((أجــــــــ(( قصيدة))ـــــــمل))

**((عبدالله بن غيث))** · 17-08-2008 10:44

السلام عليكم جميعاً ....!

أسعد الله صباحكم / مسائكم , بخير .....!

أحببت أن أطرح هذا الموضوع للجميع , لكل من أراد أن يطرح قصيدة هنا ...!
ولكن .......!
ليست أي قصيدة , وأنما القصيدة التي مرت عليك إلى الآن وهي مرسوخة بذهنك ....!
أجمل قصيدة سمعتها , قرئتها ....!
لاخلاف في ان تكون صوتية أو قروئة أو مرئية...!

مع ذكر أسم شاعرها للحقوق الأدبية ....!

بدايةً أنا من سيطرح لكم هذه القصيدة للمبدع ((خليل الشبرمي))
أتمنى تعجبكم وتحوز على رضاكم

((أترككم مع القصيدة))

[poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/77.gif" border="solid,4," type=2 line=0 align=center use=ex num="0,black""]
أتركيني ياعزيزة للشتات=والعنا والبعد والليل الطويل
ريحيني من غموض المفردات=وكبرياء الكذب والعذر الهزيل
حاصريني صمت من كل الجهات=واذبحيني بوح في نبرت عليل
واسألي غدر اليدين الناعمات=عن ثلاث طعون في صدر القتيل
وافرحي لاقيل فارقت الحياة=وزغردي لاشيعوا جثت خليل
وكل شيء بيننا يابنت مات=ولابقى بعد الرحيل الا الرحيل
وانتهت رحلت ثمان الطايرات=وابتدت قصة لقانا المستحيل
كنتي أجمل من رأيت من البنات=مالك بعيني مثيل ولابديل
وصرتي أشنع جرح وأبشع ذكريات=للأنانية ونكران الجميل
ولاتبقى من غلاك الا الرفات=ولاتلاشى من عناي الا القليل
ودعيني يوم فقت من السبات=ولا تعديني سوا عابر سبيل
أقترف في حق نفسه سيئات=ولايكفرها سوا البعد الطويل
[/poem]

[align=center]
تقبلوا تحياتي
((عبدالله بن غيث))

[/align]

**بنت الجبل آخت القصيد** · 18-08-2008 02:34

فكره رائعه اخي

ومن اجمل ماقرات

رغم العذاب ..ورغم تفريق الايام
رغم المسافه في خفوقي بقيتي
رغم الظروف اللي بها الوصل مادام
يبقى هوانا راسخ(ن) لو نسيتي
خلدت حبك في حياتي والاحلام
يومك لتحقيق المحبه مشيتي

مااعرف من قائل ابياتها ...

شكرا لك اخوي عبدالله

/
\
عطرالقصيد

**بنت الجبل آخت القصيد** · 18-08-2008 03:13

[poem=font="Arial,5,skyblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]

يا بوي يفداك الرخـوم الردييـن=اللي مشوْ يا بوي درب الضلالـه
مجردين مْن الحيا فالهـم شيـن=معاشرين إبليس هـاك الحثالـه
مدوّرين علوم وسـط الدواويـن=علاجهم يابـوي زجْـر ورزالـه
بنتك وأشرّف قاصييني والأدنيـن=قصايـدٍ تنقـال فعـل وجـزالـه
أعز ربعي في جميـع المياديـن=وأشوم عن درب الردا والخمالـه
ماهمّني هـرْج وتلفّـاق واشيـن=قلبي وهـذا يابـو خالـد منالـه
الشعر سوّابي سـواة المجانيـن=أصبح وأمسي عايشه في خيالـه
أدوّر الأفراح من ويـن لا ويـن=من عقب فقدان الأمل وارتحالـه
شوف المشاعر يابو خالد مساجين=والقلب ميّت يالغـلا ويـل حالـه
والروح تاهت ضايعه بالعناويـن=والهم قاسي صعب والله احتمالـه
يابوي لا يِزْعلك هرْج الْمْعاديـن=ما دام راسي حي والعـز شالـه
أرْخص لك الخفّاق والروح والعين=لابو طريق الشعر لابـو مجالـه
تكرم وأكرم عن جميـع الردييـن=اللي مشوا يابوي درب الضلالـه

