اهل هي قصتين متشابهه

[مشــــعل]

يسمح لي اخوي الحيمري

يمكن حصل اختلاف بالفهم بيني وبين الاخوان

انا عندما نفيت القصه عن الرمالي وغيره

انا " ركزّت " على قصة الداب بالذات

وهي اللي خذا منه الذويبي الصوره الموجوده بالبيت الاول

يوم قال : "يرزقني رزاق الحيايا بجحرها"

وقلت حصلت لعدوان قصه مشابهه كذلك مع " داب"

اما مسألة الكرم او جزئية الكرم .. لاشك لاننفيه لا عن حجرف ولا عن شايع ولا عن الرجال اللي نسمع بعلومهم ونتعلم منه

للتوضيح فقط

[ريال الفسحه]

شكرا لفتحك هذا المتصفح


فعلا انا استمتعت هنا

[المطني]

انا ابي ادلي بدلوي لو ان الاخوان ما قصروا

قصة حجرف كما ذكر الاخوان مع الداب وقصد القصيده

اما شايع ما شاف داب هذا الفرق بين القصتين والتشابه ان كل من الاثنين رحلوا عنهم جماعتهم لأنه اوذوهم بالكرم يعطونهم يبونهم يعيشون وهم يكرمون به .

شايع رحلوا عنه جماعته وخلوه واجلد على الصيد يصيد هو ومرته

وياكلون قالوا جماعته عقب فتره نبي نضيفه ونشوف وش سوى

وكانوا اهل عشر ويوم اقبلوا عليه وهم يعقلون الركاب بالنازيه اللي

عقب سميت بأم لحم وهم يجون رجلي ويوم جوه حيابهم وشب النار

وياوالله يوم بلش ماعنده ما يضيفهم به وهو يدخل يم مرته وكانوا

يلقبونه بكعيب الضبي من زينه قال وش رايك وش نعمل بهالضيوف

قالت اكبر النار ورع لمقاعدهم كان هي متصفطه فهم على ركايب

قص اثرهم ياما تجيهن وذبح منهن وعشهم وكان ثيابهم ماهي متصفطه تر ماهم

على زمايل يبي الله يفرجه وهو ينكس يمهم وهو يكبر النار عليهم

يوالله يوم كلتهم وهم يثورون وينزحون عن النار يوالله ثيابهم متصفطه

وهو ياخذ هاكلقدر والقديمي ويقص اثرهم ياما جاء ركابهم وهو

يذبحهن العشر كلهن وياخذ شواياهن وينكس لمرته وهو يطبخهن

لهم ويوم قلطوا على العشاء واليا والله بس كبود وقلوب وكلا يقولون

ياهالكشايب معهم قال والله ان هذي قلوب ركابكم . وهم يثورون

وبوجههم يم ركابهم ويوم جوهن ياولله باكلنازية مذبحاة ويروحون

لهلهم على رجليهم . سميت عقب النازية بأم لحم الياهالحين .

يقصد شايع يقول

يقول بن مرداس فتى الجود شايع = عدا يبي يتحايل علي من يزايم

الفتى من قوم بذالة السخا = واهل السخا ماباقي الا الذمايم

الي يشوفن بالجموع الكثيره = يشوف حرٍ فاخر السبق حايم

انا مثل عود القنا زاد ذرعه=بمركاضنا تشبع طيورٍ حوايم

ياما قطعنا سهلة مجرهده =فوق النضا نقطع لبيض خرايم

وكم عقلةٍ بالقيض بحنا ترابها = بالقيض حادينا هبوب السمايم

وكم عقلةٍ وردتها عقب سروه = نسري وولد الاش بالبيت نايم

واليوم ذا ياكثر منانة العطا = ومشاروة النسوان سود اللثايم

لا هلهم لابلهم وابل الحيا = لاجاضعتهم رادعات الوشايم

اقفوا وخلوني مساريح غوطه = وأعط الثنا باللي يجيب الغنايم

وتحيلوا بي وصرت انا ازود بحيله = خليتهم يمشون فوق القدايم

وعشيتهم وقريتهم من ركابهم= عشرٍٍ ضواتٍ كل ابوهن همايم

هذي فعولي والعرب خابرينه = والرزق عند الرب منشي الغمايم

[ولد البدو]

ونا ابدلي بدلوي لاكن يوم ادليت للاسف طلع دلو طين ماهو لوجيهكم
ابو عتيق ومشعل الغفيلي وزاهي والمطني من اعلام منتدى القصه والقصيده
مثل ماقال الفسحه استمتعت بموضوعك يالحيمري
تحياتي

[الحيمري]

الاخوان كلا من


ريال فسحه

المطني

ولد البدو


شاكر لكم واعتز في اراكم ومناقشتكم وبدونكم لم ناصل الحقيقه

اماء اخوي ولد البدو اذا كان دلوك اظهرت طين اناء اعتبره ذهب ياذهب

[معلا إبراهيم الأسعدي]

بارك الله فيك