(1)الحلقة الضائعة في تاريخ نجد ، ومعركة الصريف ودور الامير راكان بن حثلين فيها

**لحن الوداع** · 20-09-2008 07:43

المطني،،،،،،،،،،،،،،،، اسمحلي انت!!!!
اما قولت وين الجربا مافزع لصيحة الشويهري!!!!!منين جاء الجيش؟؟؟
اما مافزعوا بالجوف!!!!هذي كثر منه يالغالي
كان على راسهم الشيخ فيصل بن فرحان الصفوق جد الشيخ /احمد المشعان الفيصل
اللي بالكويت حاليا،،،وتقدر تمره ببيته بمنطقة القرين وتساله.
الامر الاخير:
الموضوع عقيم وانا اؤيد اخوي خلف ابو عتيق،،،،ماله داعي النقاش.

**الأحمدي الحربي** · 20-09-2008 12:04

الاخ العزيز

الحقيقة انك ذكرتني باساليب بعض كبار السن يوم يناقشون السياسة اللي يقولون
(هاه بوش وش قال لمبارك وايران ملعونة الوالدين تراها مجوده في العراق وماهي مطلقته)

كل ماذكرته خيال او في احسن الحالات نظره ضيقة جدا لموضوع كبير

معركة الصريف وقعت عام 1901 وهي معركة سياسية بمعني الكلمة وشارك فيها 60 الف ابن رشيد معه اهل حايل واكثر من قبيلة وعدد جيشه 30 الف والصباح كذلك مع حضر الكويت وعدد اكبر من القبائل وقام بكل ذلك بتنسيق مع بريطانيا ومع عبدالرحمن الفيصل وقد انتهت بهزيمة ابن الصباح وبعدها تشجع ابن الرشيد على غزو الكويت وتدخلت بريطانيا وعندها ايضا تم الافصاح عن اتفاقية الحماية الموقعة عام 1899 بين بريطانيا والصباح

بس على فكره سردك شيق يشبه احاديث كبار السن والتي تظفي على المجالس اجواء رحبه تعتمد على الخيال والفصاحة والحبك القصصي

الواقع اعقد مما تتصور , انا معك انه جميل نسرح مثل كذا ونخترع بطل اسمه الغفل والواحد يصور قبيلته على انها هزمت عشرين قبيلة مره وحده لاننسى ان الادب وخصوصا فكرة السوبرمان قديمة وموجوده عند كل الامم والقصد منها التعويض عن الضعف البشري بمثل هذه القصص التي تقتلع الانسان من ضعفة ومحدودية قدراته خصوصا وان الانسان ضعيف تقتله الجراثيم والعقارب ويتالم من وخزة شوكة فيحاول الهروب من هذا الواقع بمثل هذه القصص

الادب له ادور مهمة في حياتنا وقصتك هذه تدخل في باب الادب لا ألتاريخ

ارجوا ان تتقبل نقدي بصدر رحب

**ر11عي اللقيه** · 20-09-2008 12:51

وشلون اخوي الحربي تبي تشكك بمعركة الصريف !! من هي القبايل الي تقول انه شاركت مع ابن رشيد !!

على العموم الباحثين وصفوها بانها اعظم واكبر معارك الجزيره العربيه في العصر القريب !! وكل الجيش من

شمر واهل حايل

**زاهي** · 20-09-2008 23:05

راع اللقية

يابعد عيني

شمر واهل حايل من تمايمه وصناع

هذا 100%

وبعضهم يقول شارك معهم بعض الشعلان كانوا عندهم ضيوف وعيا عليهم يشاركون ولكن اصروا على المشاركة
وبعضهم يقول ان فزعوا معه 100 فارس من الدواسر اوهو قحطان - حديهم -

وهذا اقرب للخطأ

ويوجد كتاب للشيخ ابن عقيل الظاهري الحربي ذكر به الصريف وبعض روايات ناس حضروه من ضمنهم عجمي كان مع المنهزمين مع ابن صباح يوم من الخرعة يهج ويخلي فرسه

اسمه .. اسمه .. اذا ماني واهم : وقفات في تاريخ نجد

او حول هالاسم

دمتم بود

**المطني** · 20-09-2008 23:43

لحن الوداع ...................اسمح لي انت

اما عن قولتك مين جاء الجيش ..... الجيش جاء من العراق لكن قاده هايس اخو سعدى ماهو الجربا ومعه 50 خيال او 45 حسب بعض الروايات وجيش الجربا ماهو بس هالعدد هذا يبلغ الآلاف. وكان قصدك ان الجربا هو اللي مشّى الجيش وليه ما قاده صفوق بنفسه . هايس ماهو قايد عند صفوق يرسله على كيفه رح تعال . صحيح الشيخ الجربا بس ما كل الناس تطيعه واكبر دليل معاند الثابت للجربان اكثر من مره .
الأمر الآخر : الجربان الى هالحين يقولون غلبنا هايس بفزعته للشويهري وذبحته لعقاب لونهم مرسلينه كان قالوا حنا اللي ارسلناه ما يقولون غلبنا متحسفين عليه الى هالحين .

