[poet font="MS Sans Serif,16,white,normal,normal" bkcolor="" bkimage="" border="double,4,gray" type=1 line=200% align=center use=sp char="" num="0,black"]
الوضح
قلت القصيد اقسى من الهم والجرح = والجرح وشهو غير كونه قصيده
لا جبت عيد ولا زرعت السما قمح = هي سلوة العاشق وهمه وعيده
الذيب لا منه عدى اهتزت المرح = والبرد قاسي والليالي شديده
مايذبح البارود لولا ك يالملح = ولا ينتخي للموت غير الوليده
عصفورنا ياما نثرنا له السمح = وشلون لا من طال ريشه نصيده
والصدر به شحٍ ولا زاد به شح = اقسى من عذوق النخيل وجريده
والجرهدي يشره سمومه على الطلح = لا فاد طلحه والسموم اش يفيده
والخرب وشهو فاده الذم والمدح = لا صار ماهو عم شعره وسيده
لا صار بين المحبره والورق صلح = الغيم لا حول تطارق رعيده
لا قلت بيت من الشعر كنه الرمح = واعسف من الخيل الجموح العنيده
صفق لي اللي عازمٍ جيده الصبح = لا قلت كلمه صفق وقال عيده
خايف مجاهيمه تفلت على الوضح = ودي ازيد وخايفٍ يكسر ايده
فيصل
اللويش
[/poet]
رد مع اقتباس
المفضلات