حصري \\ اسرار خطيره لايوجد صور او مصادر ( الحرب العالميه الثالثه)

**فهد المويجد** · 07-11-2008 20:17

السلام عليكم ياعصابة راسي ورحمة الله وبركاته

أحبتي في مضايف الطنايا

لا حياء بالدين ( كما يقول ربعنا النجادى)

انا ياولد عمكم تابعيتي( ملمصقه) يعني شد ابو كرو

والوالد من قبيله وانا من قبيله وخله على ربكم

والعيشه ملمصقه والمشوار مايوكل عيش

حتى هالجذعات ياشفنن سعودي مايركبن معي وكذلك الجذعان ( ابوك يالسعودي)

وهالموزينات ماخللنا طريق عيشه

والسويويره ماتجمل ( ددسن ولاتخلو من شبك)

والمكيف لك عليه ( هواء طبيعي مع الدرايش والهواء يدخل مع فتحة المكيف

وكذلك ( ابوك ياكذالك والله من شين اللغه) اقول كذلك

المرور تسلطوا علي اربط حزامك واربط ( فيدك)

وستمارتك طايفه وتابعيتك وشبلاه مهي ( بطاقه)

وكله على ربكم

وانا ياربعي قضيت وافنيت ( ابوك ياللغه العربيه) افنيت عمري عند مهارية تسذبان كذبان

شيبانن مضيعينن الجاده

كل صبح افطر عندهم

( وكل منهم هو الشيخ والشيخه لهم ...والفلان ملعوين ابو ...وحش بعباد الله)

واحد منهم درباله دربوتن تفضخ القلب يقول

ان ابوه يوم كون الخنيسي ذبح 200 واحد ...

وان ابوه صار بشته مثل المنخل من الفشق

المهم قاطعته وقلت ياعم ....ابوك ماصابته ولاطلقه من هالفشق ( الولد ذكي ايبلله)

المهم زعل علي وقالي

وانت وشيعرفك للمغازي يهالجزري

قلت خير ياعم تصدق تصدق بالحييييييييييييييييييييييييييل تصدق

والشايب الاخر يقول

يوم سقوط حايل

ابوي ( والكلاام له ) كان يورد على الطنايا في ظل الحصار( في ظل مني انا )

في ظل الحصار كان يورد عليهم القناصات والرشاشات

قلت ياعم هو فيه قناصات يوم السقوط

قال بصوت منخفض ( يحسب العبد الفقير لله) مايسمعه ( ابوك يالمطوع)

قالهم هالجزري منهو عازمه ...اوذانن يكذبلنا بمجالسنا

والشايب الثالث جاب العيد ( ابوك يالمثقف)

قال

ان رحمة ابوه تقفاله قوم كامله بعقيدهم وباسلحتهم

يقول رحمة ابوي تقفاهم ( بأبره) وقالهم

قدامي للعن ابوكم البو والله ان ماستسلمتوا لافضخ عيونكم بهالبره

وان ابوه خذا اسلحتهم وعتادهم بهالبره وان البنات يقصدن بابوه ( صميعر) ويقولن

الكسب والقوم خذاهن صميعر بأبره==== لواهني من تاخذ صميعر بالعيدي

ذيب السبايا صميعر وخذومنه العبره=== تقفا القوم بابره ياعل عمره مديدي

الوكااااااااااااااااااااااد علومهم ( تجيب ابو زويعه)

ابو زويعه على قافيه انفلونزا الطيور لكنه تقل انه اخف شوين ويبرا راعيه عقب سنه

هذا ماجادت به ذاكرتنا .........

______________________________________________

اخواني المشرفين والمشرفات والمراقبين والمراقبات الاحياء منهم والاموات

لقد تم طردي سابقا من 25 منتدى دون ذنب او جريمه اقترفها العبد الفقير لله سوى ابداء رايي بكل شفافيه ( ابوك ياكوفي عنان)

وخلصن هالايميلات الي انا مستهملهن من الطنايا

لذلك اتمنى ان لايكون درب المليحا درب اهله

**ابو خلوف** · 07-11-2008 20:26

[align=center]
ههههههههههههههه

وانت كل ربعك ماغير يدربون من هالصدز
>>> بالحيل صدزين بعد

وماعليك الحين سناعيس يوقف عند باب
المضايف ويخبرك لا اقبل العريف دحام

امش يالاسرار الختيره

ياحليلي اثارين حبيب انا بس منطرد من اربع
منتديات هههههههه

ومشكوور
[/align]

**الشبث** · 07-11-2008 20:33

[align=center]
ههههههههههههههههههه

اخوي فهد

درب المليحا درب اهله ههههههههههههههه

واحد منهم درباله دربوتن تفضخ القلب يقول

ان ابوه يوم كون الخنيسي ذبح 200 واحد ...

