السلام عليكم ورمة الله وبركاتة
اخواني الكرام هذه اول قصيدة لي في منتداكم الرائع ... وآمل ان تنال على استحسانكم .
[poem=font=",6,white,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/103.gif" border="solid,6," type=2 line=0 align=center use=ex num="0,black""]
ناديت ياوقت الشقى والعجايب=لاتجرح الروح البرية بجرحين
جرحً بروحي والخفايا مصايب=زودً على مابي تحملت نارين
عانيت من وقت القسى والطلايب=راحت حياتي والبقية دواوين
كثر البكاء والنوح ماهو بثايب=ماينفع الملتاع كثر المعزين
لاتأمن الدنيا ترى الوقت خايب=خذلك من الواقع علوم وعناوين
ياغافلً دنياك فيها غرايب=يومً معك واليوم الأخر على وين
ناظر كدرها للبشر والحبايب=دنيا نسايرها على العسر واللين
مابيك ياوقت الشقى والنشايب=يكفي من الماضي جروح وطواعين
دنيا تقلب مثل صفق الهبايب=وجرح الزمن كل العرب عنه دارين
قاسيت من وقتي هموم وصعايب=وعانيت من ظلم البشر والمعادين
تبكي عيوني والمدامع سكايب=في ساعةً والناس هجاع ممسين
تقفي ركايب هم وتقبل ركايب=وانا اتحرى للفرج لوبعد حين
لابد مايومً تهل السحايب=ويظهر بوسط الروح ورد ورياحين
[/poem]
وسلامتكم
رد مع اقتباس
المفضلات