اهل هي قصتين متشابهه

[الحيمري]

حضرت في جلسه مختلطه مناسبه


وفيه واحد قص عليناء قصه حجرف الذويبي وجاب القصيده اللي منها


يرزقني مارزق الحياياء بجحارها ** لاخايله برق (ن) ولاهي بسايره

رزق غيري ياملا مايجيني ** ورزقي يجي لو كل حين يحايله


لكن عارضه واحد قاله صحيح قصه حجرف لكن انت خلت بين قصه واحد من شمر من الرمال

والقصه والقصيده بعضهاء لبن رمال وبعضهاء لحجرف

لو تسمحون اذا فيه احد يعرف القصتين يوضحهم هم وقصايدهم فضلا ليس امرا


مع اجمل تحيه

[مشــــعل]

هلا بالحيمري

راح ادلي بدلوي ..

"القصة الاولى" مثبتـه لحجرف الذويبي الحربي هي والقصيده
يوم يرحلـون عنوه ربعوه .. وقلّ حلالــوه وضاقت بوه الوسيعه
ويوم من الايام .. شاف لوه دابٍ عمى كل ماجاع يطلع من الجحر ويفتح افمــوه
وسبحان الله ويجي هالطير وينزل عليــّه وياكلوه .. وتكررت قدام الذويبي اكثر من مره

وقال القصيده السابقه :

أنا اليا ضاقت علي تفرّجت .. يرزقني أللي ماتعدد فضايلــــه
يرزقني رزّاق الحيايا بجحرها..لاخايلت برق ولاهيب حايلـــه
ترى رزق غيري ياملا ماينولني..ورزقي يجي لو كل حي يحايله

والقصيده اطــول ..


لكن اللي اعــرفوه نعم صارت هناك قصه مشابهه .. لكن مع عدوان الهربيد
وليست مع رمالي .. ولعدوان قصيده كذلك بهالمناسبه لكن ماحفظه

هذا والله اعلم

يجي ابو فهــد او ابو عتيق .. ونلقى عندهم العلم الاكيد ان شاء الله

[خلف الرويتع]

هلا اخي الحيمري ومشرفنا مشعل الغفيلي

بالنسبه لي اعرف قصه وقصيده حجرف اما قصه ابن رمال مااعرفه
وهذه قصه حجرف الذويبي من قبيله حرب

كان حجرف احد فرسان قبيلة حرب وكان مشهوراً بالكرم يذبح كل مايملك ويقدمه الى ضيوفه وحتى لولم يجد غير منيحه عياله يذبحه وكانو جماعته يجمعون له ويعطونه من حلالهم ولكن بعد فتره بسيطه يجدون انه ذبح كل حلاله لضيوف وفي يوم رحلو جماعته دون علمه وتركوه هو وعياله وعندم اتى الباح لم يجد احد من جماعته فاشتد عليه الضيق واخذت زوجته تلومه وتقول لو كنا نملك ذلول كان لحقنا جماعتنا فضاقه نفسه من شمات زوجته وترك جماعته له بهذه الطريقه المحزنه وذهب الى مكان مرتفع لينفرد بنفسه ويتامل فشاهد ذلك الداب الاعمى
مخرج راسه من الجحر وفاتح فمه وياتي الطير فيلتهمه وفي كل مره يفعل الشي نفسه وياتي طير اخر عند ذلك ادرك حجرف ان الذي يرزق هذا الداب لن يتركه ابداً فانشد يقول

يقـول ابن عياد وان بات ليلـة ==== مـا نيب مسكينٍ همومه تشايله
أنا ليا ضاقت عليـه تفرجـت ==== يرزقنـي اللي ما تعدد فضايله
يرزقني رزاق الحيايا بـجحورهـا ==== لا خايلت برق ٍ ولا هيب حايله
رزق غيري يا ملأ ما ينولني ==== ورزقي يـجي لو كل حي ٍ يحايله
جـميع ما حشنا ندور به الثنا ==== ومـا راح منا عاضنا الله بدايلـه
نوب ٍ نحوش الفود من ديرة العدا ==== ونـخـزز اللي ذاهبات ٍ عدايله
خز ٍ بالايدي ما دفعنا بـه الثمن ==== ثـمنها الدمى بمطارد الخيل سايله
مع لابة فرسانٍ ننطح بـها العدا ==== كـم طامـع ٍ جانا غنمنا زمايله
نكسب بهم عز وننـزل بهم خطر ==== ولا هيـب من قفرٍ رعينا مسايله

