بسم الله الرحمن الرحيم
الى الصديق الصدوق : محمد عبدالله الغيثي الشمري
" مدرّس بمحافظة عفيف "
[poem=font=",6,white,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياهل "البويت" اللي .. بأجا يذكرونه=جيته قبل عامين عدّه ضحى امس
مدري نسيتو بابكم .. تقفلونه=ولا تبون اللي يمر ياخذ الدرس
غزالكم للناس .. لاتطلعونه= اللي حمس قاص المعاليق بي حمس
يالعنبوكم ساحراتٍ عيونه=خطرٍ على المرار .. ورموشها خرس
صكو عليه .. عن الملا لايجونه=ومن فوق بابه اكتبو: "يمنع اللمس"
اخاف انا بعض البشر .. ينظرونه=ماشفت مثله بين الاتراك والفرس
من يوم شفته ولعني فنونه=واقفيت اصفّق راحة الخمس بالخمس
اليا ذكرنا جادلٍ يمشطونه=ولا طرالي شفةٍ زينّه ورس
غديت مثل اللي تقافت ديونه=من وين ماوجّه .. غدت وجهته طمس
ولا اليتيم اللي .. هله مايبونه= ولا المريض اللي شكى لجّة الضرس
اربكت قلبي .. واربكني ركونه=حاولت افضفض .. وانتكس خاطري عمس
بس قرّب الفنجال .. وان زان لونه=مع حبتينٍ من نما طيب الغرس
ياطاب كيفي .. يعجبنك لحونه=انادي جزال التماثيل .. بالهمس
العب على العاصي .. واكب الليونه=واترجم احساسي على صفحة الطرس
وان صفّة الايام دوني ودونه=وغدى نهاري ..حالكٍ مظلمٍ دمس
اعاف سجات الردى والمهونه=ويطيب كيفي من "غثا" واقعٍ شرس
لا يانديبي .. وان حدتني المعونه=اليا نخيتك .. ارتحل وارد الجمس
مثل "الجنازه" يوم صيحات كونه=ابيك مثله وان طفى الموج بك .. أرس
من ضلع حايل .. كمّله بالمؤونه=تاصل عفيف الصبح مع طلعة الشمس
في ضف "اخو سلمى " لزومٍ تجونه=عويننا .. واليا هوى السيف بالترس
يامحمد الغيثي رمني طعونه=غمس بنا خنجر هوى حبهم .. غمس
الخوف ياذيب الخلا .. يخطبونه=ياويل حالي وان دعوني على العرس
نشكي لكم من قبل تقفي ضعونه=الذيب نشكي له .. ولاننده النمس
[/poem]
مشعل حاشم الشمري
رد مع اقتباس
المفضلات