اما جيت فيصل الفرحان يوم كون الجوف ... لو جاء ماهي خفيه جيته لكن ارجع واقول لك ما جاء من الجربان الرجل . ولو جاء كان درينا به مثل جيت ضاري اخو صلفه اللي اطنت نواف ابن شعلان على ابوه النوري . اما اني امره واسأله انا مانا بحاجة اني امره واسأله..السوالف نعرفه وسمعناه من عيال الرجال اللي حضروا الكون ولا ذكروا الجربا .

طبعا ً الكلام هذا ماهو انتقاص من الجربان ابدا ً هم شيوخ شمر ولا جدال في هذا واكن لهم كل ود واحترام
ولو ماحضروا الوقعات اللي ذكرت عندهم من البطولات والأبطال ما يكفيهم عن الجوف وغيره .

**منيف الوبيري** · 20-09-2008 23:52

والله انك مولي ياغفل الضيغم (( خبصت السالفة )) كله

والعلوم اللي تقوله ماله أصل بتاتا ..

حنا نبي نعرف هالبطل الغفيلي اللي انت تقوله نبي نفتخر به ,,

خلف الرويتع ,, زاهي ,, راعي اللقية ,, فواز الغسللان ,, وكل اللي ردو

مشكورين على الردود ..
وهو ماجاب ولا دليل واحد الله يصلحه !!

**الأحمدي الحربي** · 21-09-2008 15:22

اخواني الكرام مرتادي هذا المنتدي الرائع

في حيقية الامر الاحظ ان هناك خلط في تاريخ الجزيرة العربية الحديث
من الامثله على ذلك الخلط بين حكم ابن الرشيد وقبيلة شمر العربيه العريقه

فشمر قبيلة تسكن ديار تمتد لما يقارب الالف ميل ويزيد وهم باديه لهم معاش وحياة الباديه ومنهم من يسكن جنوب حايل ومنهم من يسكن مابين دير الزور والقامشلي خلال فترة حكم الرشيد القصيره( 92 سنه) مقارنه بتاريخ القبيلة
والامر ذاته يخص حرب وعتيبه وغيرها فمثلا لو سالت حربي من الحره او رابغ عن جهينه لما عرف عنها شيئا لكن لو تحدثت مع حربي يسكن الفقرة ووادي الحمض لحدثك الكثير عن اشعار جهينة ورجالاتها والاحداث التي سارت لها مع من يجاورها من حرب سلبا وايجابا

ارجو العودة الي كتاب الدكتورة مضاوي الرشيد ( السياسة في واحة عربيه) لمعرفة المزيد
ان حكم ابن الرشيد مرتبط بحايل وماحولها من باديه سوا كانو شمر او غيرهم ومرتبط بالحواظر النجديه الاخري وبالمدينة المنورة وايضا بالدولة العثمانية

يؤسفني احيانا ان اسمع بعض ابناء قحطان او عتيبه او مطير او غيرهم من القبائل يتحدثون عن نجد وكانها مسرح لهم يتحركون فيه كيفما شاو

اخواني الكرام امل ان يكون فهم التاريخ بعيدا عن المبالغات القبلية واذا لم نتخلص من جعل الشعر مصدرنا الوحيد في دراسة التاريخ فاننا حتما سنفهم تاريخنا بطريقة شاعرية وهذه ام المصائب

ثم ان هناك ديننا الذي هو عصمة امرنا وهويتنا العربية ومكتسباتنا الوطنية التي يجب ان نتجه نحو تعزيزها وان لا ننشغل بالتاريخ الملي بالفتن ونجعله مصدر اعتزاز لنا

بالله عليكم هل قتل الشمري للمزارع القصيمى او للعنزي او لغيره او قتل الحربي للمطيري او الجهني هل في ذلك مايدعو للفخر؟؟؟؟؟؟؟؟؟؟؟!!!!!!!!!!!!!! هل تعلمون ان الاتراك كان يفرحهم هذا لانه ساهم في ارضاخ الجزيرة العربية لهم وكانو يشعلون الفتن لتاديب هذا الطرف او ذاك ثم قام الانجليز بنفس الدور والان يقوم به الامريكان......................

