[align=center]
للحين مره بتسبدي
يالربع هالادمي اللي اسمه شنقل
كل يومن والثاني وهو منزلن موضوع عني
ويتصل علي وتكفا والله ما اعوده ويحط سعابيل على رقبتوه
وانا من زين الطبع اسكت عنوه
عاد هالمره ابعلم بسالفه وحده من مية سالفه عنوه
بس علشان يعقل
وهالسالفه صحييييييييييح مهي تسذ مثل سوالفه
>> الله من الصدز المكوم
مرتن يالربع وعلى ما يشهد يوسف
>> يا تسذبت سند
كان بي طرف صخونه
وجاني يوسف يأدب واجب العزاء
قصدي واجب السؤال عن الاخ
وبينام ( يالربع ابي اتفلسف واكتب بينما وطلعت هاللون وحلفت اني ما امسحه )
عاد قمنا نسولف انا ويوسف
يوم خذينا شوين
ليمار القرشه عند الباب
قلت يوسف بالله شف منهو مقدر اقوم
قال هذا شنقل بينتن رقبتوه ما يحتاج اقوم
يوم دخل علينا
ليمار معوه جراكل وبهن ماء
قلت وش هاللي انت جايب
يالربع وهو يقوم يراعيلي بعينن حاره
قال انا اعرف وش علتك هين ثواني
وانا اتجود بيوسف
قلت تكفى لا تخليني يبي يذبحن هالمجرم
قال اقول اجدع هدومك
قلت يابن الحلال استر علي تكفى
قال اقول اجدعهن
وانا انزل الملابس بس مهو كلهن
قال اقول لك نزل ملابسك كلهن ( يرفع صوته علي )
وانا اقوم ابتسي
قال يوسف يابن الحلال خلاص خلوه ( يابعد زولي انغث من منظر دموعي )
وهو يقوم يرشقن بالماء
وهو يمسك رجلي ويجرن ويطلعن بالحوش
ويقوم يروشن بالماء
قال خلااااااااااااص علمك بالشر
مابك العود
قلت وين مابي شي وانا اتصكصك من البرد
قال ايه هذولا يبون يطلعون
دورني عقبه
من صيد امس
وهذي مرتن من المراريت بعد
كنت جالسن بالاستراحه لحالي
ولا عندي احد
وهو يدخل علي تقل طير ماء
لابسن رياضه
وهو يجلس بجنبي وانا شغال على اللاب تب
قال صب لي شاي
قلت اندزلع هذاااااااااك البريدز صب لروحك
وهو يروح
مافطنت الا القرشه
قرقش قرقش قرقش
يوم راعيت لخويي ليمار متكومن على المعاميل
ياعلك تخفا
الحظيظ اللي ما شافك
وانا اقمز
ياولد وش بلاك
وهو حاطن يدوه على صدروه ويقوم قلبي
وانا اجروه واطلعوه من الاستراحه
قلت اول احسبك مسيرن علي
اثريك جاين بس تبي تموت عندي
مت برا تسانك صادز
يوم سكرت الباب
قلت ياولد الحين بصماتي عليه واكيد يبون يكفشوني
مار خلن احاول انتعوه او اسوي لوه اشتراك غديه يسلم
وانا افتح الباب وامسك رجلوه واجروه داخل
واجيب غسول الكاسات
واكبوه على وجهوه
وهو يشهق هكا الشهقه اللي تخرع
يوم راعيت لخويي ليمار كااااااااااشر
ااااااااااااه فضخ قلبي حسبي على العدو
وتقلدوا تحيتي
[/align]
رد مع اقتباس
تسيف بغا يفصخك ملعون الخشم
ألابالله سويت له إشتراك وألا لا:023b:
المفضلات