قصة طيرة الشـلاقـي مع ابن عـريـعـر

[ســاير الرماحي]

أخواني الاعزاء



اليكم هالقصة والتي اتمنى ان تحوز على أعجابكم..




كان في الاحساء عدداً من القبائل ،ومنها قبيلة بني خالد وشيخها ابن عربعر ،وكذلك العجمان والهواجر وغيرهم..



وفي احدى السنين .. لم يستطع ايٍ من البدو هناك اصطياد طائر الحبارى في احد نواحي الاحساء ..واقتصر صيدهم على باقي انواع الطيور غير الحبارى..


والسبب في ذلك انه وجد طائر حبر كبير الحجم لدرجة عجيبة وشجاع ايضاً..

في احد الفياض قرب الاحساء..واجتمع عند هذا الطائر معظم طيور الحبارى

في ذلك الوقت..وكان يحميهن ويرد الصقور عنهن التي تريد صيدهن..نظراً لكبر حجمه..


استمرت هالحال عدة سنين..وفي يوم من الايام..في مجلس الشيخ سعدون بن عريعر عرضت هالمشكلة بالمجلس..


وان الحبرو هذا منع الصقور من اصطياد الحباري..


وكان في المجلس رجل شمري قادم من حائل..فقال الشمري:

الحبرو هذا لايفككم منه الا طيرة الضب عند الشلاقي بحائل..وكان يعرفها جيداً وسمع أخبارها في حائل..


فقام سعدون بن عريعر بارسال عدداً من الرجال لحائل حتى ياخذوا طيرة الشلاقي ويصيدون بها الحبرو ثم يعيدونها اليه..بعدما سمع اخبارها مع الشمري بمجلسة..


فمشى الرجال الى حائل من الاحساء ووصلوا للشلاقي راعي طيرة الضب..

وأخبروه بالحبرو والذي حرمهم صيد الحباري واخبروه برغبه ابن عريعر باستعارتها لبعض الوقت لقتله..


فقال الشلاقي..انا والله ماعندي مانع..بس هالطيرة والله عايشن عليها احدعشر بيت كلهم يتمان ورملان ياكلون من صيدها غيري انا..


فأصبروا بعض اايام حتى اكثر لهم الصيد اللي يكفيهم لين ارجع..

والشي الثاني انا ماأعطيكم الطيرة..

لازم انا اروح معكم واشوف الحبرو واصيدة بنفسي وبطيرتي..


فوافقو على هذا..


وجلسوا عنده كم يوم حتى كثر الصيد ..وبعده ركب معهم وتوجهوا للاحساء..


وصلوا لابن عريعر وجلسوا بمجلسه وعنده عدد كبير من الرجال وصقّارين المنطقة..


فأستغرب الحاضرين من صغر حجم طيرة الضب للشلاقي بالنسبة لطيورهم..


وقال ابن عريعر بكرا بمشيئة الله نروح للجو اللي فيه الحباري والحبرو اللي حاميها..r


ويوم جاء الصباح ركبوا ومشوا حتى وصلوا للجو المذكور ويوم طلعوا عليه استغربوا من كثر الحباري المجتمعه والحبرو يتمشى قدامهن يحميهن..


ويوم قربوا منهن وقف ابن عريعر والرجال اللي معه وصقّارين المنطقة..وقال:كل واحد منكم يبرقع طيرة الا طير الشلاقي يفك برقعه..



فبرقعوا طيورهم وهم متشوقين لمعرفه وش تسوي هالطيرة اللي مهي بحجم طيورهم..

وفك الشلاقي برقع طيره..ويوم شافت الحباري والحبرو الكبير..طارت شوي ونزلت دونهم..

فقال بعض الحاضرين باستخفاف..الطير خاف الطير خاف..وفي لظات أقلعت من جديد باتجاه السماء حتى اختفت من سرعتها..


فظن الحاضرون انها هربت..


وفي لحظه خاطفه انقضّت من الاعلى على الحبرو كصاروخ أرض جو فضربته بكل قوتها وطارت بعيداً عنه..فرأى الحاضرون الحبرو وهي ثايره عجاجته بالارض..يتمرغ فيها..

ونزلت الطيرة للارض..وأذا بين مخالبها رأس الحبرو تأكل منه !!!


فصاح الرجال يوم شافوا رأس الحبرو معها ..طيوركم ..طيوركم..

وفكوا براقع طيورهم باتجاه الحباري العديدة اللي مات حاميها فصادو مايفوق الوصف في ذلك اليوم..


أكرم سعدونبن عريعر الشلاقي غاية الاكرام وارسل معه عددا من البعارين محملة بالطحين والحب والخام وأخذها الشلاقي وعاد الى حائل منصوراً مظفراً..


وهذه من قصص طيرة الضب للشلاقي التي اشتهرت شهرة واسعه في منطقة حائل وغيرها من المناطق..


أخيراً ..


تقبّلوا تحياتي..


أخوكم/

ســايـر الرمــاحي..

