فلان يبي يجي يمكم نجي وقلت لهم إيه فلان يبي يجي فتكفى لاتفشلني تعال.
هلو فلان الي هو يقول إنه إشترط مجي فلان لكي يجي مرحبا حنا عند فلان والربع فلان وفلان يقولون لازم تجي وهكذا خلال عشر دقائق الكل يجي سلام سلام سلام عاد أنت ياصاحب المجلس المغلوب على أمرك تقوم تقوم وتقعد وتحيي بهم الله حيهم يالله حيهم.
ثم يبدى يطقق أصابعه يقول والله إن يدي تحكني والهادة إذا يدي اليمنى حكتني لازم آكل لحم وإذا اليسرى مشويات ويطلب منك أن تسأله أي يديه الي تحكه أحياناً يقول كلهن والله يحكني عاد المشكلة إنه مستمر على هذه الحال منذ سنين ولم نطب بيته طيلة هذه السنين البته ولكن له قريب يفرض عليه مثل مايفرض علينا يزهم علينا واحد واحد ويقول الربع عند فلان الليلة ويطلبون حضورك يا أبو فلان.
بعض خويانا مايقدر يشتري دفاتر عياله ولكن ما أحد يسلم منه أبد عنده إسلوب في الإقناع والترغيب وتبسيط الأمور وفيه ميزة ممتازه مايأكل إلا لحم ومشويات وسلطات يقول الرز هذا مامنه فايده حسب قوله الناس تبداء بالرز وهو باللحم والمحاشي يسحبها في ذيك الإصابع الي تقول سكاريب.
والله إنه أزعجنا وكل واحد يقول الصبر يالأجواد هو غاية الطيب.
وسلامتكم.
رد مع اقتباس
المشاركة الأصلية كتبت بواسطة روح حايل
المفضلات