صار الزير سالم يهجم ويغير اغارات على قوم جساس
وربعنا اهل الفله مجتمعين معه
وفي يومن من الايام جمع ابو طروق خوياه
وقال لهم
يالربع حنا ليه ما عمرنا غزينا مع الزير
والله فشيله خلونا نروح معه باتسر
وهم يجتمعون اهل الفله بقيادة ابو طروق
ويدخلون بمجلس الزير
وهو يقط ابو طروق عقالوه على الزير
الله وكيلكم
وهو ياخذ الزير العقال ويهجم عليهم
وانواع التمحيط
ويالله يخلصونهم منوه
قال ابو طروق ( وهو لوه نهيت ) يازير الفقر
هالحركه يعني تكفى طالبينك لا تردنا
حنا لنا طلب عندك وانت الله يعافيك مردغتنا
قال الزير
قل ما عندك ايه الغريب
قال ابو طروق مهي مشكله ابمشيه لك كلمة غريب
بس حنا نبي نروح نغزي معك باتسر ان يسر الله
وهو يضحك الزير
قال اتريدون ان تأخذوا بثأر كليب من جساس
قال شليويح
افاااا يازر زوري
هالحين كل هالجلسات اللي معك وتحسبنا من جنبه
قال الزير اذا ننطلق غداً
يوم جاء من باتسر
ومن الفجووور
ليمار الربع صافين بجنب بعض ويسوون تمارن اطاله وتمارين سويديه
ويدربهم شنقل
والبنات صافاتن بجنبهم ويلولشن ( يزغرتن ) وينخن
يوم طلعت الشمس وارتفعت
والزير تأخر
قال الضاري يابو طروق رح شف وشبلاه تأخر
قال ابو طروق كلنا نروح يموه ونشوف العلم وشو
يوم جوهم ليمار ربع الزير كلهم مجتمعين عندوه
والمسكين الزير صايبتوه حمى ومريض
قال شنقل
الشرهه على اللي يبي يفزعلوه
من هالحين قام يتدلع
قال ابو طروق ياخوي تلايص ما حنا ناقصين لا يفوع علينا امرؤ القيس ولا حديهم ويعجنا
رح يا المسافر انت وفتى البيداء لعجايب وهاتوا لنا عنزروت منه اخبره مجمعتن صرره
الشبث هو ومصيول طلعوا بدون ما يدري بهم احد
وركض يم ربع جساس
وهم يعلمونهم ان الزير مريض
وهم يجتمعون ربع جساس ويهجمون على ربع الزير
ويمسكون الزير ويطعنونه بسيف وسكين وكل شين ليما خلوه دمن حمر
والشبث ومصيول يضربونه بالنعول
وهو يسيطر جساس وجماعته على المكان
وهم يطردون الرجال
وهو يامر جساس رجالوه انهم يبنون خيام بطرف القبيله لحريم الزير
وهم يسوقونهن
ويسوقون معهن حريم الفله
عجايب قامت تهاوش على الشبث ومصيول
ياعلكم ما تربحون ياملين الموذي يالعفون يالخبول هين اوريكم
اهدااب وبالمختصر متقاضبات اليدين ويالله يمشن
ولهن بتسا نبي الفله
يامروح يالشبث انت ومصيول الخبيل والله نعلم عليكم ابو سلطااان
وسماا وريتاج كالعاده من كثر الخوف ومن هول الصدمه تصفرن
اما حمراء الموت من كثر الحراتيت اللي به جلست بمكانه قالت ماني متحركه
لو تموت يا جساس انت وخبولك وخبولنا اللي معك
وهو يجيه جساس قال ماذا تقولين ايته الابلهه
قالت انا ابلهه
وهي تنقز لياهي متجودتن بشوشته
ويسحبونه
ويجرونه وهي متجودتن بشوشته
ويالله يجيبون مقص ويقصون جذلتوه ويخلونه بيدوه
وخويانا الباقين جرالهم ما جرا لجماعة الزير
كل واحدن هايم بالبر على وجهوه
الا الثنين الخونه الشبث ومصيول متكين بجنب جساس
