ريال الفسحه : القضيه والحلول

[أبوطروق]

ههههههههههه صح لسانك ولسان عمرو موسى ولسان أبعارف ووليد بيدا



أنا أقول نسوي حساب موحد وحملة لجمع التبرعات لأخونا (المخلوع) ريال بن فسحة




ويكون شعار الحملة

أرحموا عزيز قوم ذل



شكراً أبو المحارش لهذه الوقفة

"""""""

[ابو عارف]

عمرو ولد موسى يا جزل الافعال

اليوم يومك يا عطيب الضرايب
افزع لنا يالذيب ورجع لنا ريال
لو هو على بند الاجر للحبايب

------------------------------------

وشفيك يامحارش تخبث لنا البال

على ريال الفسحة بليا سبايب
ماتدري إنه خالنا سيد الأبطال
وإلا أنت مرتاج لكشرة عجايب

ـــــــــــــــــ

يابوعارف وش فيك يا خايب البال

علومك كلها تبدي خرعت عجايب

لو شال ابوطروق من الحمل ما شال

يزري بحمله ويعتذر بقولت اليوم شايب

ابوعارف عذراً على الكسور في الأبيات بس حبيت أجاريك لو أن ألي حدري كديش ..

----------------------------------------
يافتى ماللعلم مطلع ومدخال
جنب هل القالات أهل الطلايب
لاتكسر القصيد يازين الأمثال
جنب عشيري يازعيم الكتايب

[ابو عارف]

خالي ابوعارف بيض الله وجهك وسود
الله وجه القس طنخان

-----------------------------
ووجهك أبيض لاهنت

شكراً لك

[غالب]

يارجال استرح وحط ببطنك دبشيه صيفي
هذا أعصاب الشعور منقطعه عنده يعني مايحس بشي
وألا بالله هو جلس بجنبه خويه ولابسن جنز
وهو يمسخره جدام خوياه هذا مروح هذا خكري وإلخ ....
وعندي شريط فيديو لسواته بخوياه
يقولون خوياه يوم سمعوا إنه خذا إجازه كلهم سجدوا وقاموا يشكرون الله
ريال وشلون طويحناتك

[فتى البيداء]

----------------------------------------
يافتى ماللعلم مطلع ومدخال
جنب هل القالات أهل الطلايب
لاتكسر القصيد يازين الأمثال
جنب عشيري يازعيم الكتايب
ــــــــــــــــــــــــــــ

يوسف يقول أني للبيات فتال

قلت يافتى أجل من ويش هايب

أرقى سنود العز وويدز من عال

وأنت مع هجمة الشيبان وكل عايب

ابوعارف إذا أخطيت قل تراك أخطيت .. منك أنتعلم ..

[ابو عارف]

يافتى سطر من جـزيلات الألحـان
ياشوق من عافت جميـع الـزلايب
مافيـه نـار تشب من غيـر دخان
حتى الذهب يخضع لفرز الشوايب

[مراسلكم من حائل]

الشكر لك أخي محارش على هالمبادره على رد نفسية ريال الفسحه المخلوع
من منصبه والدنيا دوره وصدام نزع موعاد ريال الفسحه ولكن يوم شفت أبياتك تقل سالت القريحه
معني ماعتقد عندي قريحه ....
وقلت هالابتين تضامناً مع المخلوع ريال
ريال ياناس يبيله ريال
بالله إفزعولنا ياطنايا
نبي لنا عونتاً ترفع الرأس
نزوج به ريال زين الحليا
ونعوضه عن كل مافات ونقهر به أعدئنا..........
إعذروني على هذه الأبيات لغير موزنه بس مجرد مشاركه وحل وهو تزويج ريال حتى ينسى الحالة النفسية لي هو به ...ويكون العرس عباره عن عونات من شله الفلس ..عز الله إنك ما توفقت ياريال وهذولا خوياك..

محارش
أبدعت فامتعتنا على قولة حمود لانه غير إبدعت فامتعت
ونحن وره
تقههوو تحياتي

[فتى البيداء]

يافتى سطر من جـزيلات الألحـان
ياشوق من عافت جميـع الـزلايب
مافيـه نـار تشب من غيـر دخان
حتى الذهب يخضع لفرز الشوايب

ـــــــــــــــــــــــــ

صبرك علي تو الوقت ما زان
أنت أنتظر حتى تهب الهبايب
أبدي لك ضيم الوقت وماعنه جان
من الهموم ألي لها بصدري لهايب

أختبار في القافيه ..

[فواز الغسلان]

صح لسان ابوموسى اشهد بالله انه جزل هالمصاري

وبالنسبه لريال الفسحه جعله الله خادما وعبدا لدي الى يوم الدين

أرى أن نقوم بأخذه وننطله بأقرب حلاق ونسنعه ونجعل الحلاق يسوي له سكسوكه ونمصع بلعومه ونأجر بلعوم دلاله حتى يعرف يحتسي ونزبطه آخر تزبيطتن ونسوي لوحات دعائية انتخابية وننزله في أي انتخابات نلقاها في وجيهنا حتى لو كانت انتخابات حراس مدارس المهم ان نجعل اسمه يلعلع في سماء المدري وشو المهم انه يغدي على كل لسان وعندها تروني بلشت مادري وش بعدها لاني كتبت من عصارة راسي قدس سره الشريف وادامه الله للاسلام والمسلمين عامه وسائر بلاد المسلمين

كتب أعلاه :
أبو زمخشر المطنخي من بلاد ماقبل الابطين



ملاحظة : يرجى قراءة ما باللون الاصفر بالفصحى الشديده الفصاحه

وشكرن محارش بيك تحسين

طنخان وش بلاكم على ريالوه؟

يعني ماغبت عنكم الا اسبوعين ولعبتوا بقشه ؟؟

وبعدين هو اعطيناه ترقيه مرتبتين بالمضايف وحطينا تحت اسمه كومة عظام وهي ترمز على

انه سبع السباع لانها هي اللي تلقى عندها عظام من كثر ماتفرس 000

[poem=font=",6,black,bold,normal" bkcolor="white" bkimage="" border="double,4,black" type=2 line=0 align=center use=ex num="0,black""]
الـتــوم والـغــراء وحـــنــا بشــوال=وريال قـاعــد بالمـكان المــنــاسب
مقبول فينا لو مشى دون سروال=وياخذ دكاكـيــن الـعــرب مايحاسب
الناس تدري بالجـدايـد والاسمـال=وش عاد لو هو خمسة اعوام راسب
انشد وتـنــبـيــك العواريف بـريــال=اللي من العدوان جاب المكاسب
[/poem]