اننا امة مهددة في دينها ولسانها امة يسيطر عليها التفكك والظلم وهدر الامكانيات البشريه والثروات الطبيعية اننا الان في اسفل السافلين
تدرون منهوم اللي حنا احسن منهم اظننا احسن من قبائل افريقيا التي مازالت تتقاتل يعني هم في احط منزلة وحنا ارفع منهم شوي وكلانا في ذيل الحضارة

اسف ان اقول هذا ولكنه والله نابع من محبتي للعرب ولجميع القبائل

**ر11عي اللقيه** · 21-09-2008 17:31

اخوي العزيز زاهي نعم الصناع او مايقال لهم الحجلان وهم حضر حايل سواء من شمر او الصناع شاركوا ولا

احد ينكر مشاركتهم اما التمايمه لااعتقد حتى وان شاركوا الصناع والتمايمه فهم باعداد قليله جدا واما

غالبية الجيش هم من شمر الصايح وعبده واما الشعلان مثل ماقلت هذه روايه خاطئه وكذلك الدواسر

الف الف شكر لك اخوي زاهي على التوضيح وبيض الله وجهك

**زاهي** · 21-09-2008 17:57

المشاركة الأصلية كتبت بواسطة الأحمدي الحربي

ارجو العودة الي كتاب الدكتورة مضاوي الرشيد ( السياسة في واحة عربيه) لمعرفة المزيد
ان حكم ابن الرشيد مرتبط بحايل وماحولها من باديه سوا كانو شمر او غيرهم ومرتبط بالحواظر النجديه الاخري وبالمدينة المنورة وايضا بالدولة العثمانية

اخافك في هذا يالغالي

حكم الرشيد امتد من نجران ليا طوارف الشام

يسولف لي احد شيباننا ، يقول : يوم صرت بسلاح الحدود ونقلوني لنجران

بوسط هالجبال

يقول وانا وخوي لي يامي مع بعض

قال لي حدا المرات : امش معي يم لنا واحد

يقول وحنا على الحدود بين نجران واليمن

وامشي انا واياه مسافه ليامار هالعشة

الا به شايب كبر القاع شكله متعدي المية او حوله

سلمنا عليه

ونشد خويي : منهو اللي معك

قال هذا فلان الشمري

قال : إيه ياولدي ، والله اني يوم انا جذع اني شايفن خدام ابن رشيد طالعينن من هالثنية ماخذينن زكاة بني يام

- هالثنية على الحدود وهم جاينن من وراه -

صح العصبية ماهي حلوة بل مذمومه شرعا وعقلا

لكن هذا لايجعلنا نحرف بالتاريخ او نقلل من اهميته

فهناك علماء اجلاء كابن جرير وابن كثير وغيرهم لهم تصانيف في التاريخ

دمتم بود

**لحن الوداع** · 22-09-2008 00:10

اخوي المطني
على عيني وراسي كلامك بس اسمح لي
انا اقصد منين جاء الجيش ؟؟؟؟قصدي انه من شمر اهل الجزيره ووقفاتهم بغض النظر من هوالقائد!!!لان بعض الاخوان نفو اي مساعده من قبل شمر هل الجزيره
الامر الاخر انا متاكد ان الجرباء ((فيصل الفرحان الصفوق))كان مع اهل الجوف وشارك بالمعركه وازيدك من الشعر بيت اصيب بهالمعركه.
وانا مستغرب شلون تستغني باراء الناس وقولتن ماسمعنا وانا!!!! اقول لك ان حفيد فيصل الجربا مجود!!! وهو عنده الكلمه الفصل.
وعل فكره فيه كتاب يؤيد كلامي ((تاريخ ال محمد الجربا))وفيه ذكر المؤلف في مستعرض حديثه مواقف الجربان ومن ضمنها معركة الجوف وذكرهم بالاسم. ((الكتاب في مكتبة العبيكان وهو جزئين))
عموما اذا ما اقتنعت بالكتاب ياليت تسال اهل الشان من الجربان كان حولك منم احد؟؟؟؟
وختاما انا اسحب نفسي من هالنقاش لانه على قوت اخوي ابو عتيق ماراح احد يقتنع براي الثاني.
وسلامتك يابن عمي ((والاختلاف بالري لايفسد في الود قضيه))وعزيز وغالي.