أعرس عليها..؟ ( ممنوع دخول الشيبان و الحريم ).

**ملامح شمري** · 02-07-2008 09:50

المشاركة الأصلية كتبت بواسطة يوسف

ملامح يابعد خشتي انت ...

سلملي عليه وقل يوسف العطاوي يقول توكل على الله وأعرس

والله شف ياملامح ...
إذا هي جاده وهو جاد وزي ماقلت لنا حالتها الماديه زينه يعني تكح خمس ميه وهو بعد يقدر اقل شي يستأجر شقه تكفيهم ...

يتزوجها زواج علني ليش مسيار وليش يحرج نفسه ويجيب لنفسه كلام هو بغنى عنه ..

يا بعد كيبوردي والله ..

هذا الرد , موب رد الشيبان

look , من ناحية الجدية , الدعوة ميب مزح ..!

و بعد من قال مسياره سري ..؟!

معلن , لكن من حيث النفقة و المسكن و بعض الترتيبات يُعتبر مسيار .

المشاركة الأصلية كتبت بواسطة يوسف

أما بالنسبه للشيبان تر حتى زواج الحب هالوقت عندهم عيب وخزي وهم أول بس عند البير يغازلون البنات وكلن يحط حنىا على قرونه وينذخ بهن ... ويتطارحون قدامهن يعني اننا ايه ههههههههههههههه

بالعربي ومن الأخير إذا مايبيها هو خله يجي هنا ويرسل لي رقمه اتزوجه أنا

يغازلون ..

الا قل كلن ماسك دربيله و جالس يناظر لهن من ورا الطعس ..!!

و بالاخير يقولون حنا الضايعين و اللي ما نستحي

ما تبيه يوصف لك بيتها بعد ..؟!

**ملامح شمري** · 02-07-2008 10:00

المشاركة الأصلية كتبت بواسطة سلمان النبهان

الموضوع سهل ولايحتاج شور
يتوكل على الله وخصوصا انها مغربية
حتى لو عمرها خمسين مادام مغربية تعادل سعودية بـ 20
وبعدين المراه طلبها الحلال والستر والطريق السليم
فلماذا التردد وخصوصا ان الرجال عزوبي ماهو متزوج
اسالها مافي احد لها بالشرقية مثل حالتها
عندي واحد مستعد ولاعنده تردد او قدم رجع ....

لا تفضحن

وش أسالها ..!

أخييييييه يا فضيحيتي عند كومبيوتري ..

شف اذا مكتوب المهنة بهويتك , رجل أعمال بدل متسبب ..

أبشر بعشرة بدل الوحدة ..

هذا شرط بعض الخطابات .

**ابو ضاري** · 02-07-2008 10:36

ملامح شمري الركاده زينه

زواج المسيار مايصلحلك لانك شاب عمرك صغير الله يعطيك طوله العمر وهي كبيره عليك ومعها عيالها

لكن الصبر زين وانا اخوك واذا ماتصبر عليك بالصوم ..

هذه نصيحه شايب صغير اصغر من شايبك ابو عارف

**ابو عارف** · 02-07-2008 10:36

المشاركة الأصلية كتبت بواسطة ملامح شمري

1- من وجهة نظرك و حسب المعطيات اللي عندك يمكن .
2 - اربعين صارت كبيرة ..!! , و من أي منظار صارت سلبيات ..؟!
3 - كلامك مبني للمجهول , بمعنى أوضح مبني على معطيات غير متوفرة لك بشكل ملموس .
4 - من قال اني انا اللي باخذ مسيار..؟

-------------------------------------
ملامح شمري
1- أنا أخاطب هالشمري الخاطب
2- 40 سنة ماهي صغيرة وشف ردود إخوانك وأخواتك.
3- وجود الأولاد لديها من السلبيات بس ماقلت لنا وين ابوهم؟
4- الزواج هذا زواج مصلحة لصالح المغربية التجنسة والزوج يا يراكض وراء أعمالها أو بيبي ستر.
5- كلامي مبني على كلامك وتوصيفك للموضوع ليش صار مجهول؟

شكل خوينا مدحدر الله يوفقه بس لاينسا يعزمنا على العرس المسيار.

شكراً لك لاهنت.