وعند المساء اذا بيته محاط برعية ابل كامله فظن انهم ضيوف ثم عقلها ولحق قبيلته في الصباح الباكروتعجبت قبيلته من حالة الذويبي فاين كان واين اصبح فلما عرفو بالقصه فلم يعودو لمعاتبته على كرمه

[مشــــعل]

8

تسلم يابو عتيق على هالاضافه

وانا قلت بردي السابق لم نسمه لقصه مشابهه لرمالي

ولكن كانت لعدوان الهربيــد

اتــذكر مبطي يوم انا وغــد .. تقريبا كنت بأول متوسط .. سمعته من لي شايبٍ شمروخي

يقول ان عــدوان لقى لــوه داب . ولاحظ أنتفاخ ببطن الداب وشعطــوه بلوه قديمي

ويلقى بـوه اكا الحمامه .. وهو يشق بطن الحمـامه ويلقى به جخاخه

واتذكر جاب قصيده لعــدوان لكن والله مامسكــته اكا اللحين

.. مادري عندك خبــر عنه يابو عتيـق

[خلف الرويتع]

هلا اخوي مشعل نعم سمعت هذه القصه وقد يكون لها قصيده بس لم اسمع انها لعدون الهربيد وانا لااجزم بذلك ولكن لم اسمع انها لعدوان وانا اسمعها مثل بعض القصص التي لاتنسب لشخص معين ولكن تروى وتتناقل بين الناس للعبره يمكن ابو فهد عنده معلومه افضل مني بهذا الشان ننتظر مشاركه باقي الاعضاء

[زاهي]

وانا ابي ادلي بدلوي

اللي لحجرف مثل ماتفضلتوا

واللي تشبهه قصة سمعته تنسب من رواة الرمال لشايع بن مرداس (شايع الامسح) -وتجي بعد شوي-


أما اللي لعدوان الا ان تكون يوم يطلع قناص ويوم نكس حول الغياب الا بس المراح

أثري ربعه جاهم غزوا عقبه واللي ذبح واللي زبن لحايل

ومن اللي ذبحوه أخوه

ويلقا بالمراح بناخيه جريس -ولد المذبوح- وأم جريس مع اللي هجوا لحايل وكانت بوقت المهاد

ويبلش بجريس وغدن بالزمال ويلقا له عنز ويقوم يرضعه منه ، ولييا جاع حط جريس على له شجرة مرتفعه لايجيه شين وخذا العنز معه ترعا وهو يتقنص لروحه لما نكس لحايل ولقا ام جريس مع اللي زبنوا المهاد وزوجه إياه المهاد
وهذي يقولون قاله عقب مارجع ولالقا بالمراح الا بناخيه واللي ذبح من ربعه واخوته ، قال:

يادار يـادار ربينـا بـك العـام

بين الحجر يادار واشراف ضاحي

يادار مابك من هلك جـرة اقـدام

والمـال مالـه جـرة بالمراحـي

بس الثلاث اللي تقول روس خدام

وارض تصفق به نشيط الرياحـي

ياجريس يامشكاي واطيرنا حـام

برخون شينات الليـال اللقاحـي

حطن بنا قيد وهواجيـر وخـزام

ياجريس واسقنا مـرار الملاحـي

حظ ربض لو قامت السمر ماقـام

وباب عصانـا بقلـة الانفتاحـي

يا قـد قلبـي قـد أزرق الخـام

أو قد غرب من شفا البير طاحـي

على الرجال اللي مشو لي بالاخدام

راحو كما برق بالامطـار لاحـي

أما سالفة شايع بن مرداس هي انه مابقّى عنده حلال من كثر مايكرم ويذبح للضيوف

وكان ربعه ياقضى حلاله يقسمون له من حلالهم

ولا جاه ضيفان ذبح اللي عنده


وهم يتفقون جماعته انهم ياقضى اللي عنده من حلال هالمرة مايقسمون له لانهم يقسمون يبونه يتعيّش على حليبهن ويشيل عليهن ليا رحل وهو يذبحهن

