والآن جــــاء دوري ..
بـســم اللــه الرحـمــن الرحيــم
قصيــده أتمنـى أن تسمــو الى ذائقـتـكـم :
أستغفر اللـه وأعبـده وألـعن ابليـــس
كلمـا عصيت وزاد قـلبي شـقــاوه
أحيـان أحـس انـي تجمع هـواجيــس
وأحـيان أحـس انـي مجمع غـباوه
وأنا على أصناف الوجـع والأحاسيس
اليا شكيت ايـقال: ( جـرحك وداوه )
اليا أظلـمت حـبًـرت بيض القراطيــس
أشــكـي وداع الـزيــن والا فضــاوه
( حيـاه مشـئـومه ) بكـل المقايـيـس
فيـها من أنواع الطـغى والـقسـاوه
عـايـش حيـاة ٍ كــل أبـوهـا كـراديـس
مـــع مـن يـعــادون النقـاء والصفاوه
واحدهم أشبه ما يشابه لـه الــتيـس
( مرعى بلا صنعى ) يعـيش بدنـاوه
عــاكـس ومثـلـه واجـديـن العواكيـس
ما حــس بالايـمــان طـعــم وحــلاوه
ملحوس مخّـه في صفوف الملاحيس
ما شيــف ساجـد في جـبيـنه نـداوه
( ثلل صتايم ) يعشقون الدنافيـس
عـلـى بصـــرهـم والـضـمـاير غشـاوه
أحــد ٍ ولا هـمّـه سوى صـرّة الكيـس
وأحـــد ٍ همـــومـه كيف يصنع عداوه
وأحـد ٍ همومه قيمة (مزايـن العـيس)
وأحـد ٍ تخصص حــش..نــم..وشفاوه
وش هالتفاهه ؟ ويـن ذيك النواميس؟
وش فرقـنـا عنـــهم بغيــــر الـرداوه ؟!
الخـافي أعـظم..والخوااافي متاريـس
ما أسهـل عليـنــا عدّها في رهـاوه
من بيـــنـنـا وااااجد حرااار وقرانيـــس
بــس الدنـــئ ايعـاف صف الـعـلاوه
مـن يـوم قـــــاموا يحجبون الفوانيس ؟
أيـقـنـت بالظلمــه وكثـــر الطـغــاوه
قلــــوب مثـــل محـرّقــات المحاميس
لـكـن من الخــارج صفـاء و نـقــــاوه
عـز اللـه انهــم عنـد ربـي مفـاليــس
يا صــار بالشمـراخ ملمــس طــراوه
أستـغـفـر الله عن طريـق المناكيـس
اللـي لـه أسجـد لا شعـرت بقساوه
لولاه .. تلقــوني عبــدت الهواجيــس
ولولاه .. ما حسيـت بأُنــس وهـداوه
أول : ليـــــا جتنـــي رؤوس الأباليس
خـذتنـــي امـا طـيــب , والا فـتــــاوه
واليـوم : لا هـالـت عـليّ الوساويس
قضّـيــــت ليـلي بالـدعــــاء والتـــلاوه
وسلاااامتـكـم ..
تقبلوا تحيـــات أخـوكـم /
عبـدالمجيــد بن محمـد الشـمــــري ,,
رد مع اقتباس
المشاركة الأصلية كتبت بواسطة منيف الوبيري
المفضلات