ص: 182
وقعة الهليطه
من بن رشيد عامدٍ بها ال سفران وما بينه وبينهم صلح ، والصلح بينه وبين راكان وال سفران ذاك الزمان قد ظهروا من صلح ال حثلين بعد الذي حصل بينهم ، وجاك بن رشيد بغزيه وابن رشيد ما يهزم ولا بعد فشل في أي غاره على جميع القبائل وهم في زبار ام العقارب من فوق الهلايط رجال ال سفران ومن معهم من العجمان وكان به رشيدي مع العجمان من الرشايدة صقار راعي طيور يقال له عبيد الهظرط ورايح يدور له طير وحش مذكور له في ذبابات غرب من العرب اللي شمال وممرح ولا خذ الا رجدة الدنيا والعرب يدقون الارض ويجلد ويوم فقدهم ويجيء ال سفران قال يا منصور البارحة سمعت ومر على ليل وقالوا بعض الناس هذا متحلم وجن ، ولا ذا طاحوس الصالحي راعي ابل آل ذروة ولا هو جاي مجلس واحد من آل صالح قال يا شوان عادكم بتعطونا من ذا الاقط اللي ما عاد تدرون وين تحطونه قالوا يا طاحوس فيها ريح ذيب والعرب ذالين من بن رشيد اليوم وقال هذا طلب بسيط وملوا شليله ولا خذوا الا صوت البندق قال طاحوس يا ال صالح هذا اقطكم وانا سالمٍ باللي في وجهي غار عليهم ليذا راشد بن مشلح اخ كمعان اكبر منه اعور ما بعد ركب جواجي الخيل بافرس منه في زمانه لا محمد الطويل ولا حزام ولا زيد ولا عبيد ، الصبيح ما يلحقها الزرق وكمعان على حصين اهيلب واخيه يقول اذلف يا كمعان العرب هجوا وهو قام يعرنهن كنه يردد لهن ورمحه ادرع ويطعن ولا بغوه برزته ولا اسندوا منه تكاسر هو وياهم قال كمعان والله ما خذيت الا يوم طاح غز عليه واحد يقاله نويديس ( وانا خابر واحد من التمايطه اسمه نويديس والله ما ادري هو من التمايطة او من غيرهم ) قال يوم اطرحه واخلا ظهره قال وانا صوت لها وهي تعرفني احلبلها من الابل ، الصبيح الصبيح ولا هي معطيتني راسها ويوم جاتني فلوح عليها واهمل الحصان ولا العرب هاجين ويحمي الهجيج الايسر الهجيج اللي راح مع الريع اللي شمال الهلايط ويقلع ذاك اليوم سبع ، سمعوا الصباح اهل الوادي ويركبون يوم جاو ليذا البيرق ولا والله العرب كساير والبيرق متقلط صوب العيينه قال فلاح يا يبه ذا ابن رشيد 000000سوال ياخوان منهو الفارس نويديس الى سو فعل ماحد سوه يوم الهلايط
رد مع اقتباس
المشاركة الأصلية كتبت بواسطة باجي
المفضلات