شوفوا لي حل .. !!
( ياهلي الروح تعبانه ،،، جيبوا لي دكتور نفسيه ،،، جيبوا لي دكتور نفسيه )
>> طقة أصبع ... وهزة كتف يمين شمال .. فوق تحت ..
لاتستغربوا هالرقصة والطرب فشر البلية ما يضحك .. !!
أدخل بالمشكلة سيدا ..قبل لا ينقطع الأتصال
من دخلت النت وانا أطامر من منتدا لمنتدا ويمكن ماخليت منتدا على الشبكة
العنكبوتية ما شاركت فيه
لو بزيارة ..
ولكن في كل مره ما أتوفق في أختيار المعرف أو النك نيم
أحيان الأعضاء يبون يدلعونك من باب الميانه و كسر الحواجز والرسميات لكن
تدليع يصل لحد لتطنز و جرح الأحاسيس والمشاعر
وانا وحده رقيقة حييييل >> وه فديتني بس
لدرجة تكره نفسك و معرفك و المنتدا كله ... !!!
أذكر في بدياتي كنت أنشر مقالات وخواطربس وكان معرفي في هذا المنتدا
أميرة بلا قصر
واحد يتطنز يقول : أميرة بلا عشة
والثاني يقول : ليه يا دافع البلا قصرك وين راح بعتيه و لا حجز عليه البنك ..
وأذكر بعد أني سجلت بمعرف منيره
واحد قاضب على خاله منيره .. خاله منيره
تخلخلت حلوقك بلا انا كبر وحده من بناتك تقول لي خاله
ومره دخلت منتدا بمعرف أم العيون السود
حولوها أم العيون الصفر ... حتى قمت أشكك بروحي أن معي الصفار يا بعيد
الشر ..
وأخر منتدا قبل المضايف شاركت فيه كان معرفي ريماس
واحد من المشرفين ما يسميني غير بخيته ... حجيه بخيته
ولما جيت أسجل بالمضايف دخلت الأيميل أول وكلمة المرور و أخر شي الأسم
ترددت أول وش أسمي روحي وش أسمي روحي
أول قلت برقع جنز
بعدين تراجعت قلت : لا لا ياربي وش هالدفاشه أبي تكون بدياتي بالخواطر
والفيض مع برقع جنز
لا مايصلح لا فيه حس فني ولا شاعري
وبعدين لقيتها ....
جروح
أيه جروح رومنصي حييييل ويدل على قمة المعانة
والكتاب والشعراء مساكين دايم يعانوا ويحسوا الواقع هذا ظالمهم و لا لهم حظ
فيه فيهربوا إلى الخيال و الأحلام
بعدين قلت لا لا وش هالتشائم الدنيا حلوه وانا وش على من الكتاب هي
نظرتهم للحياة يعني لازم أكون مثلهم
متشائمه ما يصلح أبد مايصلح جروح
وأخرشي بعد تفكير رسينا على ( أهداااب )
ولكن أجد التاريخ يعيد نفسه و تواجه أهداااب نفس المشكلة اللي واجهتها سابقاً
مع المعرفات ويمكن في المضايف أشد
معرفي ( أهداااب ) كما هو واضح أمامكم ( أ - هـ - د - ا - ا - ا - ب ) <<
تمقلوه عدل
من أهداااب تفرع أكثر من أسم حتى أضحى كشجرة العائلة
اللي يقول لي هديبا << مدري ليه أحس أني يمنيه لما حد يقول لي هديبا مثل
صنعاء وعدنا << لا تدققوا كثير
واللي يدلعني هدوبة << أحس أني طفلة توها مسننه
واللي لعن أبو الأسم كله بــ هد بدب
ودي أعرف بس الدال و الباء الزيادة هذي ليه .. عشان الأيقاع المسيقي
والجرس للكلمة يعني .. ؟!
واللي يقول هدب
يناس يا عالم والله حرام مستكثرين على أهداااب بثلاث ألفات خلتوني بهدب
واحد
ليه ياربي وش أسوي بعمري أنا
أذا سمية نفسي دلع و أبي أدلع روحي ومن حقي لقيت من يطتنز على ويشوه
الأسم بتدليعه اللي ماهو بعيد عن تدليع أبوي
وأن سميت أسم عجز هم بعد ماجاز لهم وتطنزوا عليه
أنتحر ياربي أعلق روحي مثل بدر الدجا بمروحه و أرتاح
طيب أخلي معرفي بلا أسم ... فاضي
والله أن فكرة تغير معرف أهداااب بدت تدور براسي من كم يوم
وانا قلت أطرح مشكلتي بالفله لما هو معروف عنها وعن أهلها أهل فزعة
وصدر رحب ودماثة خلق
فاليت تساعدوا أختكم أهداااب لإيجاد معرف جديد لها بشرط أن يكون غير قابل
لــ ( التدليع و التمليح )
وفي هذا المتصفح نتقبل ارأكم وأقتراحاتكم
المعذبة م . م . ن
رد مع اقتباس
وليه زعلانه
والله اللي يزعجتس أنا مااكلمه ههههههههههههههه
المشاركة الأصلية كتبت بواسطة ابو خلوف
ليه زعلانه اقولتس يتغير الى فرحانه اول مره اسمع بالاسم 
المفضلات