**العَـــروب** · 02-07-2008 10:43

أولاً : العرض كان غير مباشر و المرأة رغم أن أصولها من خارج الجزيرة إلا انها متطبعة بطبعنا .
و هو غير مغترب , بس ان عايلته متوزعة على مدن المملكة ..!

مباشر او غير مباشر نفس الشي
واذا كانت فعلا متطبعة بطبعنا ما كانت تجرات وعرضت عليه زواج مسيار
واذا هو عايلته متوزعة على مدن المملكة فهذا يعني انه وحيد وما عنده احد واكيد انها عارفة هالشي
بصراحة المفروض تعامله على انها امه (اذا كان فيها خير) مو تسعى وراه وتعرض عليه مسيار وتهدم مستقبله

ثانيًا : مسألة الابناء و الحمل , ما غابت عن باله , و مسألة ان ولا وحدة بترضى به بعد هالسالفة ذكرتيها بثقة و تأكيد ..
و من وجهة نظرك فقط ..!

ما قلت شيسوي اذا جابت منه عيال؟

وانا ما قلت ما يلقى وحدة ترضى فيه
انا قلت ما يلقى وحدة بالمواصفات اللي يتمناها ترضى فيه
ونعم اقولها بكل ثقة

ثالثًا : هو أصلاً غير حائلي , لا مولد و لا طفولة أللهم إلا ان امه حايلية و تزوجت و هي عمرها 20 و مباشرةً سافرت برى
السعودية و جابت كل أبائها بالمهجر و ما رجعت الا و هي باواخر الاربعينات او بداية الخمسينات من عمرها .

المهم انه يتزوج
من حايل من الرياض من جدة من الدمام مو هذي مشكلتنا
المهم انه يتلاحق على عمره ويتزوج اللي تستاهله فعلا

واذا تزوج هالمرة بيضيع مستقبله والله

ولا تسمع كلام اللي يقولون العكس
الولد مو ناقصه شي علشان يقبر نفسه مع وحدة اكبر منه بـ 15 سنة وعندها عيال

بنات الديرة عنده يختار اللي تناسبه وتستاهله ويكون معاها عايلة اساسها سليم

لا ياخذها

**..طيف الأمل..** · 02-07-2008 10:43

يا يوسف ويا سلمان
والله العظيم لو أنه اخوكم من امكم وابوكم
ما قلتو هالكلااااااااااااااااااااااااااااااام
والله اني تخيلته اخوي وطايح بهالمشكلة

**عبدالله الجعيثن** · 02-07-2008 10:45

سلملي عليه

وقلّه يتزوجه وماجاه عندي

يارجل زمان اول انتهى وعصرنا هذا تغير كل شي...

اهم شي انه ملتزمه وحافظه نفسه

**منصور الغايب** · 02-07-2008 10:47

شد انتباهي قولك .. فراغ عاطفي ..

إذا العاطفة تدخلت في مثل هذا الزواج .. لا مشكلة ..

اما اذا كان الزواج .. مبني على المصلحة فقط .. فقد تزول تلك المصلحة .. وعندها .. ماالذي سيبقى ؟!

مع تذكر امكانية عدم حدوث معارضة من الاهل .. ومشاكل ..

الله يوفق .. الجميع ..

**..طيف الأمل..** · 02-07-2008 11:03

ايه روحو ضفو بناااااااااات المغرب جعلهن السلال
وخلو هالبنات الضعيفات اللي مالين البيوت
وش يسوون ياعمري عمرهم
يروحون يتزوجون رجال مغاربة بعد؟؟؟؟؟؟؟؟؟؟
قل آميييييييييين
ياجعل هاللي ميت عليها تمووووووووووووووووووت اليوم قبل بكرة عشان يرتاح قلبك
الظاهر ما تعرفون كم نسبة العنوسة بالسعودية
وانتم تعرفون ان نسبة الاناث اكثر من الذكور
يعني بالله عليكم
وش الحل ؟
الحل بيدينكم انتم
فكرووو بهالبنااااااااات اللي منهم اختك وعمتك وخالتك وبنت جيرانك ترضى اختك توصل الاربعين ماتزوجت؟؟
رجاء كل واحد منكم يجاوب على سؤالي