[align=center]
الله يمسيكم بالخير والرضا
شلون خشومكم
وبطونكم
ياواااايلي يابطن بعض العيال تقل طابعتن عليه اذن حاشي
المهم
والله يالربع اني ابسكت ليما يجي رمضان وعجزت
مشكلتي مقدر امسك لساني
والسالفه اللي تجي خلااااص تنزل هنا
ومن هالحين العذر من الله ثم منكم على هالثرثره
المهم
بسنتن من السنون الماضيه
كنت اتمشى انا وصديقن لي الله يذكره بالخير ومن يقراء
وهالصديق هو الشاعر ناجي الطرقي
له مني كل التقدير والاحترام
الوكاد نتمشى على سيارة خويي ناجي
وفي خضم خضم خضم خضم
يازينه خضم
توي متعلمن له
الوكاد وفي هالتمشيه وحنا خاشين جو وسوالف وتسذب على بعض
لفت انتباهنا شله سرابيت يمشون ورا بنات ومعن ولد صغير
ويتحرشون فيهن
قلت لخويي ناجي
وقف واللي يرحم والديك
قال وش تبي تسوي
قلت ابتفاهم مع هالسرابيت
قال يا ابن الناس هذولا شله وحنا اثنين
قلت ما عليك
هم اكيد اذا شافوني جايهم اركض ومعي حديده ولا عجرا يبون يهربون
يحسوني محرم لالبنات
عاد البنات اكيد يبن يموتن بي ويجني ركض ويخمني وقلن لي ايه الفارس الهمااااام
يا مغوااااار
قال خويي ناجي
والله منت بسيط يا شبيثان
وهو ياقف
وانا اسحبلي حديده وانزل عليهم واركض عليه
واركض
واركض
ولي ركض
وافكر واقول لروحي اكيد هالحين واصلين لهم ديره
يوم راعيت ليمار واقفين بمكانهم
وانا اهدي السرعه غديهم يشاورون انفسهم ويهربون
بس ماااااش
بهالحتسي وصلتهم
وانا اقف قدامهم
قالوا خير وش تبي جاين طاير تسنك تبي تسوي شي
وانا التفت وراي
ليمار البنات واقفاتن يبن يشوفن وش اسوي
واراعيلهم ليمار بينن الشر بعيونهم
وانا امغط اولهم بالحديده كل قوتي
واخذ الحديده واقطه كل قوتي جهت خويي
( اخاف ياخذونه ويمدوني به قلت خلن اقلعه الضربه بي بي ) >> ذهين الولد
وهم يمسكوني
ويشيلوني فووووووق
يالربع تسيف ضاق نفسي
اثريهم صادزين
كل ما ارتفعت عن سطح البحر قل الاكسجين
وهم يمحطون بي
ويشيلوني فوووووق مره ثانيه
وانا اراعي للبنات ( طبعا من فوق )
ليمار يمشن مقفيات واخرهن تراعيلي وبين تقول عزي للي يرجيك
وهم يصفقون بي ارضا
ويشيلوني مره ثالثه ( الثالثه ثابته )
وانا اراعي لخويي من فوق ليمار ما طالعن الا رجلينوه مع باب السياره
الله حق خفت عليه مدري شفيه بسم الله عليه
بس تخبرون مشغول ماني يموه
وهم يلصقوني للقاع من قو الصفقه
وهم يرثعون بي هكا الرثيعه
وهم يدقوني دق
الله لا يوريكم
يوم خلوني
وانا اخذ لي ربع ساعه متمدد
وانا اقوم ازحف يم السياره مقدر اقوم من المردغ
يوم جيت خوي قلت نااااااجي
وهو يصح من الضحك
اثريه متمدد من الضحك حسبي الله على عوده
وبصراحه استفدت شي من هالمردغ
( اللي مهو لله يضيع )
وتقلدوا تحيتي
[/align]
رد مع اقتباس
( بعضهم مو كلهم 
) 
نا فقدتك هالأيام هاذي يخي وين رحت لا بالماسنجر ولا بهاذا 
المفضلات