استضافة فلاح السعد000

[ابو فارس]

[FL=http://alkhafji.jeeran.com/falahs.swf] width = 480 height = 300 [/FL]



هلا وغلا بفلاح
نورت مجلسنا
---
ومني للاعضاء الكرام
سوف اؤجل اسئلتي لوقت اخر
ولكم كل الاحترام والتقدير

[البــنــدري]

اولا احب اشكر اخوي ابوفارس على تعبه وجهده ..واقوله عساك على القوة

ثانيا .. احيي اخوي فلاح ..واسعدني اكون اول من يسال ...ولو اني مومجهزة اساله بس اساله خطرت على بالي فجاة

1-حكمه ترددها دائما

2- بيت من الشعر تحبه او تعتز فيه ..

3- بيت من الشعر له ذكرى عندك

ماعليه اسالتي شعريه

4- لو ربحت تذكرة حول العالم وطلب منك اخذ خمسه اشخاص فقط فمن ستختار ؟ وماذا؟

5- موقف ظريف حدث لك "ياحبني للفضايح"

6- لوحكمت العالم ليوم واحد فماذا ستفعل بهذا اليوم

هذي بس الاسئله اللي خطرت في بالي الحين
<------ اجل كيف لومخططة للاسئله

للعلم اول مره اشارك باساله الاستضافه


لكم تحياتي

[فلاح السعد]

عزيزتي البندري

هلابك ويسعدني ان تكوني اول السائلين وياحليل ا سئلتك عند بعض الناس اللي متوقع مجيئهم اول مايدرون بالاستضافه

1. اتق شر من احسنت اليه

2. ماكل من يضحك بوجهك يدانيك


بعض الخلايق قلبه اسود من الصاج


3. قالت هوى قلت الهوى مات يابنت

حنا زمن اعجاب والشات شاهد


4.الاكيد مااعطيك وحده

مااخذ احد وماهي انانيه بس على شان استمتع بالرحله اضمن مااحد يعكر جوي (ولد فقر وطاح بالنعمه) واحد ماهو مصدق يسافر

ولو فيها خير قلت اوزعه على الفقراء والمساكين مثل بعض النصابين اللي يكسبون جوائز جريدة الشرق الاوسط


5. حنا متعودين كشباب على بيبسي مع الغدا وقلت ايام المقاطعه وش رايكم ياشباب من باكر مانشرب ولا ناكل اي شيء يتعلق باليهود طلع واحد ملقوف قال

قال

قال


لـــــــــــــــــــــــــيه ان الغدا عليك باكر؟؟؟؟؟؟!!!!!!


هذا طبعاً اخرها ولا هي كثيره والفضايح اكثر


6. ليه نسيتي اي بالسعوديه يعني حرام هالكلام

لو حكمت كان احطك انت بالنيابه لاني ادري اني ماني حاكم العالم وبعدين ليه تشبهيني بهتلر الله يهديك اطلبك بحق


اتمنى ان اكون وفقت بالاجابه


ولك مني التحيه

اخوك فلاح السعد

[الفيتو]