يوم قضى اللي عنده من حلال وهم يرحلون - وهذي حيلة منهم -

يوم جاء الليل وهم يجونه مجموعة منهم متنكرين تسنهم ضيوف - وهو ماعنده شين -
نوخوا ركابهم ورا لهم حزم وجوه
وهو يقلطهم وهم متلطمين وبليل لكنه عرفهم على ضو النار وسكت

يوم لاذ يم مرته ينشده عنده شينن للضيوف او لا
قالت : انا يوم دخلوا اشوف ثيابهم على ضو النار متصفطة ولايكون كذا الا معهم ركاب

وهو يلوج ورا البيت يوم نط له حزم ليامار هذولي هن معقلات وهو ينحرهن كلهن ويجيب شواياهن
ويشوي لضيوفه من الشوايا ويقلط لهم

شكوا بالوضع ودريوا انه لقا ركايبهم وهذا منهن

وهو يطلب حديهم ماء ويوم لاج المعزب عنهم وهم يهربون

يوم نكس الا هذولاك هم مقفين هجيج - دريوا انه كشفهم وذلوا -

قال شوفو ركايبكم تعوزا من لحمهن لاتفلسون منه



هذا اللي سمعته من بعض الشيبان


وبعض الناس يخلط سالفة حجرف وسالفة شايع ويحطهن سالفتن وحدة

من ذلك كتاب بأحد المكتبات مرهمهن لبعض وحاطهن لحجرف



وبانتظار اضافة شيباننا هنا

[الحيمري]

الاخوان كلا من



مشعل الغفيلي

خلف الرويتع

زاهي


اشكركم شكرا جزيلا حيث تفاعلكم معنا نورنا واجزم انكم قمه الصدق

على المواضيع القيمه القصص القديمه هي ثمينه في معناهاء

وشاكر لكم
مع اجمل تحيه

[ابو عارف]

كل مداخلاتكم صحيحة عن حجرف والهربيد وشايع الأمسح وقصصهم مثبتة بالقصيد لكل منهما وتشهد على قصة شايع نازية أم اللحم في ضواحي جبة على كرمه.

والله يعطيكم العافية السائل والمجيب


شكراً لكم وفيتوا لاهفيتوا

[خلف الرويتع]

هلا وغلا بالجميع والاخ زاهي ماقصر بس انا حاب اضيف ان اخوان عدوان الهربيد 4 وكلهم ماتو في ذلك اليوم ومابغي غير عدوان حيث انه كان في القنيص والم يحضر المعركه وعندم حضر واجد اخوانه الاربعه مذبوحين ولم يكن لهم اولاد غير واحد منهم له والد اسمه جريس وقام عدوان وتزوج زوجه اخوه ام جريس علشان يربي بناخيه جريس وبعد كم سنه ماتت ام جريس وبفي جريس وعمه عدوان والم يزوج عدوان خوفاً على جريس من الزوجه الجديده و لما كبر ((جريس)) كان عمه باشد الحاجه له لكبر سنه لكن جريس تزوج و ذهب تاركا عمه خلفه ليذهب مع زوجته

عندها و في تلك اللحظات الصعاب أنشد شاعرنا عدوان الهربيد باكيا

ياجريس يامشكاي شاكن واشاكيك === اشوفها من يـم الاصـحاب ضاقه
يا جريس اخذت امك على شان تاليك === ما معجبن زينه و لاهي عـشاقه
عمك و لو تبي تـنشـده كان يـنبيك === وش حق من رباك طفل(ن) حواقه
يـامـا عـلى مـتـني تعلـقـت بيـديك === تـنـقـل كـما تنقل خـطاة العلاقه
ويـاما بعـدلات الـشـبايـا نـعـشـيك === واعطيك مـع زود الخزيزه لحاقه
لاما الـذي بـدقـون ربعك ظهر فيك === و اظـن فـي نـبت اللحى افتراقه
لاصـار بـالـدنـيا صـديقـك يـخـلـيك === ما من ورى عوج النصايب صداقه


اما قصه شايع الامسح الي ذكرها اخوي زاهي فنعم سمعنها كما قاله اخي زاهي الكبر شين

[الحيمري]

الف شكر يابو عارف

دعمك الهذه القصه يشرفناء