% وبعد رحبوا معي يا اهل الفله %

**الشبث** · 02-08-2008 16:39

يالربع

قولوا لا اله الا الله

تروني ماني تسذوب

وهذا اللي انا خابر

تسان صايرن شين جديد الله العالم

امس طلبت منكم الترحيب بأخونا طيب الذكر مفتاح 14

وما قصرتو

مع ان اغلب الردود كانت تتسائل متى يجي

هو جاي

بس انتظرو الليله او بكرى بالكثير

وان شاء الله بيكون بينكم

واليوم ابي منكم ترحيب كبير بقدر الضيف او صاحب المكان العائد

عضو شيخ

من شيوخ الفله القدماء

ولا ابالغ ان قلت لكم انوه مدرسه في فلة الحجاج

عضو فرض اسمه على الكل

ورغماً عن الكل

قمة الاحترام والادب

عضو يجبرك على احترامه ومتابعته

من اوائل الكاتبين في فلة الحجاج

مدرس للكثير من الكتاب ومن ضمنهم انا

يشدك حرفه بطريقه ساخره ومميزه

تعبني كثير علشان اجيبه

هههههههه

رحبوا معي بأستاذي القدير والمميز

( محارش )

والف هلا وغلا بمحارش

وتقلدوا تحيتي

**أبوطروق** · 02-08-2008 17:07

عساني لحقت وصرت الأول

:

**أبوطروق** · 02-08-2008 17:16

أبوماجد يابعد حيي هالوجه

شكلك تبي تحضر بالفلاويين القدامى كلهم

إلا وين لقيتهم؟
بعرس المهيني

ياهلا ومسهلا بمحارش

تصدقون ماني مصدق لأني يوم أقرا مواضيعهم بالفلة (القديمة) أتمنى أكون ملحق عليهم

والحين رجع مفتاح14 ومحارش وعقبال الباقين

لولشن يابنات واعرضوا ياشباب<<< مطلع قصيدة

والله لو أعرف أقصد كان قلت قصيدة ترحيبية

بس ماش

:

**مناكد** · 02-08-2008 17:20

[align=center]
ابو ماجد لا ماهو هاللون!!!

اقول المفروض انت مستشارماهو بالمضايف...
بوزارة الخارجيه هذا اقل شي لك طال عمرك على الطاعه...

والف مرحب بمحارش والبيت بيتك وياهلا...

وشكراً أبو ماجد...
[/align]

.

**غالب** · 02-08-2008 19:16

ياهلا بمحارش ياهلا ومرحبا يارب يصير أطيب من يوسف

**ابو خلوف** · 02-08-2008 19:19

الله يحيه

هذا ثاني واحد يرجعه شبيثان سمو بالرحمن ياجماعه

وماشاء الله كاتبن موضوع ولا به معاناة

**حمـود** · 02-08-2008 19:42

الله يحي من جانا

محارش وامس مفتاح 14

الشبث كل خير وبركه

دمت بخير

**محارش** · 02-08-2008 20:15

سلامو عليكم

مفتاح 14 وعفريتة وايت ورفرفرس ددسن 82 ومدري وشو

الا وش رايك ياشبيثان تقلب المضيف تراحيب ( ومزنه ) مار هذا اللي بقى عليك

حلال ابوك هالمضايف يومنك تدزلبه على ماتبي, وللا عشان المشرف العام مهو بالديره قمت تحوس بالمضايف وتلعب بالدنيا على كيفك

الا صحيح عاد وشلون رجعت الرقم السري وللا عندك سبير خخخخخ

عموما اشكرك من اعماق قلبي على ما تفضلت به علي مع اني ما استاهل احد يعطيني وجه ( من جد مهو مزح لان مره واحد من الشباب عطانن وجهه وانا اقص لوجه سبير واحرّج على وجهه واخلي السبير للعازه خخخخ)

مع اعنف واشرس التحايا

الشيخ محارش

<<< وش اللي طلّعه

>>> قص سبير خخخخخخخخخخخ

**يـــوسف** · 02-08-2008 20:20

^
^
جاكم

عز الله ان الاشراف يبي يطير

حياااااااااااك الله يامحارش والساعة المباركة اللي شفناك به ومن طول الغيبات جاب الغنايم ...

يامحارش أبلشنا الشبث والله يادق علي يصيح يقول يبي يجي محارش ابشرك شوين ويبتسي

وأحسبه يبرد علي

أشوا جيت صحيح ولا تروه أول يقول لو مايجي ابنحاش هههههههههههه

حياك الله يامحارش مرتن أوخرى ..

توسد إحترامي