من فلوحي ماصدق احمدك يارب:D :D :D خل ابي احشرك بالاساله ;)
طبعا مللنا الاساله الروتنيه فانا الله يسلمك بكسر الروتين هذا و بسالك كم سوال ولازم تجاوب عليهن كلهن بدون رورغه وخصوصا الاخير اتفقنا;) :
1/ اول سياره سقته وشي وش مديله ولونه وعام كم:D ؟
2/طبعا كل واحد له وجبته اللى يحبه مثلا انا اموت واروح خرخر اذا شفت الكبسه :D ؟ انت وش افضل اكله عندك سوا وجبه سريعه او دسمه او اي شي؟
3/طبعا كل واحد ايام الطفوله حب وو انه مهو حب حقيقي 100% لانكم اطفال ولكن وش شعورك الان اذا صدفت المره هذي اللى هي حبك ايام الطفوله:D ؟
4/ماذ تعني لك الكلمات التاليه:
التفحيط - الدخان - جمس مضلل - ليّ برتقالي حق العماير - طبق بيض - اوراق معاملت البطاقه الشخصيه قبل تطلعه - الطرطعان.
5/فنانك المفضل ؟وش رايك بفهد السعيد وحجاب بن النحيت و عزازي؟
6/جاوب وبدون ان تفكر زين على طول .
لو جاك مليون ريال اول شي تسويه وشو جاوب على طول وبدون تفكير:D ؟
7/عندما تبدع في خاطره من خواطرك اللى لانمل من قرائتها هل تكون جست الكيان اللى في رسه عليه 100% او تكتفي بوجود ولو 75% منها؟
8/متي حسيت انك غبي ؟ ومتي حسيت انك ذكي ؟
9/اكره وقت باليوم وشو واحب وقت باليوم نفسه وشو واكره يوم بالاسبوع وشو احب يوم بالاسبوع ؟
10/ هذا السؤال عاد الله يسلمك لازم لازم لازم تجاوب عليه وهو
سالفة ولد عمك اللي صارت قبل يومين مع المدرس السوداني بروضة بن هباس؟؟؟؟؟؟؟؟؟؟؟؟؟؟؟؟؟ قله الله لايهينك:D :D :D
وتقبل تحياتي ويمكن الاساله شاطفه شوي
لكن تعودنا على رحابة صدرك اللى ماله حدود
وياليت تجاوب على الاساله كله :D

[المشرف العام]

هلا بفلاح السعد
احببت ان اقدم شكري لشخصكم الكريم بقبول الاستضافه ..

وابو مرزوق .. الموقع : إقليم التفاح إغرقك بالاسئله ..

لي عوده ..

دمت لنا اخا نعتز بتواجده بيننا

[البــنــدري]

اقول ياهتلر عفوا اقصد اخوي فلاح:p

ماضاع حق من وراه مطالب ..

وتسلم على الردود واتمنى الله يسهل علي واقولك من هالاسئله اللي ..... اللي .. ماادري وايش ورا اللي ..:p بس بومرزوق ماقصر

ولنا عوداااات وليست عودة :D

تحياتي

[الحربي]

اخوي الغالي فلاح

اول بشكر ابو فارس على استظافتك

وثاني شيء راح اتجاوز الحد المسموح بالاسئلة

1- كم مرة قطعت اشارة المرور؟
2- كم مرة مارست التفحيط ؟
3- كم مرة دفعت غرامة للمرور؟
4- ماهي الطبخة التي تتقنها ؟
5- اصعب موقف مر بك ؟
6- شقاوة الطفولة ماذا تتذكر منها ؟

لي عودة مرة اخرى

اخوكم الحربي

[الحربي]

اخوي الغالي فلاح

اول بشكر ابو فارس على استظافتك

وثاني شيء راح اتجاوز الحد المسموح بالاسئلة

1- كم مرة قطعت اشارة المرور؟
2- كم مرة مارست التفحيط ؟
3- كم مرة دفعت غرامة للمرور؟
4- ماهي الطبخة التي تتقنها ؟
5- اصعب موقف مر بك ؟
6- شقاوة الطفولة ماذا تتذكر منها ؟

لي عودة مرة اخرى

اخوكم الحربي

[فلاح السعد]

يابومرزوق ياشين ادخل على الله


هذي ماهي اسئله هذي محاضره لا وبعد من دكتور غثيث


ماادري من ابتدي لكن ابي احاول اصرف بعض الاسئله

1. اول سياره كانت ددسن موديل 82 وكنت احط مخده ولا الحق على ( الدواسات ) وذكر ابوي كان يعلمن السواقه ومر من عندي واحد وضربت له هرن وجاني اكالمخمس وانا ابكي وانا اسوق وترك الدركسون وقعد اشاهق