والزير المسكين خذتوه اختوه ضباع وبنت اخوه اليمامه وحطنوه على خشبه بالبحر
وراااح ولا يدرا وين راح
ومشت السنين وخوياتنا مع حريم الزير بالخيام
ولا يقدرن يولعن نار
ولا يجيهن رجال من جماعتهن
وحالتهن لا تسر لا صديق ولا عدو
وكل ليله يجتمعن ويسولفن
واذا جت الصلاة قامن يصلن ويدعن على جساس وجماعته
وقبلهم الشبث ومصيول المهبل
وبيومن من الايام جابت حمراء الموت كامرته وجمعت اليمامه وخوياته
قالت بالله ابي اصوركن علشان نحطهن توقيع بالمضايف
وكل هكا اليله تصوير
وشاف جساس الفلاش يبرق
وهو يروح يمهن هو وخوياه
يوم جوهن وليا خويتنا حمراء تطق من هالصور
ويوم قرب له وهي تمحطوه بالكامره بالدماغ ليا غاديتن الكامره عشرين كسره
وهو ينصفر جساس
والرجال يهجمون على حمراء
وخوياته يهجمن عليهم واللي بقدر
واللي بيد نجر
واللي تغول واحد بحبل
ويجتمعون عليهن الفرسان ويربطونهن
وتزيد معاناتهن
اما خويانا
فكان ابو طروق هو والضاري ومعهم فتى البيداء يمرون هالقبايل ويتعرفون عليهم
ويحاولون يعلمونهم ان فيه اسلام
وشليويح وشنقل والمسافر كل يومن متعزبين لهم عرب
وانواع التسذب
نوب يقولون تهاوشنا مع الزير وصرعناوه
ونوب يقولون حنا ناسن جايين من امريكا
ونوب يقولون معنا واسطه وجايين هنا ابتعاث
اما يوسف وريال فسحه وسناعيسو
فكانو قريبين من قبيلة جساس
ويحاولون يروحون يشوفون خيواتهم
بس مااااش الخوف معقدن رجلينهم ولا يعرفون يتصرفون
وبيومن من الايام
اجتمع يوسف وريال فسحه وسناعيسو
قال يوسف اسمعوني زين
هذولا القديمين ما يعرفون النقاب وملابس حريمنا
وش رايكم واحدن مننا يلبس لباس مره ويروح لخيواتنا يشوف علمهن
قال ريال تم
خلاص رح انت يا يوسف
قال يوسف معصي لو تنقز
لو تطير
انا اللي علي جبت لكم الفكره
واللي ينفذ حديكم
وهم يراعون لسناعيسو
ابو الشباب انصفر من الخرعه ويالله يرشرشونه بالماء ليما صحا
قال ريال خلاص انا اروح هذا ان راح جاب العيد ملعون الرقبه
ويلبس ابو فسحه
ويوم جاء الليل وهو يروح ويدخل خيام الحريم
وهو يقوم يصوت لخوياته
ويسمع ونين
يوم راعا
ليمار هذولي خيواته مكومينهن على بعض
واللي عينه زرقا من البقوس
واللي معضوضتن اذنه
واللي منتفين شوشته
وهو يفك رباطهن ويتطمن عليهن
قال ان شاء الله كل يوم اجيكن هنا
قولن لي وش تبن اجيب لكن
قالت عجايب
بالله مر اقرب بقاله وجب لنا اندومي ذبحنا الهلتس
قالت سماا ايه ابيك تجيب لي شاحن جوالي طفا
قالت بالمختصر دونك غشوتي اغسله والله من كثر ماهي معفنه انصفر اذا لبسته
قالت ريتاج جبلي فشفاش الحمر
واهدااب قالت ابيك تجيبلي كنكت ابسوي اتصال بالمضايف
وهو يراعي لحمراء الموت
قال وانتي وش تبين
قالت مابيلك شين ناسين مخالفاتك يالهيس
قال بكيفتس يالعوبا
وهو يطلع منهن ويروح يطمن خوياه عليهن
وماندري وش بيصير بالجزء الرابع
يسلمون خويانا ؟
يموت احد ؟
يكون الجزء الاخير ؟
ماندري
اسف للاطاله
وتقلدوا تحيتي
رد مع اقتباس
المفضلات