السامري ياجماعة هيض أشجاني
السلام عليكم ورحمة الله وبركاته ..
يالربع هو صحيح حنا مرمضنين
أنا ولد ابوي تسيف يالربع ماأحسبن روحي هلون برمضان انحشر البارح جلست قدام واحد من العيال قلت يافلان أبيك تقرا عليك لك كم آية ابشوف انا أحترق ولا لا
شكيت بروحي اني جني ..
المهم اني أعتذر منكم على هالقطعة والله ماهي بيدي تخبرون غصبن عني الواحد لاصار ابو عائلة ووغدان وحريم وبيوت ومحلات بلشة <_ انزلع بس حدك بوفية هنود
هذا يالربع قبل كم من يوم يعني مبطي مبطيييييييييي وأنا أنقرد وأسولف وكنا جالسين بمقهى على ضواحي الثقبة الرايعه قلت يالربع ابمشي للشمال باتسر تبون شي ..تخبرون مسوي يعني حركات مستانس ابروح بالطيارة ويييييييييين من قدي
إلا قولت واحد غثيث والمشكلة حرام انقص علشانه ولا ذبحته مبطي
قال يوسف اصبر شوين ابطلع واجيك لاتروح ..
قلت بقلبي اللهابو هالراس كاني من عرفتك وانا من مصيبة لمصيبة
ماخذيت شوين الا هو داخلن والكشره من الأذن للأذن قال نكبتك
قلت وشو بعد كما هو كفالة بالمكافحة
قال لاابوي يبي يعطيك سيارة ولد عمي تروح به خلاه مبطي عندنا بالورشة وبلشنا نبي أحد يوديها وجابك الله ..
قلت بقلبي الله ياخذك وتموت موتتن شينه تقفل عليك غرفتك ويطلع من مكيفه دخان والباب يقفل بقدرة قادر وتنطرم وورجليك مايتحركن يما تموت
المهم وأروح للبيت خالتي ابنام عندهم منقهر أجر أذيال الهزيمة والدموع اربع اربع والسبلة تدرج وهذاك يسيل تقل شعيب
وابي اعاند روحي وأروح وأنام بالسطح بالرطوبة بالموت الحمر
وأحلم هكالحلم اللي مامر علي زيه بحياتي كله يالربع للحين اذا بغيت انام ادعي ان الله يعيده علي
وبنص الحلم الا جوالي يدق وكنت وقتها شاري المملكه على طلعته وحاط نغمة ياطارشي مستانس لعنبووووووووووو هيك بلد بس
الا هذا ابو الغثيث ينشق خشموه ويقولي وينك ياوليدي ترن اتحراك برا البيت ..
وأفتح ربع عين الا والله الشمس ماطلعت قلت ياابن الحلال يرحم أمن جابتك أطلع من حياتي انت وولدك احد يدق هالحزه حلالاة لو ولدك اللي داق بس كان شتمت ..
لحد يلومن يالربع غثووووووووووووووووووووووووووني فقعو مرارتي .
واروح للمجلس وانام بوسط المجلس من التعب طحت على وجهي ..
ولاقمت الا الساعه8 ونص الصبح واروح للشايب الغثه وآخذ السياره وأدق على الخطوط قلت استانسو ركبو جماعتكم اصلا منتم لاقين احد يبي يروح لرفحاء حيل حيل موتو قهر ههههههههههه
مالكم بالطويلة يوم اقبلت على ابو حدرية وهو يطفي المكيف والدرايش عيت تفتح ..
[ السيارة أكسنت موديل 98 وريحته تقل نايم بوسط هندي وبجنبك الثاني افغاني سنه ماتروش ] <_ معاناة بعز الصيف حتى الضب والله العظيم الله العالم انه يقول وش هالحر ولا يطلع من جحره
واسفط بالمحطة واروح ركض للمسجد واصلي لي ركعتين استخير
بغيت احرق به والله العظيم ههههههههههههههههههه
واشتري لي كيس ثلج وعصيرات باردة وكل مامشيت كيلو سطقت لي ثلجتين بوسط فانيلتي من الحر المووووووووووووووت ..
وهو يجيني النوم يوم أقبلت على النعيرية ماأمداني ياناس مووووووووو وقته النوم ورب الكعبة
واتعوذ من الشيطان واهيجن مسوي زي الشيبان ولااعرف شي بس بطرق هالصوت
مالكم بالحلف وقصمن قصمات اني وعيت بوجهي لي تريله واقفه وامشي 60 طلعت غافي ولادريت بروحي
بريك وانزل عن الخط ويالله توقف المروحة وانزل يالربع وانا أقوم ألعب سامري لحالي وكل من مر هدا وحب يديه ومشا يحسبوني سفيه
وعلى هالحال كل مامشيت لي عشرين كيلو وقفت وقمت اعرض لحالي وسامري وخبيتيات
ولا وصلت الحفر الا الساعة 7 ونص وادق على ولد خالتي قلت فلان بدون سلام ولاكلام ابيك تحطلي فراش بس مابي شي غيره لو تحطه بالحوش ابناااااااااااام يابعد حيي وميتي ...
عاد بوه عرق هياط الله يهديه ماهو طالعن لي أطرد ضيفي
يوم وصلت الا الرجال مزينن الشاهي والقهوه ومتحيزم عند باب الشاعر يرحب ويهلي ..
وانزل وثوبي قالبن اصفر ويابس بس سروال تحت الثوب نزلت الملابس بغيت اموت
واسلم عليه تقول سكران اعوذ بالله وجهي قالبن اسود وعيوني من تحت سود تقل مسوي زي اللي بالافلام شي ماهو زين بوه ابر
واقلط واعيي اتقهوى قلت ابنام تكفى قال معصي مسوي لك عشاء وعازم الرجال
وانا اتفل بوجهه وهو يضحك ونتقاضب الشوش ولابي حيل اتضارب معه يدفن ويضحك وانا ماير خشتي الا الارض واقوم بي حيل للحين ....
المهم تعوذت من الشيطان وطرا علي ابوي وهو معصب قلت ياولد ماتسوى عليك تروح غلطة زمان
وهي تجتمع هاللي تقل مدري منين هم جايين واحد يالربع بس زقارته بفمه ولاتطفي ولايسولف ولاشي ويطالع للأرض مدري وش جاري عليه
المهم تصبرت وتصبرت يوم جت الساعة 9 ونص وهو يجيني المروح النوم .
وأنا اغفي وانا جالس ..
وانا اقمز على صيحت واحد بهم تخبرون الواحد لاصار غاط وانخرع شلون يقمز
وهم يراعون لي وساكتين مايدرون وش بلاي ... دريت اني جبت العيد قلت يالربع ماعليش تقل فيه شي دبىا على رقبتي الله العالم انه داب <_ مايبي يقول صرصور يضحكون عليه
دريوو اني ماش ويالله يقلط عشاه ولد خالتي وانا على الصحن مفتح نص عين
ولقمه بفمي ولقمه مايرده الا شدوقي مافيه تركيز
واشوا على ماقمنا وانا اروح ركض للمقلط ابنام ونمت ولاقمت الا باتسر المغرب
طولت عليكم يالربع العذر والسموحة بس تخبرون مبطي ماكتبت متحمس
توووووووووووووووووسدو إحترامي لعنبو غيركم بس
رد مع اقتباس
ـــــــــــــــ اشي بالله اعده بالحركه البطيئه 
المشاركة الأصلية كتبت بواسطة عبدالله الجعيثن
المفضلات