السلام عليكم ورحمة الله وبركاته ..
الله لايمسيكم إلا بكل خير ..لعنبو حيك بغيت اوكل البارح تسيف الطق والرزفه بالغرفة اللي جنبي والله وأتل الجوال وأشغل القرآن غديهم ينحاشون سبع أبوهم
المهم البارح اخخخخخخس يوم مر علي بعمري كله ولحد يقول ليه تكره الرياض اسئلو ريال عنه
بداية المعاناة يوم الأربعاء الساعة 9.30 مساء جينا نبي نطلع من الدوام وهو يصوت لنا المدرب حق قسمنا حجازي ..
قال بكرا تجون الصباح فيه برنامج بدربكم عليه .
قلت الزبدة فيها دراهم فيه اوفر تايم ..قال لا ياابني هذا الشي لك أنت مو لي .
قلت أجل انا ماني جاي قال عليك إنذار وخصم
المهم وكلت أمري لله ورحت للشقة أجر أذيال الهزيمة وأنا بالطريق جاني أتصال من أخوي الكبير يقولي متى تجي <_ يبي يملك ويبني أحضر
وهي تتكن العبره قلت ياخيي ماهقوتي اني ابجي الفيزة ماطلعت للحين
حسيت اني بنقالي مغترب .
مالك عاد بالسوالف العائليه
ورحت الخميس وطلعت ورحت ركض لمكتب حجز الطيران ابي اروح للشرقيه
ولا لقيت حجز وندبر واسطه يبي يدخلوني مكان واحد غصب
وشكل الولد يحبه الله علق السستم
وأرجع للشقة المغيرب ولحالي بين اربع وعشرين جدار وكل جدار لحسته وطقيت راسي من الطفش
المهم وهو يطري علي البنقالي اللي ينظف الشقة وأدق عليه وأعزمه تخبرون الطفش شين وأبي أي بشر يكلمني
وهو يجي ونتقهوى وسوالف وعلوم يسولف لي عن ربعهم البنقاليه طلعو أجواد قلت تزوجوني
قال لا أنت منت من الفلان قبيلتن شي بنقاليه
المهم وهو يقولي يوسف ابي ماء رح وأروح تخبرون ضيف
يوم وصلت للبرداه وهو يطري علي انه امير البنقالي
وانكس له قلت قم اللهابو ابو متربعن بهذا عطيتك وجه قم قامت عليك
قوية صح خش جو المروح انه ضيف وطيح الميانة
المهم وحنا منسدحين قدام التلفزيون نتابع فلم أكشن وهو ينقش وأنا اراعي لذبانة تحوم فوقنا وأسوي نفسي نيم علشان تجي وأصيده
الا صوت الضرب ( تخبرون لاصار واحد بالغرفة اللي جنبك ويضرب الجدار يطلع صوت ) زيه بالضبط اسمعه
شوي الا الشتام ولعنت الخير
دريت انهم جيراني المنسمين
كل يوم يتضاربون صعايده يالربع وابن امه وابوه يفرق هههههههههههههههههههههههههههه
وهو يطري علي واحد من العيال نذل قلت بتسلف لعانته وآخذ جوال أمير البنقالي
وأدق على المكافحة والدوريات وكل قطاع امني له رقم مجاني وأبلغ هههههههههههههههه
وأقول لأمير انحش لاتوقف الا بالحي اللي جنبنا وقفل جوالك لاتفتحه
وهو يروح له ركض رجليه وهو يركض من السرعة ياصلن لعلابية
وروح أجلس عند البقالة واكل لوزين وعصير بردغان أنتظر العالم تجي
ماخذيت لي ربع ساعة إلا أمة لاإله إلا الله متجمعه قدام عمارتنا
وهو يطيح من يدي الجوال يوم راعو لي العسكر ذليت
ماخذيت عشر دقايق الا الصعاديه م***شين وكل واحد بدورية ههههههههههههههههههههه
يالربع تهقون انا غلطان
وهذي صورة رفيق دربي وصقيقي أمير شيخ شيوخ قبلية جوردا البنقالية
توسدو إحترامي
رد مع اقتباس
المشاركة الأصلية كتبت بواسطة حمود الناصر
المفضلات