حـزاوي الـضـحى"مـذكـرات بـناااااات" --الجزء الثالث والاخير
السلام عليكم ورحمة الله ...
الله يصبحهم بالخير ....
شفتو البرررررررد<<<تسمع بالمطر وتحلم مهو منه من هالرطوبه
تاخرت عليكم ... ورب البيت بالصدفه تذكرت ان اليوم السبت وان موعد حزاوينا ضحى السبت
بس والله اني منشغله الله لايشغلنا الا بطاعته
مشت شغالتنا له اسبووع <<<متقدر تكمل تكته العبره
الا تسيف يالربع .. ابي اقطع البصل عجزت<<< يعنني ناسيه
ووووووه صجيتكم ياكثر هرجي ..
>>>>عطر تلتقط انفاسه
<<<نرجع لموضوعنا
تابعتونا على هالرابط ..
http://www.shmmr.net/vb/showthread.php?t=57099
واليوم نكمل لكم الحزايه واتمنى لكم متعه بالقراءة ..
^
^
وعدنا ام عزوز اننا مانعوده وحنا عند كلمتنا ...بس المشكله بولده وش يفكني منه الحين
كل شوي نغمة رساله <<حتى لو أحد دز لي مسج ماافتحه على بالي من اللزقه عزوز
وياليته يرسل لي شينن سنع الا بس جيدن لي بكولمي
مثل كل ايام العطله( طلعات ,جمعات بنات,سوالف أهل,زواجات الحبايب,سهر بالليل,نوم بالنهار,
شغل بالمطبخ,رجال بالديوانيه,حريم بالعصرمتجمعات,صغار يتهاوشون 24ساعه...........آلخ)
وبالآخــير
مرت هالايام بلمح البصر ومحد حس بسرعه الايام
(اهي الايام مااسرع ماتمر وتفوت "="وتترك داخلي غصه دموع العين ترويها)
وكلن تسهل بدربه
ولاتسالون وشلون البيت من عقبهم <<< تكتن العبره
مظلم موحش من عقب عيالي <<عيال اخواني وخواتي بمقام عيالي لاتفهمون غلط توني صبيه
(مظلم موحش= ضمير مستتر تقديره البيت )
الساعه 3 الفجر يوم15/8/ 1427 بتوقيت ديرتي
وحالي تقول
النوم جاني وانا مااريده"="من يطرد النوم من عيني
التلفون يرن <<<يالله عسى خير
*حنين :- الو
انا: هلا والله
حنين..خالتي ابشرتس وصلنا بيتنا
انا..الحمد لله على سلامتكم ..
لاتعبتو<<< اعرف بسلوم العرب
حنين:- خالتي وش يردون عليه هذي
انا:: لاندمتو<<< متى تكبرن ياربي
المهم....
سلمي عليهم كلهم الا بالمناسبه شخبار عزوز
حنين..عزوز سالفتوه سالفه طول السفره
انا ..ليييييييه
حنين...كل مادق جواله تخررررع قال انتظر خويي يكلمن
انا...
حنين..
لا تكفين خالتي خليه على وجهه , اخاف على نفسي
انا..ولايهمتس اعطيتس علم وروحي عند ابوتس<<< ابن امه يحتسي
طيب يالله بروح انوم...
باماااااااان الله مع السلامه
طوط طوط طوط ..... <<<<ابوك يالفشله معنده وقت صكت بوجهي
*
*
*
رد مع اقتباس
....
لالالالالالالالالالالالالالالالا
<<<ركزو على هذي 
المشاركة الأصلية كتبت بواسطة روح حايل
المفضلات