[/poem]

**بنت الجبل آخت القصيد** · 18-08-2008 08:03

معنى الحياة بعينها صحوة الموت
شهود صلوا والمملك دفنها
وكوشة فرحها حولوها لتابوت
واكليلها الأبيض بقايا كفنها
تبريكهم أصبح عزا يجرح الصوت
صرخة ويبابه تشابه لحنها
غصبٍ عليها تقبل الوضع بسكوت
مهره وعادات البداوه رسنها
أغضت وصدت وانطلق صوت مكبوت
لابو تقاليد الحياة وسننها
وراحت معاه بقلبها حرف منحوت
يبقى معاها لين يطوى بدنها
وراحت وبركان القهر لاتها لوت
تبي تصيح وفيه خوفٍ سكنها
راحت وصدى كلماتها زلزل بيوت
لابو تقاليد الحياة وسننها

لـــ عابرة سبيل

**((عبدالله بن غيث))** · 18-08-2008 10:02

مشالله ياعطرنا .....!

ذوق قمه كالعادة , الشاعره عابرة سبيل خير ممثل للعنصر النسائي في الساحة النبطية ....!

بارك الله فيك اختي الكريمة ...!

**همس القصيد** · 18-08-2008 16:20

بـــغيأإبك يأإحبيبي دنيتي ظلأإم

فقدت حنأإنك وحبـك وأإلغرأإم

أإذرف دموعـي كل يوم قبل اأإلمنأإم

حتى دمعي مل منـي ويقولي تكفى حرأإم

ويـن همسك وين ظحكتك وأإلهيأإم

وين بسمتك وكلمـة أإحبك قبل المنأإم

أإنا من دونك قلت على الدنيأإ السلأإم

بأإختصار أإنا من غير حسك عفت اإلمناأإم

ودمتم بود

كلماااااتي ع السريع

**((عبدالله بن غيث))** · 19-08-2008 12:57

الهمس دام نبض قلبك ....!

ذوقك رفيع لاهنتي....!

تحياتي لك

**((عبدالله بن غيث))** · 19-08-2008 14:06

قصيدة للشاعر الأمير / محمد السديري أحفظها من أيام صغري....!

[poem=font=",6,white,normal,normal" bkcolor="black" bkimage="" border="outset,4,silver" type=2 line=0 align=center use=ex num="0,black""]
قالوا علامك باكياً قلت مطعون=شوفوا نزيف الدم مني تتالا
قالوا من اللي صوبك قلت عافون=قالوا عدوك قلت ياناس لا لا
هذا الحبيب اللي له القلب مرهون=هذا حياة الروح بدر الكمالا
ياعذلين القلب لا لا تعذلون=وحياة رب فوق عرشه تعالا
أني فالنسى واحداً فيه مفتون=بيني وبينه نازح البعد حالا
فتان صاب القلب كون بثر كون=مزيون أخذ كل البها والجمالا
كنه أليا حرك قوامه على هون=غصن ليا هب الهواء فيه مالا
قلبي لقلبه لو تنحيت مرهون=غيره حرام ونور عيني حلالا
[/poem]