[خلف الرويتع]

اخي العزيز ساير الرماحي
السلام عليكم ورحمه الله وبركاته

قصه اكثر من رائعه واشكر توجدك المستمر في هذا المضيف

[سلمان النبهان]

[poet font="Simplified Arabic,14,black,normal,normal" bkcolor="" bkimage="http://altanaya.com/vb//backgrounds/47.gif" border="double,4,gray" type=0 line=200% align=center use=ex char="" num="0,black"]

الاخ / ساير سلمه الله
تحية طيبة وبعد :ـ
يعطيك العافيه على القصه وماقصرت
والشكر موصول لاخونا نادر اللى طلبها .
[/poet]

[بشير اللويش]

[poet font="Simplified Arabic,14,black,normal,normal" bkcolor="" bkimage="http://www.altanaya.com/vb//backgrounds/43.gif" border="double,4,gray" type=0 line=200% align=center use=sp char="" num="0,black"]

اخي الغالي

الرائع

المبدع

النادر

ساير

لاهنت يابعد حيي

ومشاركه رائعه

لاتزعل علي

ان قلت لك انها افضل ماشارت به مع احترامي

لمشاركاتك السابقه

nاتعلم لماذا ؟؟

لانه قصه حقيقيه لاول مره تذكر بالنت ولم تذكر

سابقا لابالنت ولابالكتب والجرائد

فلاتحرمنا المزيد من الابداع

تقبل تحيات اخوك لاصغير

الراسي
[/poet]

[نادر الرماحي]

ساير



تسلم على هالقصة



اشهد انك رائع



تسلم على هالموضوع


مشكور والله



مع تحياتي...................نادر

[الشمري محمد فهد]

اخوي ساير ...

جزاك الله الف خير ...

على هالقصه اللي أول مره أسمع به ...


هاذي مشكلتنا يالجيل الجديد :D

<<<< جديد توه طالع من بطن امه بقراطيسه:p


ما نعرف علوم الاولين :o

ولا ننشد شيباننا عنهم

مع انهم هم الخير و البركه .... وما وصلنا للي حنا عليه إلا بفضل الله ثم عمايلهم

8
8

(شيبان وأولين شمر كلهم بدون تحديد )

جزاك الله ألف ملين خير...



أخوك اللي يسمع بهالقصه أول مره
العاصف ...

[طلال صعفق الحافظ]

اخوي العزيز ساير.....

الف الف شكر.. لك...... وعسى على القوة..... ..


ولا تحرمنا من جديدك.... اي من دخلت المنتدى وانت .. حارمن منه. الا عن طريق المظيف..

شكرا لك اخوي ساير...

[طلال صعفق الحافظ]

شكرا لك اخوي سار..

قصة .. في القمة........ رغم اني اتقابل معك بالاسبوع لا يقل عن 3 مرات الا انك لم تذكر... لي هالقصة.. مهي مشكلة..

شكراا لك.. واستمر...

[احمد الخالدي]

اخي ساير الرماحي....قصه جميله...

لكن اخالفك هنا؟؟

وهو قولك::

(وفي احدى السنين .. لم يستطع ايٍ من البدو هناك اصطياد طائر الحبارى في احد نواحي الاحساء ..واقتصر صيدهم على باقي انواع الطيور غير الحبارى..


والسبب في ذلك انه وجد طائر حبرو كبير الحجم لدرجة عجيبة وشجاع ايضاً.. )
انتهى كلامك؟؟.....


وهنا ردي....

السبب لعدم استطاعة البدو واهل القنص اصتياد الحبارى

ان الامير عبد لمحسن بن عريعر...
مانع صيد الحباري...في تلك السنين...
لقلة هذا الطائر والخشيه عليه من الانقراض وكان يحمي بيض الحبارى لكي يتكاثر....

وقد امر رجال بني خالد...بأن ينظروا الى القبائل الاخرى

وهم العجمان والمره وبني هاجر ومطير وغيرهم...

هل يمشون بكلامه او لا....

وكلهم امتثلو الى امره الا شيخ العجمان...

رفض وقد قامت حرب مشهوره بين العجمان وبنو خالد

انتصر ابن عريعر بها وقطعت يد شيخ العجمان
لما لابن عريعر من هيبه على جميع القبائل المجاوره

ولااعتقد ان بن عرعر...سيذهب لحائل ليحظر طير لقتل الحبرو

لأنهم يستطيعون قتله ....؟؟؟

اي الحبرو...وانا لااعلم ماهو الحبرو واي نوع من الطيور هو؟؟؟

هذا هو السبب لعدم مقدرة البدو لأصتياد الحبارى


جرى التنويه لما فيه من الفائده.....

تحياتي

[المطلاع]

اخوي ساير لا هنت على القصه
لكن اسمحلي في خطا بالقصه وهو ان ابن عريعر قد امر جميع القبايل بعدم صيد الحبارى ولذلك لقب ب محيرين الحبارى ومن قصيده لمحمد مصلح العتيبي في بني خالد يقول في احد الأبيات
حمو بيض الحبارى واعتقوها0000000000 وقام السيل يدرج مع شعيبه
وهذا السبب الصحيح واشكر اخوي احمد الخالدي على التوضيح ولو انه سبقني
هذا وتقبل تحياتي