أبيات جميلة سمعتها من صديق كنت بصحبته يوما في سفر .. أعجبتني وحبيت الكل يسمعها ، ويغوص في أعماقها ......
السنين القشر تخلف هقاوي من هقا ..... والدهر مركز تجارب وميدان فسيح
وش بقى ماعلمتنا الليالي وش بقا ..... كل يوم درس باسلوب ولسان فصيح
ياعزيز النفس كل [ن] شقا باللي لقا ..... والحضيض اللي من الهم قلبه مستريح
زبدة الخافي تبين ليا خض السقا ..... والصدور اللي بها شر يفضحها الكحيح
وصحبة [ن] ماهيب تبنى على عز ونقا ..... آخرتها لو تطول مبانيها تطيح
والموفق من تخير شبيهك وأنتقا ..... انتقا له شخص عاقل ومنطوقه صريح
____________________________
رد مع اقتباس
المفضلات