وش عجوز لااتى من يخطبه...للولي يقدم لها ورع خطيب.؟؟؟؟

**صلفيق** · 13-09-2008 03:38

حياك الله أخوي الأعصار .........

مع اني أعد نفسي من الشيبان ... بس الظاهر لغزك للشيبان اللي أكبر مني !!

لكن أخبر لي شايب يتخطش هالثمانين ، أبفطر معه باكر وابنشده عن هاللغز .. ولتسان مهو مضيع وهو يبي يعلمن به .

لك كل تحيه واحترام يالعزوة

**((عبدالله بن غيث))** · 13-09-2008 20:08

[align=center]
عاد اليوم يابو ماجد نطلبك بأن توضح لنا اللغز وتشرحه للشباب
لأن اللغز مر عليه 3 ايام ولاحد جاب الحل ...!

أشكر لك تعاونك أخي الكريم
تحياتي للجميع
[/align]

**الاعصار** · 13-09-2008 22:01

انت تامر امر يالغالي
ابعرض لكم رد الشيخ مسكين وهو من الشعراء المهتمين بالالغاز
واللي يعرف مايقصده نقول صح لسانك

خــــذ جوابي ابتدي به واكتبه .... في سطور صخرت لجل الصعيب
العـجوز اللي مـــــهرها تطلبـه .... من صـغير لا قصر ماله نصيب
البعـيده يالربــــــع هي مــطلبه.... والقــــــريبه يتركه مــثل الغريب
حسبـت الايام لو هــــــي نكتبه .... في ذراعه حسبـــته عند اللبيب