ربعي خوالد مجدهم من يخفيه&&يسقون ضد الخالدي سم غساق

**احمد الخالدي** · 29-06-2002 21:04

مساكم الله بالنور...

هذي قصيده ...

قالها العميد بالأمن العام....

الشاعر خالد بن حسن البليهد الخالدي....

رد على قصيده صالح بن حمود النازل الخالدي

وبني خالد

مجدهم من يخفيه يافهد......

يكفي ابناء هذه القبيله فخراً اننا اول من حارب البرتقاليين

والبريطانيين ولم يستطيعوا دخول شرق جزيرة العرب

رغم ان بريطانيا البلد التي لاتغيب عنها الشمس

وبقوا في جزيرة البحرين....لشدة قبيلة بني خالد ورجالها

لااحتاج ان اكتب عن قبيلتي....لأن التاريخ هو الحكم

احببت ان انشر لكم هذه القصيده...وهي طلب من (فهد الخالدي)

اتاني عبر الايميل....واقوله ابشر بعزك....وابشر بقصايد غيرها

يامرحبا بالخط واللي معنيه
يامرحبا به عد مافاض براق

وسطه قصيدٍ جيداتٍ قوافيه
والكل منا للتماثيل مشتاق

من صالح النازل سجله وداعيه
اهلاًهلا ياشوق تلعات الأعناق

من صالح ابن حمود والخط قاريه
nقريت ماسجلت في بوك الأوراق

فهمت مضمونه وخافي معانيه
معناه في وسط الضماير والأعناق

ردٍ على قافٍ بنينا رواسيه
اشيد برجال الحميه والارفاق

ومناسبة ماقلت ماني بكاميه
الناس تدري والجدايد والاعتاق

امفضي ليا انه نصا الحق اهاليه
يشهد له التاريخ في كل الاسواق

رجلٍ بنا مجده بعالي مبانيه
عيا على حصن الجماعه ولاطاق

يوم ان بعض الناس ضعفت هقاويه
يبون هد الضلع والجور زهاق

وبن عطيه قالها عن عوانيه
الظلع للحيين ظلٍ ومشراق

وقبور اهلنا الظلع فوقه ذريه
والله مايرقاه طامع وبواق

وبارض القنيه قال يعني امعاديه
يبي يفزع كل كيسه والاتفاق

وحمود ابوك ونعم واللوم عاديه
الكل منهم للجمالات سباق

ربعي خوالد مجدهم من يخفيه
يسقون ضد الخالدي سم غساق

من باب فالح للعوينه مشاحييه
ليا حد الدندني مجدهم ساق

وباق القبايل حقهم مانخليه
الكل منهم له مع الجود معلاق

رجالهم يكرم ضيوفه وعانيه
كلٍ يبا النوماس للجود عشاق

اقول للتاريخ واللي قرى فيه
والمجد يبقى للرجاجيل ميثاق

وصلوا على نبينا الرب هاديه\nوسبحان من قسم على الناس الارزاق

وسلامتكم.....

العميد والشاعر/ خالد البليهد الخالدي

**ســاير الرماحي** · 29-06-2002 21:55

...............

هلا بهالطلّة..

أحمد الخالدي...

لاعدمنا طلّتك ..يابن الاجواد..

وش هالرائعة؟علمني؟

والله و1000 نعم فيكم يالاجاويد..

احمد..لك معاني لايستهان بها..

...ولسان شعري لايستهان به..

من باب فالح للعوينه مشاحييه
ليا حد الدندني مجدهم ساق

وباق القبايل حقهم مانخليه
الكل منهم له مع اجود معلاق

احمد الخالدي........

.......................... لسـ صح ـــانك .................... مليون ....

تقبل تحياتي..

أخوك/

ســاير الرمــاحي الشمــري,,,

**فيصل اللويش** · 29-06-2002 22:10

صح لسانك احمد

وصح لسان شاعرها

والله وستين نعم بكم يالخوالد

[poet font="MS Sans Serif,16,black,normal,normal" bkcolor="white" bkimage="" border="outset,10,gray" type=0 line=200% align=center use=sp char="" num="0,black"]
انتم بني خالد على الراس والعين = افعالكم تشهد لها كل الا يام

لو الزمن رجال انتم له العين = والخالدي منكم جسورٍ ومقدام

فيصل اللويش
[/poet]

تم نقله من قبلي لمضيف الشعر المنقول

لا تعودها بو حميد بس المشكله خالدي لك واسطه:D :D

**احمد الخالدي** · 29-06-2002 22:23

الاخ ساير الرماحي الشمري....

صح بدنك مليار يالغالي....

قالها خالد او احمد كلنا دم.....بس الحقيقه ابدع فيها شاعرها

وبيض الله وجهك ياساير.....والله لايحرمنا منك ومن متابعتك

وباقي القبايل حقهم مانخليه...الكل منهم له مع الجود معلاق

مشكور ياولد الطيب...

تحياتي

**احمد الخالدي** · 29-06-2002 22:39

صح بدنك يالغالي....

وصح لسان شاعرها....

والله يافيصل توني جاي بشوف الردود الا القصيده مهي فيه

قلت افا هذي اخرتها ياشمر حاذفين القصيده

قلت لا لازم اتأكد والله مايسونها

ويوم جيت هنا الا التراحيب والبيتين الي انت كاتبها

قلت ايه هذا ربعي اللي اخبرهم

بيض الله وجهك يافيصل...

انتم بني خالد على الراس والعين افعالكم تشهد لها كل الا iiام

لو الزمن رجال انتم له العين والخالدي منكم جسورٍ ومقدام

فيصل iiاللويش

اشهد انك شاعر يافيصل اللويش.....ولاهنت وانا اخوك

مشكور يالغالي

:D :D وبالنسبه للواسطه ماعاد بنتعودها

بس هالمره مشها:D

**العنوود** · 01-07-2002 00:56

أخي أحمد الخالدي

سلمت يدك على هذه النقله الرائعــــة

قصيده رائعة رائعة رائعة

ومن حقنا ان نفتخر بها

ولا هنت

الأخ فيصل اللويش

صح لسانك ومشكور

حلو فيصل فيه لنا واسطة يعني

اجمل التحايا لك وللجميع

أختــــــك 000الخالدية

**احمد الخالدي** · 01-07-2002 17:32

صح بدنك...

يالخالديه...

طلعتي خالديه....

ياحليلك يابنت عمي:D

دامك بنت عمي اذا عندك احد يبي يصير جندي بالحرس:D

اكلم العميد:D :D

حده شريطين

الله يعطيك الصحه ومشكوره

وصح بدنك...

تحياتي

**الهاجريه** · 01-07-2002 21:22

صح لساااانك يالخالدي

ولا هنت الغالي

والنعم فيكم والله من خوالد ... انا اشهد انكم طيبين الاصل والفال

تحياتي لك

الهاجريه

**احمد الخالدي** · 01-07-2002 22:22

الهاجريه...مرحبتين بأل محمد

هلا بالهواجر....عاد انتم يالهواجر قصرانا مايحتاج

ياهلا بالهاجريه ومرحبتين...ونعم مليار فيكم...

والطيب متقاسمينه معكم....

بيض الله وجهك....

احمد