تقلدوا تحياتي

**((عبدالله بن غيث))** · 23-08-2008 09:03

ودنـا بالطيـب بـس الدهـر جـحـاد طـيـب

====كل ما تخلـص مـع النـاس كنـك تغشهـا

يـدك لامـدت وفـاء لاتحـرى وش تجيـب

====كـان جاتـك سالمـه حـب يــدك وخشـهـا

كـل ماشبيـت نــار المحـبـه مــع حبـيـب

====قــام يسـحـل فــي مشاهيبـهـا ويرشـهـا

وكل ما واجهت لك فالزمن وجه غريب

====مثـل مـاقـال المـثـل دام تمـشـي مشـهـا

وذمـةٍ ماهيـب تـنـدار للـحـق المصـيـب

====جعـل قشـاش الحطـب لاسـرح يقتشـهـا

الشاعر :سعد بن جدلان الأكــلبيي

**al-shmaly** · 24-08-2008 14:04

الله يعطيك العافيه

مشرفنا وشاعرنا كحل المحاجر

وموضوع راقي ومميز تستحق الشكر الجزيل

وابصراحه بشارك بهالابيات وان شاء الله تحوز اعجابكم

بس ياليت تسمحولي ماعرف قائلها وصح الله السانه

\

/

\

بنت الرجال تشوم عن درب الانـذال
وتبعـد جنابـه عـن دروب الرديـه

ماهي فـي درب العشاشيـق تختـال
ولاهو طموحه يـوم تصبـح خويـه

ولاهي بتشرى بشحن هاتف وجـوال
ولا لا ولاتشـرى بعطـر وهـديـه

ولاهي من اللي كل يوم(ن) لها حـال
وعنده من الاصحاب عشـره وميـه

اليوم مـع هـذا بـلا شـك وجـدال
وبكـرى مـع هـذاك تعقـد يـديـه

هذاك ترسل له من الحـب مرسـال
وغيـره معاهـا بالمسنجـر سريـه

تضحـك عليهـم واتغنـج وتحتـال
وهم ياحرام يجـون باجـزل عطيـه

أحد(ن) تبي منـه أسـوار وسلسـال
وأحد(ن)فواتـيـره يـسـدد هـديـه

وأحد(ن) لها يحول ألوف(ن) من المال
وتضحك وهـي تقـول دينـك عليـه

وش ينفعـه لاقيـل بالأسـم رجـال
والبنت تلعـب فيـه صبـح وعشيـه

أنا اشهد انه لو لبس بشـت وعقـال
ماجملـه بشتـه بعـيـن اجـوديـه

ووش عاد لو هو مالك قصور واموال
واسمه مسجل شيـخ وسـط الهويـه

الشيخ مـن بيتـه للاجـواد مدهـال
ماهو بشيـخ فلـوس لارحـم حيـه

وبنت الرجال اللي تعزوى بها رجـال
عينه علـى الاشبـاه ماهـي شقيـه

مايشوق بعيونه سوى طيـب الخـال
اللـي يدينـه مـن عطاهـا نـديـه

عينه على الطيـب تناظـر وتختـال
ولـد الرجـال اللـي علومـه غنيـه

ولـو كـان مايملـك بيدينـه ريـال
ويـده مـن كنـوز الدراهـم خليـه

يكفي ألى من مـر ذكـره بالامثـال
والكـل قـال ونعـم ياحـي حـيـه

ألماسة(ن) ماكل مـن هامهـا طـال
وكل(ن) يبيهـا بـس ماهـي دنيـه

مصيونة(ن) عن قول حاسـد وعـذال
ومحشومة(ن) عن درب ذم وخطيـه

تخاف من هرج(ن) يجي فيه محتـال
حكيه شهد مدسوس فـي سـم حيـه

الطرف يغضي غصب لاشاف رجال
والعيـن مالـه بالنـظـر مقـدريـه

هي مهرة(ن) مايعسفـه كـود خيـال
ذيب(ن) سنافي عز من هـو خويـه

حر(ن) شلع مابين هامـات وجبـال
له نظرة(ن) تـرث بالاعمـاق كيـه

على النقى يصبح لهـا فـي وظـلال
قـدام كـل النـاس ماهـي خفـيـه

بوضح النهار بدون ريبـه ولا اقـوال
الصـح واضـح والخطيـه خطيـه

هذي هي اللي تنشرى بغالـي المـال
ويرخص لها الغالـي وتشـرى يديـه

وهذي تساوي بعزتـه ألـف رجـال
وش عاد لـو هـي بالمسمـى بنيـه

وهذيك ماتبغـى ولـو مهـره ريـال
ولااحد(ن) يبيها كود خبل(ن) دهيـه

سبحان من هو فرق الناس بااشكـال
وألوان وأفعـال(ن) وحسنـى وسيـه

ومثل مافيه رخوم بالنـاس ورجـال
أيضا بنـات النـاس ماهـن سويـه

\

/

\

وسلامتـــــــكم