حـزاوي الـضـحى"مـذكـرات بـناااااات" --الجزء الثاني
السلام عليكم.. واحد واحد ...
شخباركم بهالضحويه ..
وووووووه تذكرت الشتاء قرب وش زين المشراقه بالضحى
مع قرصان الرغيف والحليب اييييه الله يطول باعمارنا...
والله يجيب المطر <<<مالوه علاقه بالسالفه كلش
المهم ..
استكمالاً لتوقعاتكم ..على حزايتنا السابقه
على هالرابط..
http://www.shmmr.net/vb/showthread.php?t=56935آخر مشهد بالحلقه الاولى كان :
حنان..<<تفكر>>
لا يكون بجيوبه حسبي الله عليك من يبي يطلع الجوال من مغاره علي بابا >>احد ينام بثوبه
حنان ..تدخل يدها بجيبه بشويش وتمسك بالجوال وكانها ما سكه الدنيا بحالها
وتروح تركض للبنات..بييييييييييب بيييييييب طاااااااااط طاااااااااااط
جبته حسبي الله عليكن من بنات
والبنات هااااااااااااااااااااتي ..لاهاتي تكفين .........انا انا بذمتك
حنان ..لحضه انا اول اشوف وبعدين اوريكن
حنان ..خالتي بالله دقي نبي نشوف وش مسميك ؟
الخاله ..تدق ..
البنات ..
شوفي وش مسميك هههههاااا ابو اروى
خالتهن ..خخخ حسبي الله عليه عنده لكاعه بعد
هههههه
^
^
فاااااااااصل ونواااااااصل
^
^
^
^
عدنااااااااااااا
الحلقه الثانيه :
وحنا جالسات نطت علينا ام عزوز وسمعت السولافه
وقالت :-.....انا جنينت ابوي جنينته
..... انا اخت الليدأختوه<<هذي ماتقوله الا يازحمه الزاحم
يعني منخاة الشديد القوي
تسوون بجنيني كذا ..تلعبن بمشاعرو ,والله انكن ماتفرحن به وانا بنتن لابوي
ان ماخليت امي تحوس مريركن مااكون ام عزيز
حنا درينا ان حتفنا حان ..وان ساعه الصفر اتيه لامحاله
وبذكائنا وبتوفيقن من الله تم امتصاص غضب ام عزيز ولله الحمد والمنه مع وعدها بعدم تكرار ذلك
وبيني وبينكم ام عزيز بنفسه تخاف من عاصفته يازعل<<<لانه لو دري مدري وش يبي يصير لنا هذا يازعل لايعرف امه ولاابوه
قالت يالله قدامي انتي ياقصـيده على المطبخ وربع ساعه القهوة والشاهي بالحوش
وانتي ياحنان على الحوش اكنسيه وافرشي لنا بوه
وانتي يامها على الصاله اكنسيه وانتن يالثنتين "منال+عبير" قدامي على ديوانيه الرجال اكنسنه مدام العيال طالعين
وانتن يالبندري لمعي المغاسل ابيهن يبرقن
وغصبن عنا مشينا والعبرة تاكتنا والعنز ملوحتن علينا بعد
وسوينا اللي تبي عشان ماينفضح امرنا قدام عزيز ...
وانا اسوي له اكالدله اللي ماتطلع الا باليوم الصعيبواصف له اكالبريقزات (حزاء ,نعناع,قيصوم,مرمريه) على كيف كيفكم
وانا اقعد اقصد على ام عزوز
"جعل الليالي من حلى الحظ تعطيتس ....تامرين وتنهين وتخضع الناس لرضاتس
سمي يابعد حيي وميتي ..وانا امدله الفنجان
قالت اييييييهماهي على هالحركات بس اهجدي وخلي عنتس هاللكاعه <<<انشهد اننا مانجي الا بالعين الحمراء
وتقعد تعيب على قهوتي وبريزاتي <<هذا سكرة طالع..هذا مر..
>> وانا ابشري ياخيتي المرة الجايه اضبطهن
انا مثل <<الثومة الماكوله المذمومه>>
يوم فرغه اسطوانته <<الله يحله وين ماوجهت
قالت قدام امي<< يالله يابنات وش تبن تعشننا وترفع حجاجه لنا
وحنا نقول <<لاجابتس هله ولاارضن مبتله
>>وش هالحتسي مهو بوقتهحنا نبي نقنع امي نسير يم خوياتنا وانتي تقولين عشاء
قالت امي نبي جريشه وايدام ..الحين يب يجيبون لنا ذبيحهنبي لنا يدمه عليه
انا :: يمُه يمُه الذبيحه تجي مقطعه<<<متعقده من هالسوالف قطعي وحطي باكياس وبالثلاجه
قالت لاوالله على كبرة قلت لهم نقطعه على كيفنا<<< قلت ادخلي على الله يمه غير هالحتسي
قالت وصلتس الحتسي <<<
وحنا نبقق عويناتنا انا وبنات خواتيوقلنا مافيه لامسيار ولابطيخ وكلن تكتم بتسوته وعويناتنا تكفخن كبر الفناجين
مار والله وانا اتلفت يمين يسار وش اسوي قلت ياقصـيده تعوذي من ابليس والمسيار لاحقينن عليه
والله وانا ادربي راسي يم المطبخ واطلع صحوني وسكاكيني استعداداً للصلخ والذبح
مار والله وحنا نتجمع انا وبنات خواتي <<الله لايحرمن منهن يارب
وحنانتعاونونقطع الذبيحه
قالت مها : بنات تخيلن ان الذبيحه عزيز وتفنن بالتقطيع<<<هو سبب اللي حنا بوة
وقعدن البنات يتذكرن وكلن تقط له كلمه ...
كله من خالتي الله يهديه
وش صار بالدنيا لو هي قطعت الذبيحه وحنا سيرنا يمنا البنات
وووووووووووووووووو وانتفخ راسي منهن وكلن تحلطم
قلت لهن ابشرن باللي يعوضكن وانا خالتكن وان ماخليت العيال كلهم يشربون من نفس مقلبنا مااكون انا خويلتكن
مرت الدقايق بسرعه وحطينا عشاهم وقلنا لهم مطرح مايسري يمري بالهناء والعافيه
وفرري على غرفه العزاب^
^
^
^
يتبع في الحلقه القادمه والاخيره من الحزايه الاولى....
بانتظار تفاعلكم ..وتوقعاتكم .
.
.
لاهنتو
اختكم//عطر الفله
رد مع اقتباس
المفضلات