السلام عليكم ورحمة الله وبركاته
مبروك عليكم رمضان وعساكم من الصائيمين القائيمين
وشلونكم عساكم طيبين
الليلة مشتهي أكتب موضوع بس والله مادري وش اكتب
(الوكاد كاتب كاتب لو أعصد لكم عصيدة
)
وابي احط ايقونات لو اني مادانيهن
تصدقون طرن علي سالفتين تبون ايهن؟
خلاص ابي اقول لكم سالفة ولو انه تفشل بس مادام ابو فسحة جابة مطمة
وفضح نفسه يوم يطيح احرامه وماخاف من الشماتة ابي اقوله
( ادري تقولون اخلص علينا بس ماعلي منكم ابي امطمطه على كيفي)
خلاص خلاص لاحد يروح (اعوذ بالله ياضيق صدوركم)<<<جايزتن لي هذي
هذا سلمكم الله بليلة غبرا يوم كملت الفييييييين مشاركة كنت مستانس ومتشقق
واقول الحين يبون يسون لي اهداء عند شاموه ويعطوني
وسام حق الفين مشاركة واسير مثل عشيري أبوعارف
الوكاد وانا اتكشخ واحلق واشتري شماغ جديد وكنادر(الله يعزكم)
جديدة بعد
وانا ارتز بمضيف الإهدائات
واتحرى واتحرى واتحرى
ولي بس ماش
(ماحدن سأل عني ولا قال وشفيك~وماحدن درى عن علتي وش جرالي)
قلت يخلف الله على الاهداء لكن الوسام وينهو؟؟؟؟؟؟؟
قلت يمكن لازم اتم الفين مشاركة و مشاركة (على وزن الف ليلة و ليلة)
وانا امسك اول موضوع طاحت عليه عيني بشريط آخر المواضيع وارد
عليه بكل ادب واحترام وانواع النفاق وتخبرون هالرد مهو بسيط بالنسبة لي هذا اللي يبي يعطيني الوسام
وانا اضغط اعتمد الرد واحس ان فيه ناس تصفق وابوسلطان
يبتسم لي ويسلمن الوسام وانتظر وانتظر يوالله ماش واسوي تحديث ونفس الشي وانا انصدم
ويجيني هبوط عاطفي اتجاه المضايف وابغضت الفلة
قلت خلن اتزيعل يمكن يحسون
وانا ازعل لي اسبوع الا ماش ماحدن درى بي
قلت هين والله مايروح الوسام هدر وآخذه يعني آخذه لكن خلن اثقل شوي لايقولون وش هالمطفوق
وانا اثقل واثقل واثقل واثقل واثقل واثقل يما بغيت اهد القاع
ووصلن مشاركاتي الفين وميتين!!! قلت لا الوضع ماينسكت
عليه وانا اروح لمضيف الشكاوي واقرا فوق الا مكتوب
لايستطيع مشاهدة الموضوع الا كاتب الموضوع والجهاز الاداري فقط
قلت بس الحين اكتب لي شكوى واستعطاف ويقراه ابوسلطان ومايقصر ولامن شاف ولامن درى
وانا اكتبلي موضوع عبارة عن استعطاف مدموج بالترجي
والشحذة ومرشوش بالدموع وقلت ماعقب هذا شي وان لقحت ولا ماضرة الجمل وماحد
داري الا كم واحد من الكبارية ومهم متشمتين بي
واقعد انتظر الرد والاعتذار وفجأة صارت مصيبة
كارثة جاني اول رد تدرون منهو؟
!
!
!
!
!
!
!
!
بعد تعالوا شوي
!
!
!
!
!
!
!
انه سيد الشماتة الأول ريال بن فسحة الفسحولي
تدرون وشو رده علي؟؟؟؟ يقول (أبوطروق وشرايك نحذفلك
ثلاثمية مشاركة وتفكنا من هالشحذة) وكاتب بعدة أول واحد
ياولد عدل بدل لايكون كاتبن موضوعي بالفلة واتأكد الا والله مضبوط
شوي الا هذا يوسف والله حق ماقال شي بس قال خخخخخخخخخخخ ومشى
شوي الا ياحبيبببببببي هذا حمودالناصر الله لاينصر العدو
شوي الا هذا أبوماجد ومعه شام (الظاهر كانوا يتخانقون
وقالوا نخلي الخناق ونروح نتشمت) لاوالله الا كملت
اتري حتى المشرفين يعتبرون من الجهاز الاداري ويقدرون يقرون موضوعي ويردون علي!!! واخزياه
وهم يفلونة علي (ضحك وتنكيت وشماتة) بدون احساس بمشاعري واحاسيسي الجياشة
الوكاد انواع التمصخر وانا ساكت وموكل امري لله وقلت ياولد
مالك مقعاد بالمضايف هذولا الحين يفضحون بي ومهو بعيدة يوسف
يكتب موضوع عن هالسالفة وشام تكتب عني مقال
وقبل ان اخرج بلحظة وقبل ان اضغط الضغطة الاخيرة لي في مضايف شمر
وهي تجي طيرة شلوى ام طلال وهي تكرشهم وتخانقهم يهاللي ماتستحون
ولاتنتخون يهاللي ماتخافون الله وهم يستحون ويسكتون(بس ماراحوا لأني اسمع ابوناصر غاصن بله ضحكة)
شوي الا هذا ذيبان ابوسلطان وعيونه حمر ومنططهن وهو يهج ابوفسحة وابو
ماجد قال: انا مالي شغل ويوسف قال: شفت سناعيس بهذا وجيت اطرده و
شام قالت: انا شمس المضايف وهلا صار وئت اكون هيني وابوناصر قال: يابوسلطان خل روحك رياضية
قال ابوسلطان يالله لاشوف واحدن هنا كلن يروح لمضيفه واعتبروا معكم كل واحد مخالفتين
وانت يابوطروق ابشر بالوسام وزودن عليه ابي احطك مشرف عليهم عشان يتأدبون
قلت: لاوالله يابوسلطان انا طالبك طلبة انا مابي غير وسامي وهم الله يسامحهم لاتعطيهم مخالفات
قال: يابوطرروووق
وانا اقط عليه عقالي وقلت: تكفى يابوسلطان سامحهم انا طالبك تقول تم
قال: تــــــــــــــــــــــــم
وتمت
:
ـــــــــــــــــــــــــ
العذر والسموحة ان طولت عليكم او غثيتكم (او كلهن)
:
رد مع اقتباس
)>أحسب إنه مايشمت بغيري أثريه حتى أبا طروق
يتشمت به هالهيس هزلت هـــزلت
المفضلات