[poem=font=",6,burlywood,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
طاب ليلي وانت يافكري تولّم = اعطني شعرٍ يشابهني فخامه
خصص الموضوع والااقول عمم = والادب لوقل ماقل احترامه
تونا نقرا ونسعى ونتعلم = نسرج خيول الامل طيب وشهامه
لويهد الوقت حيلي مااتآلم = ينتهي عمري ولاترخص كرامه
صاحبي حل الحرام اللي تحرم = وانت عيبك تنتقد اهل الزعامه
قصة الحطاب والفاس المثلم = قبل يسدل ليلك الحالك ظلامه
يوم شاف الشمس في جوي تجهم = وش تشوف بعينها زرقا اليمامه
غيرناسٍ تزرع الموت المنظم = في بلاد السلم يرمون الحمامه
احفظ الايات عن شعر التهكم = بس لاتاتي على ذكر الامامه
لوصعدت المرتفع من دون سلم = ماشغلت الراي ماثرت اهتمامه
البقا للصيت لومات المعظم = يندفن باقي على صدره وسامه
قلهم عن برج ايفل لوتحطم = ينتهي تاريخ وتقوم القيامه
لاورب البيت والعاقل تفهم = تمضي الايام وتواصل نظامه
وانت عاد اضرب على كيفك وقسم = الهدف مشروع والنهج استقامه
قلت لك ماقلت لك في ماتقدم = وكل شخصٍ حر يرضيني كلامه
بس خل الريح لو ساعه تكرم = تطرد الهاجوس وتزيح الغمامه
بتذكر طلة البدر المتمم = زارني طيفه وداهمني هيامه
هيه ياللي في شعر راسك تلثم = في عيونك ركّز الرامي سهامه
حاكني طاح الحطب يالله تبسم = ياخي المشتاق تكفيه ابتسامه
مرعابر عاث في قلبي وبصّم = قال بكرى تخضع الايام هامه
قلت عطني قال هاك الصبر علقم = وش عطيت القلب ياغاية مرامه
قلت لحظه لكن المجنون عزم = ياخلي القلب من وين السلامه
الله اكبر صرت في قلبي تحكم = كل ماحنيت لك تكتب غرامه
من يرمم قلب من فعلك تهدم = من يلملم روح يقتلها انقسامه
من يرد الصوت لوصوتي تبّلم = ليت ذنبه بس تكفيه الملامه
جيت زائر تفرض وجودك تهجم = جيت تسقي شاعرك نخب الندامه
جيت ظالم لين ظنيتك تظلم = مثل ابو نواس والاابو دلامه
راح مثل النوم في صمته تلثم = موكبه يشرح تعاليه ومقامه
ودعن مقفي وصلى الله وسلم = وانتهي حلمي على صوت الاقامه
[/poem]
\
ياسعيد
ليش انت مختلف ؟
اقسم بالله لاقريت لك قصيده احس انك متفرد باسلوبك
بمصطلحاتك بافكارك
يعني مميز بلاحدود
صح لسانك ويسلم فكرك
::
ماتدري شكثر فرحتي لاشفت يوزرك هنا بموضوع جديد
لاني اجزم بوجود ابداع لذييييذ جدا
رد مع اقتباس
المفضلات