2. وشو كبسه ليـــــــــــــــــــــــه بدوي مثلك اكل هالشغلات ياربي لك احمد انا وبكل امانه اموت في شيء اسمه مرقوق حتى ان اللي اسير عليه وبوقت عشاء وجي ابي اقوم يقول يارجال اجلس عشانا مرقوق وقول هه مرقوق وماافطن الا وانا جالس من غير شعور

3. يابومرزوق تصدق عاد هذا الشيء اللي مامر علي لاصغير ولاكبير بس اذكر انني اتطلب واحد من العيال يوم كنا صغار انه يخليني اطرحه مع انه حصميت ومعفي اذا شفنا بنات مرن من عندنا وحنا رازين وجيهنا بحدى هالشوارع

التفحيط والله مااعرف افحط يابوالرزق ولا ادانيه وكره المفحطين لانه ضياع للمال ومجازفه بالعمر
-الدخان والحمد لله لست من امدخنين لا اول ولا هالحين قل ماشاء الله خابرك نظور
-جمس مضلل والله ماني من اهل التهريب يالطيب تبي تجرنا لشيء معصي
-هوز برتقالي سياره اخر موديل في زمانه
-طبق بيض والله ماني من فصيلة الدجاج على شان يعني لي شيء بس حلو اذا حاقد على احد وخصوصاً من الشيبان اللي ينامون بدري وهو من الفصيله اللي يتولجك بالمجالس ولد فلان وولد فلان بس يستحسن قليلاً من الطمام بالاضافة الى البيض
-اوراق المعامله كان وقته من قدي ابي اصير من اهل التوابع دقه قديمه
-الطرطعان في ذاك الوقت يعني قمة السعاده انت تسمع ذلك الصوت ولكن انت لم تحدد اي اذا كان في هذا الزمن يعني الارهاب والعياذ بالله وننكر ذلك ونحن لسنا مع هؤلاء المطرطعين

5. بصراحه ودي اكذب وقول لك اني مااسمع الفنانين لان مافيه فخر لكن مابي اكذب وفناني المفضل ابونوره يعني محمد عبده صحيح ------- لكن فنان

6. ياشينك بس تبيني احلم على الفاضي مابي المليون لانه يسبب لي عزله عن الناس وربما لااختلط باحد ولو عندي مليون كان انت ماشرشحت بي بهالاسئله كان خليت واحد ملكع يرد عليك

7. هذا اذا ابدعت عزيزي ولكن متى ابدع؟؟؟؟ وهذا هو السؤال لذي يبحث عن اجابه واتمنى ان تدعو لي الله ان ابدع يوماً واكتب شيئاً يستمتع به القراء

8. عندما اصل الى الذكاء واتحسسه بيدي واهمس له واقول هل انت الذكاء؟؟ وعندما تكون الاجابه بنعم اذاً وصلت الى اليه واذا كان الصمت يعني لا وبذلك اكون دوماً بعيداً عن الذكاء نفسه ولكن يخيل لي بانني اعيش في محيطه واقتبس من نوره في اكثر الاحيان ولهذا السبب لن اتعب نفسي بالجري خلف خياله انما سأكون قنوعاً بم عندي

9. الايام والاسابيع سواسيه اخي العزيز وربما في نفس اللحظه تتكرر المواقف عليك اي انك نفس اللحظه تمتدحها يومً وفي اليوم اخر تذمها ولايمدح السوق الى من ربح به

10. ولد عمي اللي بالهجره ياطويل العمر من رجال اول مع ان عمره 15 سنه الله يرحمك يا --------




اشكرك يابو الرزق على الاسئله ودوماً اتمنى ان اكون عند حسن ظنك



تحياتي لك



اخوك



فلاح السعد
-

[فلاح السعد]

اخي ابوسلطان


لاشكر على واجب وأنا اشهد ان اقليم التفاح يبس ريقي



تحياتي لك

اخوك


فلاح السعد