لـي جـرح ،،،، لشاعري الرائع ( عطاالله فرحان )
الجرح يكبر معي والناس مشغوله
واللي ابيهم مشوا واحد ورى الثاني
الليله يا طولها والدرب يا طوله
واللي ورايا احس انــه تعداني
الوقت لا من تغير هذي فعوله
اما لعب لعبته والا تحداني
أبواب مقفله ودروب مجهوله
وإذا تبي كل حاجه لازم تعاني
كلام بقوله لكن ما اقدر اقوله
أشياء في خاطري توقف على لساني
غلطه ومن صاحبي وأقول مقبوله
مرات علشانه ومره علشاني
والمشكله لو تطول شوي محلوله
عشان ما يشمت القاصي ولا الداني
تكفون وانتم إليا جيتوه قولوله
اني اعزه كثر معزة اخواني
معقولة ينساني لا ماهي بمعقوله
حتى الشعر وقتها ما راح ينساني
فلة حجاجه وقصيد وصوله وجوله
يعني متى ما تذكر شي يلقاني
ما شلت هم الشكوك الدايره حوله
والا الخوي لامن تردى قلت يفداني
مرات احس إني حاكم تنقصه دوله
ومرات مدري من اللي ينقص الثاني
عطالله فرحان
عطاالله فرحان
عطاالله فرحان
تقبلوا تحياتي / شامــ Shaman ـــاان
رد مع اقتباس
المشاركة الأصلية كتبت بواسطة كحل المحاجر
المفضلات