يارب رحمتك يبونا نعرس
السلام عليكم ورحمة الله وبركاته ..
يالربع ياحليل الحضر يعلمونك بكل شي
هذا اليوم بالدوام طبعا كل اربع موظفين على اربع كاونترات متقابله يعني خشتي بخشة اللي مقابلني وحلها عاد لاصار اللي قدامك غثيث هههههههههههههههههههههههههههه
اللي على يميني رجال ماشاء الله عليه حبوب ولايتكلم باليوم معنا الا مرتين
كل كلامه مع العملاء ودايم يبتسم مو مثلي لو يرفع صوته واحد قفلت بوجهه
إذا ماكان فيه ضغط تلقاه يطالع لجواله ويكتب رسايل ويبتسم تقل مبسم نيبالي
واللي على يساري خبيل دايم مادن بوزره ودايم يكلم بالجوال ويهاوش وأنا انقهرت ابي اعرف وش السالفة ...
واجي ابسوي زيهم علشان يصير بيننا شي وأفتح الموضوع واسئلهم وأعرف وش السالفة
بس ماأدري وش سالفتهم <_ يبي يموت من القهر
وأفتح جوالي ولاألقىا الا كول مي من أخوي الصغير ولا الشبث داق علي ولا ريال الفلس داق بعد وبعض الاحيان ألقىا رساله من واحد يطلبني فلوس
بالصدفه وأنا طالع اصلي وأسمع خوينا اللي دايم معصب يكلم بالجوال وأنا اتغيب ورا الجدار واتسمع له لقيت فرصه
وأسمعه يقول انتي قليلة حياء انا مقصر معك بشي عمرك طلبتي شي ورديتك ووووووو <_ يعني يعاتب
قلت أفا يابو فلان طلعت تغازل وأنت شايب تخبرون شيبان هالوقت يخرعون هههههههههههههه
يوم قفل وأنا أنقز بوجهه قلت يابو فلان وش رايك تعلمني وش السالفة وخلني اتدخل وأزين الوضع بينكم وهو يطير عيونه وأنا اكمش قلت امزح معك هاهاهاها <_ ضحكت واحد منخرع
المهم طلعنا من الدوام وصدف وقت خروجنا من الباب الرئيسي للعمل مع بعض وحنا نسولف شوي وانا أعزمهم على عصير بردغان [ برتقال ] ..
وحنا بالسياره خوينا الهديفه للحين يضحك ويطالع لجواله هههههههههههههههههههههه
وهذاك مكشر اعوذ بالله شوفته تجيب الهم
قلت ابو فلان قال نعم وش تبي <_ الحين عازمه ويزمر علي شوفو يالربع .
قلت ياخي انا رجال ابعرس وش رايك قال لا يايوسف انتبه تعرس قلت ايه هذا الكلام وأطلع جوالي أبدق على ابوي واقولهم لايطري عليكم تجيبون لي طاري العرس ابيه من الله
قال الثاني وش فيه الزواج بالعكس راحه ومدري وشو قام يخربط المهم وهم يتهاوشون أنا اصورهم بالجوال شي هوشتهم واحد دلوع والثاني تقل جمل اعوذ بالله وشوشته طايره ولايحلق بالسنة الا مرتين بالاعياد من الطفش اللي فيه
وقفنا عند مدينة الملك فهد الطبيه تخبرون ابصرفهم تأخر الوقت وأنا ابمشي الساعة 1.15 بالليل ... قلت يالله انزلو قالو وش فيك قلت انزلو هذا يقولون انه ممشا للحوامل انزلو امشو وليتن ماقلته بغىا يذبحن الهديفه
نزلنا ومشينا وكلن طلع اللي بصدره فضفضو لي آخيرا افيييييييييييييييه ياحلو الراحة يالربع
طلعو ياشباب ويابنات حالتهم حاله
اللي دايم مكشر زوجته اذا ارسلت له رساله محتواها [ بيض+بصل+حفايظ للولد+ ومر امي وده للسوق]
خوينا اللي بس يضحك ويتبوسم المروح شوفو سر السعادة
زوجته ترسل لك كل ساعة تطمن عليه بالدوام وإذا سافر حالته حاله يقول ماتنام الا تسمع صوتي وبعض الاحيان تنام وهي معاي على الخط <_ تشمون ريح عطر صح
يوم سئلت خوينا اللي زعلان قلت بالله وش أحلىا كلمه قالتها لك زوجتك تحمست انا
قال تصدق بالله يايوسف صارلي الحيت متزوجها 10 سنوات ومره وحده سمعت منها كلمة ياحياتي هههههههههههههههههههههه قلت بقلبي مالومه من هالخلقه
طبعا أنا اسولف مع النزغه هذا وخوينا اللي ورا يكلم المدام امممممممممممممممش ياهناك يلعن أبو هيك ياشيخ
بعض الحريم وبعض الرجال الله يهديهم يهتم بأشياء ويترك أشياء يعني بعض الرجال تلقاه يهتم بأصدقائه ويهمل زوجته وبيته وبعض الحريم آخر شي تفكر فيه أنها تقول كلام حلو لزوجها
زي واحد يوم وصل عمره 35 أنحرف هههههههههههههههههههههه عشان وحده دقت بالغلط قالت له آسفه ياعمري وانهبل وليومك هذا حياته كلها بالمجمعات ههههههههههههههههههههه
وبعض الرجال يكون سبب ونسئل الله الستر بسبب إن زوجته تبحث عن بديل ...
أنا رجالن ماني معرس جدتي تقولي ياوليدي للحينك وغيد الله العالم أنه قربت تخرف
إيه قبل أنسىا خوينا اللي بس يتهاوش مع زوجته دق عليها وتهاوش معه وقلت له طلقه يارجال وش تبي فيها هذي تجيب لك الهم والغم <_ وجه شر
لاأمزح معكم عطيناه جرعات وعبينا راسه وعطيته رسايل وقام يرسل له
وأرسل لي رسالة الساعة 4 الفجر يقول انتم شي هههههههههههههههههههههههههههههههههههههههه ههه
توسدو إحترامي
رد مع اقتباس
المفضلات