كثر هم من يدعون ماليس فيهم
خصوصا في الشعر مع هذه الثورة الادبية
هذه الابيات قبل عدة اشهر ردا على احدهم
اتمنى ان تحوز على اعجابكم
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] ياللي ولاشين تشوفه من القاع = وأحلى الشعر ياهيه عندك خرابيط
من عارضك جاهل يابو سبع الأطباع = والعرف مجموعن لحضرتك بخويط
وين أنت يا(توما) ترا وقتنا ضاع = تعال يالعريف عطنا تخاطيط
سلام مني عد مدبول الأصباع = وإعداد ماقال العرب قلعة مقيط
كلن يقول اليوم بالشعر لي باع = خوال جدي جدهم مادح (العيط)
لايفتهم لايحترم كللبن وجاع = والكللب لادلل دنع بالمصاويط
واقلبي اللي سارقه قد الأضلاع = وأشفى على اللي مانفعه التعابيط
شله وقفى به على وجه الإسراع = خلا دموعي فوق خدي مهابيط
شل الجسم كله وشوفي والأسماع = وعقلي بغيره صايرن فيه تخبيط
فيها النعومة والحلا والتدلاع = سبحان من سلط بها الزين تسليط
لو شمسنا تظهر على جسمها ماع = تفتن كبارن قاضيينن مشاميط
فزعاتكم ولاظن يجدي بها أفزاع = من شافها يصيب قلبه تجاليط
لكن علي شوروا قبل لاشرع شراع = شوروا قبل لايلحق المخ تخليط[/poem]
-----------------------------------------
(1) -(توما) مضرب الجهل ، حتى قال بعضهم :
قال **** الحكيم توما ** لو انصف الدهر كنت اركب
فإنني جاهل بسيط ** وصاحبي جاهل مركب
(2) - (العيط) شيخ شمر بوقته : مطلق الجربا ، اللي على وقته انتقال الجربان من حايل للعراق
رد مع اقتباس
المفضلات