وان ابوه صار بشته مثل المنخل من الفشق

هذي تكفي

هههههههههههههه

ياهو حفله

جبوه لنا نبيه شوين ههههههههههه

لاهنت يالذيب

وليس الفتى من قال ابي

ولكن الفتى من قال ها انا ذا

وتقلد تحيتي
[/align]

**فهد المويجد** · 07-11-2008 21:00

وشبشرك به يالشبث

انزل تحت وتعرف بشارتي
>

>

>

>

ابشرك الاسامي والنكات صدربهن مرسوم سامي

ب
ب
ل
ا
ش

يالغالي وشجاك على هالاسم الشبث الله لايجهرنا شبث

يالغالي مواريك مواري وليده وردودك ب600 الرد ( والله من ثقل الدم الولد ينكت)

قصدي ردودك بالحيييييييييييييييييل زينه

تكفى وين الشبث وين عصابة راسي الشبث

امحق عيشه صخام وسواد ليل

فقر ومعاوينه

التابعيه ملمصقه وانخالي شبث ياعله ماعادة والله لويدرون بي

ربعي بربيعه تعرف ربيعه الي دون الزلفي يمينن من البكيريه

اقول لو يدرون اني انخالي شبث كان سفروني

اييييييييييييييييييييييييييييييه وين يسفروني

ان سفروني رجعت لهم ( والله من الذكاء)

الغالي لاتزعل بس تكفى غير الشبث

يخوي الاسامي ببلاش

تحيزم بفائق تحياتي

**الشبث** · 07-11-2008 21:32

[align=center]
اقول والله لو تروح للموصل ماغيرته مهو بس الربيعه

وتقلد تحيتي
[/align]

**السنعوووسيه** · 07-11-2008 21:57

8

8
بعدين منين لنا شبث

لا تغيروه

ههههههههههههههههههههههههههههههههههههه

هههههههههههههههههههههههههههههههههههه

هههههههههههههههههههههههههههههههههههه

هههههههههههههههههههههههههههههههههههه

هههههههههههههههههههههههههههههههههههه

هههههههههههههههههههههههههههههههههههه

هههههههههههههههههههههههههههههههههههه

هههههههههههههههههههههههههههههههههههه

المويجد

ياحليلهم الشيبان يوسعون الخاطر

الله لا يخلينا منهم

تحيتي

**أبو روز** · 07-11-2008 22:48

فهد المويجد
ترى انا خويك عفريتي أصلي بالطنايا
والله من شفت اسمك جيت منصلق دريت ان فيه بلا ههههههههههههههههههههههه

يا رجل انا ماني بعيدن عنك بندوني الطنايا ثلاث مرات بسبة الرافضي الله يخسوه
تخبر يوم تناشب انت معه على الشيعة ، قبلك انا تلاعنت معه وعقب بعد نزل موضوع عن الشيعة وتناشبت معه.
اخر شي بندوني ههههههههههههههههههههههههههههههه

المهم حياك بالمضايف يا العزوة
بالنسبة للهرام اللي قلتهم عطهم جوهم خلهم يدربون براحتهم

**فهد المويجد** · 08-11-2008 19:13

المشاركة الأصلية كتبت بواسطة أبو روز

فهد المويجد
ترى انا خويك عفريتي أصلي بالطنايا
والله من شفت اسمك جيت منصلق دريت ان فيه بلا ههههههههههههههههههههههه

يا رجل انا ماني بعيدن عنك بندوني الطنايا ثلاث مرات بسبة الرافضي الله يخسوه
تخبر يوم تناشب انت معه على الشيعة ، قبلك انا تلاعنت معه وعقب بعد نزل موضوع عن الشيعة وتناشبت معه.
اخر شي بندوني ههههههههههههههههههههههههههههههه

المهم حياك بالمضايف يا العزوة
بالنسبة للهرام اللي قلتهم عطهم جوهم خلهم يدربون براحتهم

ونعم ونعم بعصابة راسي ( ولد الاصفر)

لاخلا ولاعدم ياابن العم الله لايخلينا منك ومن الي شرواك (يابروز)

الشيعه ابيدلك عليلك منتدى تلعن ابو مسكسك ابو من تنحطتبهم

منتدى مايلغى مشاركات اعضائه ولا ردودهم ( مثل ريعنا) بمنتدى الاسهم) وانت ابخص

توسد وتقلد وتصبح الغالي بفائق احترامي وتقديري( انشالله معك سلف)

ومع السلامه

**&^^مهــــا^^&** · 09-11-2008 23:43

وان ابوه صار بشته مثل المنخل من الفشق

هههههههههههههههههههههههههههههههههههههههه

ترى الشيبان مايكذبون ابد

عاد مادري عن الشيبان اللي عندك

ويعافيك ربي على هالسالفه

تقبل احترامي,,