[align=center]
السلام عليكم
كل عام وانتم بخير وعساكم من عواده
والله مشتااااااااااااااااااقه لكم << احلفي
وش اخباركم وشلونكم وش سويتوا بالعيد
بدخل بالسالفه على طول
انا قبل ما اسافرياطويليين العمر والعمرات نزلت موضوع اني بشوفكم ان شاء بعد العيد
وقلت تامرون على شي
وطلبوا وقلت تم تم تم بالثلاث
يعني لازم اكون قد كلمتي
ومن رحت للقصيم وانا افكر بالبرسيم
والا الكراث امره سهل
الكراث ادا طلبته بيقولون تبي تاكله
بس المشكله بالبرسيم وش اقولهم علشان يجيبونه لي
وانا بس افكر وافكر
وافكار تجي وتروح
ومن كثر التفكير صرت احلم << الناس تفكر بالعيديات وانا بالبرسيم
وكل مانمت بس احلم بها البرسيم وشلون اجيبه << الله يهديك يابو خلوف
وكل ماجيت اكل والا اشرب اتدكر هالبرسيم وتنسد نفسي الا اجيبه اجيبه
واقول هدا من لقافتي ماحد قالي قولي لهم تامرون على شي ومايردكم الا لسانكم << تحسفت << والله امزززح
وامس وحنا جايين من القصيم وانا احلف على ابوي الا لازم تشتري لنا برسيم
وابوي يناظر فيني هديك النظره قلت الله يستر
قال وش تبين بالبرسيم
قلت يبه يقولون انه زين للبشره ويصلح نسوي منه خلطات لانه طبيعي ومافيه مواد كيميائيه << كدوب
وانا اقول بقلبي سامحني يبه كدبت عليك لاني وعدتهم ولازم اجيبه
وهو ياعمري وش دراه عن خلطاتنا وشرى لي برسيم وامس اول مره ادوق طعم النوم بدون برسيم
يالله اللي طلب البرسيم يجي ياخده من السياره شوفها عند الباب بسرعه لايشوفك ابوي
وان قال ابوي وينه بقول اني طحنته علشان الخلطه خخخخخخخخخخخ
واللي طلب الكراث وقف عند البقاله اخوي بيجيبه لك
طولت عليكم
دمتم بود,,
[/align]
رد مع اقتباس
والله يعافيتس جبتي لأبوخلوف هالبرسيم<<وده يضحك بس ماسك روحه
<<أبوخلوف ألا ياوجه هالوغد المطهر
المشاركة الأصلية كتبت بواسطة سناعيسو
المفضلات